|
حامل ولدي عدة استفسارات
السلام عليكم ورحمة الله وبركاته
اخواتي العزيزات انا حامل بالشهر الاول واحس انه الوحم جدا متعب يعني مغص يصحيني من عز نومي وغثيان وحرقه بالمعده ودوخه بس بصراحه ماعندي ابدا خبره في امور الحمل ايش الاكلات الممنوعه او كيف اتصرف وقت هذي الاعراض احس اني مررره تعباانه ماني عارفه شي وخاصه انه اول حمل ليا وبعدين سمعت انه اكل الدجاج مضر بالثلاث الشهور الاولى صح ولا غلط؟؟؟ طيب ايش الاكلات اللي مفروض اكلها وهل صحيح انه السونار كثرته مضره على الجنين ومتى ابدا احس بحركة الجنين؟؟؟ وماذاعن العلاقه الحميمه كم مره بالشهر المفروض تكون وكيف الوضعيات؟؟ الله يخليكم لاتنسوني ردو علي لاني من جد حاااايسه تحياتي |
الله يتمم عليك يارب
الوحم طبيعي .. بالنسبه للاكل أبتعدي عن الاكلات الثقيله والمقليات خصوصاً في الليل حاولي تكثرين سوائل وعصيرات فواكه وخضار عادي كولي الاشياء اللي تشتهينها .. بس كولي أكل خفيف علشان ماتستفرغين الدجاج أول مرة أسمع عنه إذا بتكونين صحيه أشربي حليب يوميا وابتعدي عن القهوة والشاي والمشروبات الغازيه .. الجماع حاولي بالثلاث الاشهر الاولى تقللين .. خصوصاً أذا كان فيك مغص واذا ماسبق لك أجهاض ولاتأخذين مثبتات عادي الجماع حركة البيبي بدري عليها فيه أحد يحس فيها بالشهر الرابع وأحد بالخامس .. بس ممكن تسمعي نبضة.. السونار مقرر دائماً اللي تسوي برنامج يكون " ثلاث أو أربع مرات خلال الحمل وفيه طبيبات يسوونه في كل زياره تقريباً يعني حوالي ست أو سبع مرات الله يتمم حملك يارب دعواتك |
حبيبتى مثل ماقالت لكى حرم المعلم وزعى اكلاتك طوال اليوم يعنى الفطور كليه على مرتين والغداء والعشاء حتى ماتتعبى
الجماع حاولى الاحتراس من الاوضاع او التكرار بقوة اما السونار ماتقلقى منه ابدا هواامن ان شاء الله مادامك تسوينه عند الطبيب يعنى هو اللى يقولك تقريبا كل شهر تسويه انا كنت اسويه كل زيارة احيانا الزيارة ماتكمل شهر عادى من الاشياء التى تقلل اللوعه والاحساس بالقيئ هو البسكويت المالح خله دائما بجانبك حرقة المعدة اذا حسيتى بها فورا اشربى حليب بارد مثلا حليب السعودية تنتهى فورا باذن الله وهناك ادوية يكتبها الطبيب للتقليل من ذلك كنت اكلها حركة الجنين لسه فى ناس تحسها من ارابع وفيه يتأخروا |
الغثيان والحرقة والصداع كلها أمور طبيعية
ومثل ما قالوا لك الأخوات الأكل وزعية على وجبات صغيرة يعني لا تثقلين كثير في وجبة واحدة وابتعدي عن الأكل الحار والصلصات والأكل المقلي والدسم وانتبهي ما تآخذين أي دواء من غير ما تتأكدين من أمانه على الحامل ولا حتى فيتامينات بجرعات زائدة الالترا ساوند مامنها ضرر إن شاء الله وهي تكون بالكثير مرتين بالشهر والجماع على حسب وضعك مستقر أو لا وعموما يكون بهدوء ووضعيات ما فيها ضغط على البطن ولا الظهر وحركة البيبي مثل ما تفضلوا في الرابع أو الخامس وربي يتمم لك على خير |
الاخوات كفوا ووفوا
مابقى شي نقوله الله يتمم لك على خير |
اللهم اميييييين
حرم المعلم وتييرا وكولور وزهرة البستان يسلموووووووو جزاكم الله كل خير ربي مايحرمني منكم يااعز اخوات بااحلى منتدى |
الله يثبت حملك
ديري بالك عحالك |
الله يثبت حملك ويسهل عليكي
|
ربي يخليكم لي ان شاء الله
جزاكم الله كل خير |
أول شي ألف مبروك
اقتباس:
السونار لا يؤثر على الجنين و لا حركته بإذن الله العلاقة الحميمة يفضل التقليل من عدد المرات اول 3 شهور و أهم شي اللطف فيها الاوضاع اللي بتشعري انك مرتاحة فيها أهم شي ما تاخدي أدوية بدون مشورة طبيبتك خدي حمض الفوليك من الآن و حتى الشهر التالت كل يوم حبة 400 mcg ما تتعبي نفسك بحمل الأغراض الثقيلة و لا جرها حرقة المعدة متعبة و عليك أن تراعي نوعية الطعام اللي بتاخديه اللي ممكن يخفف الحرقة: المالح بشكل عام (عكس الحلو بزيدها) تقسيم الوجبات لأقسام صغيرة اللي ممكن يزيدها : الفواكه الحمضية (ليمون برتقال و غيرها) الوجبات الكبيرة .......التخمة بمعنى آخر الدسم الكتير بالطعام شرب الماء بكميات كبيرة ... دفعة واحدة يعني... ممكن تشعري انك بعد شرب كوب كامل من الماء بالحموضة لذلك قسميها على مرحلتين او أكتر القهوة و الشاي و الكولا و الشوكولا <<< تزيد الحموضة أكتر شي انتبهي منها الله يتمم حملك على خير و تولدي بالسلامة |
| الساعة الآن 08:43 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©