|
كيف اتصرف ساعدوني
مساء الخير على الجميع
هي مشكله شوي معقده اتمني الاقي من يرشدني الي الحل الانسب مره كنت ماشيه في الشارع انا وبنت جارتي وهي شابه وعمرها تقريبا 20 سنه رايحين علي النادي الرياضي وفجاءه قامت تصرخ وشفت سياره مشت من جنبنا وفيها شاب يطالع علينا ويضحك قلت لها سحب منك الشنطه وقبل لاتجاوب لاحظت ان شنطتها موجوده علي كتفها قلت لها ايش بك وهي مستحيه ومغطيه وجهه بيدها قالت لي مسكني من ورا وقامت تدعي عليه هي منهاره وانا جلست فتره مصومه وقلت لها اكيد حيرجع وكان كلامي صحيح مر مره ثانيه من الشارع الثاني وقالت لي خذي رقمه بس كانت السياره بعيده شوي فما امداني اخذه بس حتي لو اخذته ايش بنقدر نسوي له حسبي الله ونعم الوكيل البنت قالت لي انها ماحتكلم امها عشان لاتمنعها من الروحه للنادي وقلت لها خلاص انا كمان ماحقولها بس بشرط ان ابوك يوديك في الايام ايلي انا اكون ماني رايحه فيها قالت لي طيب ان شاء الله بس يوافق ويكون موجود انا الان في حيره من امري هل اخبر جارتي بما حصل لابنتها لتحرص عليها اكثر او اسكت كما اتفقت مع البنت والله احس اني جالسه اغش جارتي وما اني عارفه كيف اتصرف ارجوكم ساعدوني كيف اتصرف ملاحظه انا وجارتي نعتبر اكثر من جيران ولله الحمد انتظركم اختكم / ام عبد الرحمن |
[COLOR="Black"]لاحول ولاقوة الا بالله
وهل هي التي قالت للشاب عاكسني ام مجرد صدفه يااختي البنت بماانها لم تعمل غلط اذا قلت لأهلها راح تمنعيها من النادي وممكن يشكون اهلها فيها وانتي عارفه انها برئية وممكن يزيد التشدد عليها خلاص موقف وعادى لكن قولي لها تقول اذكار الخروج وتحرص الخروج مع والدها او معاك لا بإذن الله ماغشيتي دام انك عارفه البنت شريفة ممكن لو تكرر الموقف كثير هناك اتخاذ واجراء ثاني ومشكورة اختي على حرصك وجعلي في بالك انت امكانها هل تحبين احد يعلم هلك ويقول بس عشان يحرصون عليك لعل موقف عابر والله اناعارفه انه من باب حرصك وخوفك وراح تأجرين بس لاتتصرفين تصرف قد يضر وقصدك احسان[الله يوفقج/COLOR] |
مشكوره اختي علي سرعه ردك لي
البنت انا اثق بها جدا جدا وهي من عائله محافظه بس انا حطيت نفسي مكان الام يعني اذا صار لبنتي لاسمح الله نفس الموقف فبودي ان احد يخبرني بس ما جاء في بالي اني احط نفسي مكان البنت |
عزيزتي نور دبي..
وضعتُ نفسي مكان الأم .. فتمنيت لو أنني علمت بما حدث لابنتي .. فأنا الأولى بهذا دون شك. ووضعت نفسي مكان البنت .. فتفهمت طلبها والسبب الذي دعاها إليه. ووضعت نفسي مكانكِ .. وتفهمت الحيرة التي تسكنكِ. عزيزتي .. الأمر ـ في رأيي ـ يعتمد على طبيعة الأم وشخصيتها وعلاقتها بابنتها .. يعني لو كانت الأم متفهمة بطبيعتها وتحتوي ابنتها ولا تأخذها بذنب لم ترتكبه .. فنعم أخبريها حتى تحرص على توفير أجواء أكثر أماناً للبنت عندما تذهب إلى النادي في حال لم تكوني أنتِ معها. أما إن غلب على ظنكِ أنها ستغضب وتعنف البنت أو تمنعها من الذهاب تماماً فأرى ألا تخبريها .. وسيكون الشرط الذي اشترطتيه عليها ـ وهو ذهابها مع والدها في حال عدم وجودكِ ـ كافياً .. ويمكنكِ طبعاً التأكد من التزامها بهذا الشرط من خلال علاقتكِ وتواصلكِ مع أمها. |
غاليتي مهره
اشكرك كثير علي ردك المتقن وفي الحقيقه انا قلت للبنت ليه ماتكلمي امك بالذي صار قالت لاني ماتعودت اني اكلمها علي خصوصياتي قلت لها طيب هذا فرصه عشان تتعودي ان امك تصير صديقتك قالت لي مااقدر بس انا حكلم اخواتي الاكبر مني وبالنسه لابوها ما اظن انه حيلتزم مع البنت عشان كذا انا عرفه انها ممكن تتهور وتروح بنفسها بس حتروح من الشارع العام لانه برئيها اامن وامها ممكن انها تركز علي البنت بزياده وممكن انها تكلم الاب وتكبر المشكله انا وجارتي علاقتنا مثل الاخوات واكثر ماشاء الله عشان كذا حاسه بتأنيب الضمير |
جبتيها عالجرح أول مرة أتعرض للتحرش وفي السوق بعد وزيادة كمان كنت مع أمي واخوي والأدهي والأمر اللي سوا هالحركة شخص ملتحي ومقصر ثوبه ولابس بشت يعني اللي يشوفه يحسبه شيخ ولامطوع ومن هالكلام انا صرخت بأعلى صوتي وربي من خوفي وصرت أرجف من الموقف أمي واخوي شافوني بعد وقلت لهم ومن ذاك الوقت عشت عدة أشهر عصيبة وربي ماأنام الليل من الي صار فيني انا مادري إذا تخبري الجارة أو لأ يعتمد على حدة طباعها عصبية رايقة يعني جارتك وانتي أعرف فيها |
اظن يااختي روح المساء
ان معظم البنات قد تعرضوا للتحرش وما حصل لك يحصل لكثير ولكن الصمت هو مايجتاح هذه المشكله ولكنك لم تقولي لنا ماهي ردة فعل والدتك وبالنسبه للمشكله لقد قررت ان لا اخبر والدة البنت عشان لاتفقد ثقتها بي وهذا درس لكل الامهات بأن يحاولوا ان يكسبوا ثقه بناتهم لكي يشاركوا هم حياتهم واسرارهم |
مرحبا حبيبتي
انتي تقدرين توصلين معلومه لجارتك بأنك تقولين لهأ ماشالله بنتك حلوه وملفته انتبهي لاتخلينها تروح لحالها وبس ممكن ناخذ احتمال انها ممكن تقولك ليش ايش في صاير شي انتي لاتبيني لها اي شي قولي لا بس اقولك. |
يا اخت الزمن الذي نعيش فيه كثر فيه الخبث والانسان العاقل قد يتعب من السير وسطه ولكن من يتوكل على الله فهو حسبه
و حتى ان كانت هذه الام متفهمة فبمجرد سماعها لهذا الامر سوف تبقى على اعصابها كلما خرجت هذه البنت لذالك حاولي تنصحي البنت بان تراقب من يتحرك حولها وتحصن نفسها باذكار الخروج وان لا تسكت ان تكرر معها ذالك وحفض الله شرف كل بناتنا امين يا رب العالمين |
اقتباس:
فكرتك حلوه جدا واشوف انها مناسبه لتوصيل الفكره بطريقه غير مباشره اشكرك علي مشاركتك اقتباس:
والله اني نصحتهاوتقبلت النصيحه مني حتي هي قالت انا اصلا ما قرأت الاذكار او اني يمكن زعلت ماما الله يوفق الجميع اشكر لك مشاركتك |
| الساعة الآن 06:37 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©