|
خالة ! اختلت ضلوع الشيطان
السلام عليكم
و صباح الخير و جمعة طيبة ... صار لي موقف قهرني شوي cgg يعني شوي وايد البارحة - ليلة الجمعة - طلعت من بيتي الساعة 8 ونصف متجهة لبيت أبوي وكان الشارع زحمة ما يمشي... من 8 ونص تقريباً لين الساعة 10 وآنه بنفس الشارع لمن طلعت من لزحمة خلاص صارت 10 فقررت ارجع بيتي من جديد gfn بس يعني حسيت حرام حمست نفسي و حمست السيارة عالفاضي قررت اروح مول ( مجمع ) قريب اتسوق ... المهم مالكم بالطويلة ... كنت عالدرج المتحرك نازلة من الطابق الثالث للثاني... كانوا فيه 3 بنات وراي من اللهجة فهمت إنهم من جنسية خليجية سمعت وحدة منهم تقول خل نتجاوزه ونعتذر منها .. اثاريهم يقصدوني jh تجاوزونييي ( لحد هني لحدث عادي وطبيعي صح ؟ ) إلا تلف لي وحدة من البنات مسكت يدي بحركة خفيفة لطيفة وقالت لي : cggcggcgg ( سامحيني خالة بس مستعجلين ) gfn يا انييييي احتريت والظاهر معاهم وحدة من ديرتي قالت لي ( معليش يمه ) cgggfn كان ودي اتهور واقط النقاب وأقول لها وات از ذس! شنو هذا شوفي ويهي وين التجاعيد ها وينها وينها عندنا قليل جداً نشوف وحدة متنقبة .. ولابسة قفازات قليل وايييد وارتبط المنظر عندنا بكبيرات السن... بس الموقف صج حز بخاطري للحظة حسيت إن ودي اشيل النقاب ولقفزات واظل بس بالعباية ( ياريت محد يكتب الحكم الشرعي لان ندري ان فيه اختلاف بين لعلماء ) مو هامني موضوع النقاب.. بس قهرني ارتباطه بموضوع الكبار بالسن... طبعاً هذا غيض من فيض مرة بعد السوق دشيت مسجد .. كنت أتكلم بالتيلفون ( لابسه نقابي أيضا ) وكنت اكلم اختي فجأة ضحكت وقلت ( الله أكبر علييييج ) الكل التفت لي! شدعوة يعني بافجركم مثلاً ! عاد وحدة تبي تكحلها عمتها تقول لي ويييي تصدقين عبالنا إرهابية بتفجرينا.. ضج والله عاد!!! بعيييييد عن كل هذا .. jh مقهورة من كلمة خالتي ويمه مو مقهورة من كلمة خفنا انج إرهابية صديقاتي البنات لو كنتي بموقفي هم بتنقهرين ولا عادي ؟ انتوا من الناس اللي تهتم بموضوع لعمر ولا ما يفرق معاكم وانه مجرد رقم ؟ انه بالنسبة لي عمري عادي ما اتضايق منه اكييييد يمكن لاني لازلت عشرينية .. بس اهم شيء عندي محد يكبرني والرجال شنو نظرتكم حق هالموضوع ؟ |
رد: خالة ! اختلت ضلوع الشيطن
يمة وخالتي مو دليل كبر السن
ولكنها من باب التقدير والاحترام ولا علاقة لنقاب بذلك يعني كل من لبست النقاب صارت عجوز وكل من فلت شعرها صارت بنوتة لو عمرها50 الثقة بالنفس طيبة يا بنت |
رد: خالة ! اختلت ضلوع الشيطن
هههههههههههه ، الحمد لله وتعيشي وتشربي غيرها حجيه :D
اجابه لسؤالش انقهر ؟ ايوه انقهر وانبط بعد ، اما موضوع العمر ما احب يعطوني عمر اكبر من سني ، احب يكون مظهري لايق ومرتب ويعطي عمري المناسب لي |
رد: خالة ! اختلت ضلوع الشيطن
مرحباً أختي
البارح صديقي كان يشكي لي من زوجته في بعض الأمور .. وأنه هو بعض الأحيان يقول لها ترى بتزوج لو ما فعلتي كذا . فقلت له .. تراك مزودها على زوجتك والمسكينة للآن متحملتك وبيجيها يوم وبتنفجر فيك ولا عاد بترجع البيت وبتبلش في عيالك أنصحك شيئين أنتبه تقولها للمرأة : بتزوج أو تتكلم في شكلها أو عمرها نرجع لموضوعك حسب نظرتي كرجل أشوف الموضوع عادي جداً .. ونحن في لهجتنا نقول ( يا أمي ) أو ( يا أبويا ) إذا تكلمنا مع أحد حتى لو شباب .. مثل نقول شوي يا أمي لو سمحتي .. يعني أبعدي شوي من أمامي ويمكن البنات فعلاً شايفينك بالنقاب منظرك يظهر فيه هيبة وأنك كبيرة بالعمر .. مو لازم عجوز .. بس كبيرة في نظرهم على العموم بما أنك متنقبة وتلبسين قفازات عندي لكِ حل إذا نزلتي السوق ألبسي بوت رياضة بناتي فهذا يظهر أنك شابة . بارك الله فيك |
رد: خالة ! اختلت ضلوع الشيطن
شاطئ يالطيب
الناس هني اغلبهم قاعدين يربطون هالشيء بالنقاب مو آنه 😕 ما له علاقة بالثقة بالنفس بس ما احب احد يعطيني عمر أكبر من عمري حتى لو بيوم كوكو ☺💔 يا شماتة أبلة ظاظا 😆 اشوه انج مثلي .. لا تعايريني ولا اعايرك دا الهم طايلني و طايلك أخوي الرسمي أي والله صاج.. هالقاعدة يبيلها تُدرس حق البعض اي احنا أيضا بمعرض الكلام مثلاً اكلم وحدة اقول لها شفيج يا يمه لكن اللي قالوه البنات متعارف عندنا نقوله لكبار السن 😅 بخصوص الحل اللي قلته الله وكيلك كنت لابسه حذاء سنيكرز وانت بكرامة والشنطة أيضاً تبين لوحدة شابة 😅😅 انه لو الكبيرة بالعمر متنقبة اعرفها من عينها اعرف اقدر عمرها |
رد: خالة ! اختلت ضلوع الشيطن
jhjhjhjh عاد ما لقوا الا إنتي. :D المشكلة ملجة أخو زوجي اليوم وعندي شغلات وايد وما أقدر أكتب وايد. بس ما قدرت أطلع بدون ما أواسيج. :D هونيها وتهون يا بنت. بارجع لج باجر وأذكّرج بموقف حصل معاي .. وأنا عاد مب منقبة. المهم كم حبة منوم خذتي هالليلة عشان تقدرين تنامين؟ :D |
رد: خالة ! اختلت ضلوع الشيطن
اقتباس:
😂 تواسيني ها ؟ يا حبكم للشماتة اي والله تخيلي عاد من بد هالعالم كله ما لقوني الا انه يتكلمون عن اكبر خط أحمر عندي 😆😂😂 😂 الله وكيلج للحين ما رقدت مواصلة عاد اقول لج بعد الموقف نزلت من الدرج دشيت هوم سنتر ظليت واااايد افتر فيه .. وترست الترولي اغراض 😂😂😂 بعدين فجأة تركت الترولي وطلعت من المحل ايد ورا وايد جدام اتهقين تأثير الصدمة ؟!!! |
رد: خالة ! اختلت ضلوع الشيطان
هذا رد فعل وحالة نفسية الله يسلمج. خبرج العييّز هن اللي يشلّن الحاروت والماروت ويترسن الترولي من كل حدب وصوب. :D فانتي خليتي الترولي وطلعتي عشان تنفين عنج التهمة. :D |
رد: خالة ! اختلت ضلوع الشيطان
عادي انتي اصلا مغطيه كل شي كيف يميزوك صغيره ولا كبيره
زينو انا صارت عندي مناعه (ضد الصدمات)كل من شافني يحسبني اختي الي اكبر مني ب 7 سنوات ..ومره واحد سال اختي اللي اكبر مني واشر عليا هاذي اكبر منك ؟؟ |
رد: خالة ! اختلت ضلوع الشيطان
لا تزعلين يا خالة زينب ""gg
احنا عندنا الي تكون متحجبة حتى بدون نقاب من باب الاحترام يقولونها امي او خالتي اما هذه شلة البنات ما عندهم ذوق المفروض يقولون اختي بما انه وجهك مغطي مرة اختي كنت معها في السيارة وقفها الشرطي ثم قال لها يلا امي روحي لو تشوفيني دموعي اربع من الضحك khh لما شفتها انزعجت وهي اصغر مني والشرطي شايب اما قصة الارهابية ان كانت حقيبتك كبيرة وقلت الله اكبروشفتك حكون اول وحدة اهرب هههه بس من صدق لا تزعلين الي ما يشوف وجهك القمري يجهلك gnn |
| الساعة الآن 01:21 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©