|
حياتي بعد الزواج
السلام عليكم ورحمة الله وبركاته
كيفكم ان شاءالله الجميع بخير ابشركم وضعي الحمدلله تمام وانتظر مولود قريبا ان شاءالله ولكن فيه منغصات او بالاصح بعض الحاجات اللي احاول تغييرها اولاً تعبت وانا احاول اخفف درجة الحيا مني انا وخصوصاً انها تربت على الحيا وانا احب المراءه اللي تستحي واقدر الحيا ولكن مو بهالشكل يعني مثلا ساعات اشوف ملابس واشتريها وابي اشوفها عليها فـ اول كلمه اسمعها منها اخيه هههههههههه تصدقون ان وجه عمتي الى الحين ماشفته وتتغطي عني ثانياً وهذا الاهم هو غيرة اولادي منها فـ صرت الاحظ ان اولادي يطلبون طلبات كثيره وكأنهم يقولون شوفي ابونا مايرفض لنا طلب وبطبيعة الحال فيه حاجات خطيره ومااقدر اجيبها لهم لانها خطيره عليهم فـ يتضايقون بشكل غريب فكيف احد من الغيره ؟ ثالثاً حزنها على بنتها كونها عند جدانها واحيان كثيره تكون شارده وتبكي على بنتها بالرغم اننا نستغل اذا جدها طالع بعيد ونجيبها عندنا تنام عندنا حتى يرجع جدها لانه رافض انها تكون عندنا اما الباقي فـ الحمدلله بنت الحلال ماهي مقصره ابدا قايمه فيني وفي عيالي الله يسلمها ويسعدها |
رد: حياتي بعد الزواج
ماشاء الله تبارك الله
بتكلم بنقطة وحدة حزن الام على اطفالها مايعادله حزن 😞 وهذا شيء فطري و طبيعي الا اذا كان قلبها من حجر لذلك كن كالوالد لهذه الطفلة واظهر اهتمامك بها حتى يقل حزن الام عليها |
رد: حياتي بعد الزواج
ماشاء الله اخوي الوحيد الله يبارك لك
وبين أطفالك وزوجتك حاول تكون متوازن والله يوفقك ياقلبي عليها قلبها مشتت بين بنتها وأسرتها الجديده كم عمر بنتها ؟ الله يجبر قلبها ويعينها وضعها مؤلم وجدها مبالغ في رفضه لو كل ويك اند تنام عند أمها ليلتين او ثلاث حتى يهدى خاطرها |
رد: حياتي بعد الزواج
ماشاء الله ☺الله يوفقك ويسعدك تستاهل كل خير
اولادك طبيعي يغارو بس حاورهم واصبر عليهم اما زوجتك عطيها وقتها لا تستعجل عليها وياريت لو تقدر تكلم عمك يخلي البنت تجي عند امها ولو ع الاقل خميس وجمعه ..سؤال من يهتم بها ف بيت جدها |
رد: حياتي بعد الزواج
بالنسبة لغيرة الاولاد ف طبيعي..
و بعد فترة يتعودوا خاصة لو جاء النونو الجديد ان شاءالله و حاول انك لا تفرق بينهم و بين الطفل الجديد حتى لا تزيد الغيرة |
رد: حياتي بعد الزواج
بسم الله ما شاء الله لا قوة الا بالله تبارك الله الله اكبر ولله الحمد حفظكم الله وستركم وبارك لكما الحيا جميل آخى العزيز وانت عودها ومع الايام تتغير بإذن الله ولكن حافظ على ان يستمر هذا الخجل والحياء حتى لا ينقلب الآمر لا قدر الله الى جرآة التى لا تحمد عقباها لا قدر الله .. الست معى اما عن الاولاد فيجب من الحوار معهم واحضر بعض الهدايا التى يحبوها واعطيها زوجتك تعطيها لهم .. اسأل الله العلى القدير ان يآلف بين قلوبهم اللهم آمين وكيف حال طليقتك واعلم انها تشتغل من خلف الستار وتملىء اطفالك فعليك من الحيطة والحذر منها كفاك الله شرها ولا تنسى تحصن نفسك وبيتك واهلك بالقرآن الكريم والاذكار |
رد: حياتي بعد الزواج
مرحله غيره الاطفال طبيعيه
ودلعهم شوي هالفتره لانهم بطلباتهم يختبرونك باقي على غلاهم ولا لا زوجتك ماشاءالله نعمه اذا قايمه فيك وعيالك حزنها امر طبيعي مع الوقت بتتعود اهم شي دايم حسسها ان بنتها شي مهم وبيتك مفتوح لها الله يوفقك ويسخركم لبعض |
رد: حياتي بعد الزواج
ماشاء الله تبارك الله الحياءشعبة من شعب الإيمان ويمكن بعدها صغيره الله يسعدك ويبارك لك فيها
بشر كيف حال يد ولدك |
رد: حياتي بعد الزواج
اقتباس:
اما بنتها يعلم الله اني اعاملها مثل عيالي بالضبط وازود بعد ولكن ساعات هي تتضايق من دلعي للبنت فمثلا شفت البنت نفسها بجوال مثل اللي مع عيالي ورحت واخذتها واشتريت لها امها تضايقت تقول ماابي ادلعها وتتعود على الدلع فـ صرت اعطي الام فلوس واقول لها هذي للبنت واشتري لها اللي تشوفينه مناسب لها |
رد: حياتي بعد الزواج
اقتباس:
وجد البنت معه حق لانه خايف ان يوصل لابوها انها عندي وياخذها |
| الساعة الآن 11:57 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©