تجاربكم السوق الصيني (دبي-عجمان)
السلام عليكم
اخوتي من جرب التسوق في السوق الصيني دبي وعجمان ؟! ايهما زرت صيني اللي في دبي ولا صيني اللي في عجمان ؟! انا اسال تحديدا عن البضائع النسائية الشنط الاخذية والملابس مارأيكم فيها ؟! |
رد : تجاربكم السوق الصيني (دبي-عجمان)
جربتهم اثنينهم
شو تبين تعرفين بالضبط :d |
رد : تجاربكم السوق الصيني (دبي-عجمان)
أنا جربت اللي في دبي مرة .. واللي في عيمان مرة .. أحيد سرنا لهم أيام ما كنا ندور على ثريات للبيت.
أهل ريلي كانوا هابين فيه هبة ويمدحون كل شي هناك! .. فقلت خلني اروح واشوف .. وبصراحة حصّلنا ثريات حلوة حق الصالة المغربية عندنا .. وأحيد السعر كان جداً رخيص .. 150 أو 200 حسبما أذكر .... بس تبين الصدق ما أذكر خذناهن من دبي والا عيمان ;) أما بخصوص البضائع النسائية .. فما شفت شي يشجع في صيني عيمان .. أما صيني دبي فما أدري عنه لأني ما لفّيت فيه وايد .. كبير وايد وما عندي بارض ;) |
رد : تجاربكم السوق الصيني (دبي-عجمان)
وايد اسير له انا يا مهرة :) فيها خناخيش لازم تلبسين سليبر وتروحين من الصبح وتلفلفين في هالسكيك اللي عندهم :d كنت اتحراه مب شي لكن يوم تعمقت فيه عيبني وايد سواءاً هيلاهوبات البنات :d او شوزات هاي مال شخصيات اللي يتخبلون عليها اليهال في شنط نسائية حلوة لكن مو كلها وبعضها تعتبر غالية مقارنة بـ material مالهم :d ماعرف غير عنقليزي عاد ترجموها لي حق المرات الياية :21: بس زحمة زحمة زحمة زححححححححححححححححمة كل دول الخليج عندنا :21::d لو تبين سيري له في الايام العادية ويك اند والاعياد انسي ثرياتهم حلوة ورخيصة وايد مثل ما قالت مهرة وعندهم انواع معينة من المفارش هاي اللي بطانتها اتكون خفيفة نفس مال فنادق مالقيته غير في الصيني وعندهم هيلاهوبات غريبة عجيبة والوان واشكال حق بنات مع فيونكات عجيبة وحلوة وكيوت هههههههههه هاللي تذكرته اذا تذكرت شي ثاني برجع لكم :22: |
رد : تجاربكم السوق الصيني (دبي-عجمان)
اقتباس:
الله يقطع ابليسج يا بشرى .. لازم تطرين المفارش الحين؟ :( أبا مفارش حق الطاولات الجانبية في الصالة المغربية .. ومب محصلة ديزاينات تتناسب مع الديكور .. تهقين باحصل في الصيني؟ الله يسامحج بس .. والله ما عندي بارض على الحواطة :( الماتيريال طال عمرج يعني المادة المصنوعة منها الشنطة .. والمفهوم من كلامج ان الماتيريال قوم بوعبود وما يستاهل السعر :d |
رد : تجاربكم السوق الصيني (دبي-عجمان)
اقتباس:
ايوا يختي :22: هو هذا اللي اقصده هههههههههه ميرسي ع الترجمة احب الناس اللي تفهمني بسرعة هههههههههههههه بسير وياج بس ع الاقل خمس ساعات عقب نرجع البيوت :d لا ما شفت عندهم مال الطاولات الجانبية بس يوم بحثت حلوة بحثت :d يوم دورت عليهم في محلات الديكور لقيت آخر شي ترى خذته من اتحاد مول اللي في دبي |
رد : تجاربكم السوق الصيني (دبي-عجمان)
اقتباس:
حتى حق حديقه البيت في اشياء تستاهل ..وحلوة شوي عليها .. بس انج تعتمدين عليهم في ملابسج الشخصيه لا موب شي اصلن مابترتاحين .. عندي الفلبينيات يموتن على الدراكن بس يبن هالسوق .اختي دووم هناك طايحه عند الاكسسوارات . وبالنسبه لاهل الخليج بالفعل زحمه عليه بشكل موب طبيعي حتى الايسكريم باسكن روبنز تقليد .. كل شي تقليد فيه ♡ |
رد : تجاربكم السوق الصيني (دبي-عجمان)
اقتباس:
هيه صدقج هي لبسة او لبستين عقب خلاص لكن اكل ما جربت اكلهم :d هم انزين معروفين الصين يطرشون برع اسوأ شي عندهم لكن في بلادهم لا والله كل اغراضهم روعة تدرين انه يوم سافرنا عندهم رمسنا واحد من السفارة الاماراتيه جان يقول اصلا هم في كل مكان في العالم عندهم china town وهات من هالبضاعة وبيع يلا عاد جان ترومين تيودينهم ... السوق معتمدين على الصين بشكل مو طبيعي .. كل يوم نسمع ماركة يديدة آخر شي تجميع وين تجميع الصين ...! تستغربين منهم .. الله المستعان |
رد : تجاربكم السوق الصيني (دبي-عجمان)
:27:
اقتباس:
واكلهم جربته في جمعيتهم اختي قالت بعزمج ع باسكن روبنز جان اقول يالله شوي ودخلتني جمعيتهم الا تسير صوب الثلاجه تقولي اي نكهة تاخذين جان انصدم يالله تراه ايسكريم بنجربه اخرتها طعمه موب باسكن .. المهم بالنسبه لليهال ماانكر اختي الكبيره تاخذ لبناتها ملابس للبيت من هناك تقول مريحه لهم .. انا احب المناكير انوع مااعتمد على محل واحد وحلو شغلاتهم بس الروج ماتجرات اخذه لانه دايمن الشي اللي بتستخدمينه قي جسمج من شفايفج ويهج عيونج كريمات وهالامور لازم تاخذين الغالي والمعروف .. ها بالنسبه لي صعب اقبل بارواجهم اخاف يضرني او ماسكرا يمكن تطيح روموش البودره تسبب حساسيه كريماتهم كذالك .. والمطاعم زحمه بشكل ماتحصلين مكان تقعدين بس الحين الناس في اشغالهم ودواماتهم مابيكون زحمه |
رد : تجاربكم السوق الصيني (دبي-عجمان)
زرت تبع دبي .. مره واحده وحرمت ما ادخله مره ثانيه
واخذت منهم هالشنطه فقط (: http://www13.0zz0.com/2013/10/30/10/145306880.jpg وصراحه البضاعه هناك غير عمليه .. ومن اردى الصناعات الصينيه .. |
الساعة الآن 10:29 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©