|
زوجي مدمن وطلقني ارجوا النصيحة
السلام عليكم ورحمة الله وبركاته انا متزوجة ممًن 8 سنوات تزوجت وانا صغيرة في العمر والآن عمري 27 عندي 3 اطفال وحامل بالطفل الرابع ولله الحمد ماكان لي الرغبة في هذا الحمل بس قدر الله وماشاء فعل كل الي كاتبه ربي خير مشكلتي صعبة وصعبة حيييل أرجو نصيحتكم ومساعدتكم لي مشاكلي مع زوجي بدأت من بداية زواجي كثير السفر لسانه طووويل يضربني على اتفه الأسباب وقَعَدت معاه هالفترة كلها على أمل انه يتعدل اغلب وقتي انا قاعدة عند اهلي ي انه ضاربني اًو مسافر برا السعودية ودايما ابويا يرجعني له ومرة من المرات تهاوشنا مهاوشة كبيرة ووقتها كنت حامل بولدي الثاني ومعايا بنت ضربني ضرب مايعلم فيه الا الله وطلقني ورجعت لاهلي وقَعَدت عندهم قرابة الأربعة شهور ورجعت بيتي ومازال مستمر في السفر لدرجة لما ولدت ولدي الثاني سافر وانا نفاس وتركني وكنت دائماً أشك فيه انه يشرب الخمر وللاسف الشديد تاكدت من هذا الشي بعد فترة طويلة لأني كنت أغالط نفسي وأقول مستحيل يسويها غير خيانته المتكررة وصلت فيه لدرجة يوريني صور البنات الي يعرفهم ويقولي شوفي احلا منك شكلا وأخلاقا وكان يقولي مستعد اكلمهم قدامك بس عشان تنقهري ااه حسبي الله ونعم الوكيل فيه ومرة اختلفنا على موضوع سفره الكثييير الي بدون سبب قالي هيا بالحرف الواحد البنات الي نمت معاهم احسن منك. ماتتوقعًوا شعور القهر والاهانة الي حسّيت فيه ذاك الوقت وسكت وصبرت وغيرت من نفسي كثييييييييير و كثيييير بحثا عن رضاه بس هو للأسف يكرهني و مو متقبلني ودائما يقولي انتي ماتنفعي تكوني زوجة ومافي احد متحملك الا انا لو طلقتك محد بياخذك وأحمدي ربك أني متزوجك وكان دائم البحث عن زوجة ثانيه بس ولا وحدة كانت تقبل فيه من الي خطبهم !!! الشيء الجديد الي حاصل ومن شهرين الى ثلاثة بالضبط انه سار يشك فيني شك مو طبيعي ويقذفني في شرفي ويتلف عليا ب اسوء الألفاظ سار يكرر عليا كلمة انتي حقت رجال كثييير وانا يعلم الله أني مآشيه بما يرضي الله وهذا الكلام الفاضي مو عندي ولا فكرت فيه قبل شهرين ونص تاخرت في دوامي بسبب ضغط المرضى انا ممرضة في مركز صحي قسم نساء فقط. اتصل عليا وقال لي متى جايه قلت له الان وقفل مني وانا ماجيت بدري بسبب المرضى اتصل ثاني قالي تاخرتي قلت له ايوه ماقدرت اترك المركز لان اليوم ضغط في المراجعين قام يسبني ويتكلم فيني ويقولي انتي ...... قذفني للأسف مقدر اكتب ايش قال وقفل مني و رسل لي يقولي انتي ماتشرفيني وانتي ماتنفعي تكوني زوجة انتي عندك شي للأسف شاك أني مسويه شي مع السواق رجعت البيت وحصلت مشكلة كبيرة ودخلت ابويا واهله في الموضوع طبعا كنت منهارة وإنجنيت من كلمته ومن شكه فيا وبعد فترة هدأت الأمور بيننا وصبرت وسكت عشان خاطر أولادي ورجع مرة ثانيه يشك فيا كنّا قاعدين قاعدة حلوة مع بعض واولادي يلعبوا ااشر على وأحد فيهم وقال لي أسالك بلله هدا مين ابوه انا ردة فعلي كانت عنيفة صارخت وعصبت من كلمته قال لي اهدي ترا امزح معاكي بالله عليكم هاذي الأمور فيها مزح ؟؟؟ قبل فنرة بسيطة قال لي جهزي شنطتي انا مسافر اخذت شنطته وراح الساعه 3 الفجر دق الباب وانا قمت اشوف مين الا يطلع هو وقلت له انت قلت انك مسافر اشبك جيت عسى ماشر جى في حالة مو طبيعيه أبدا وشكله كان يخوووف وأشر لي بيده وقال لي طااااااارت ودخل ينام 😭😭😭😭😭😭 اليوم الي بعده رحت السوق مع اهلي اشتري بعض الأغراض ورجعت البيت وتعشينا انا وهوا ورحت انا انوم ولدي الصغير بعدها ناداني قال لي اليوم انتي متضايقة وانا شايف وانتي مالك حق تدخلي البيت متضايقة قلت له كنت متضايقة ونسيت الموضوع قال لي لا انتي هاوشتي العيال والشغالة الضعيفة المسكينة تأذت منك مع العلم أني لاهاوشت أطفالي والشغالة أبدا ماكلمتها ومع العلم كمان الشغالة رفض يجيبها لي ويساعدني فيها انا جبتها من عندي ودايما يدور عليا الزلة يقولي شفتها زعلانة وباين من وجهها انها تكرهك انتي اكيد مسويه فيها شي. انا ماعندي رد الا أني استغفر ربي لما يقول هالكلام الفاضي لانه مو صحيح وأحيانا وهي تنظف يقعد يسرح فيها واساله ليش تطالع فيها بهادي الطريقة يقولي اتاكد من تنظيفها 😣😣 تكملة موضوع السوق اخر شي خربها معايا وقال لي انتي لما رحتي السوق كم واحد نام معاكي في السوق انا نفسي اطقلك وانا أكرهك وروحي الله ينتقم منك وانتي طالق واطلعي برا البيت وقعد يسب فيني سب محد يتحمله 😭 😭😭 المهم أني اتعوذت من ابليس وطلعت عنه لغرفة أولادي الساعه 4 الفجر صحاني من النُّوَّم وهو يصارخ والعيال خافوا منه يقولي اطلعي برا البيت الان والله لو ماتطلعي لااطلعك بالغصب قام يصارخ صراخ مو طبيعي ويخبط في بيبان البيت انا خفت خوووف مايعلم فيه الا الله قفلت الغرفة عليا وعلى الأولاد وانتظرت يطلع الصباح أخذتهم ورحت لبيت اهلي وانا اكتشفت قبل فترة قصيرة انه ياخذ حبوب لونها اصفر وعليها علامة قوس واستفسرت عنها في النت وطلعت نوع من المخدرات يعني للأسف الشديد طلع مدمن وشكه وحركاته الغريبة كلها بسبب ادمانه انا الآن خايفة خوف شديد على أولادي انه يأخذهم مني انا ماافكر أني ارجع له أبدا بس أولادي كاسريني وفوقها حامل وربي أني بهم مايعلم فيه الا رب العالمين انام على دموع واصحى على دموع نفسيتي متحطمة مكتئبة مو قادرة أعيش يومي ...... أرجوكم انصحوني |
رد: زوجي مدمن وطلقني ارجوا الن
وغير انتقاده المستمر اَل اي شي انا أسويه
ينتقد شكلي ينتقد آكلي مشيني كلامي وكثير يكرر عليا انتي مريضة نفسيا يبغالك علاج ودايما لما اجتمع مع أهله يختلق مشكلة من تحت الارض عشان يهاوش ويرفع صوته قدّامههم ويقول لهم هادي زبالة وانا متحملها عَصّب عشان الأولاد ونفسي أطلقها 😣 ويضرب الأولاد كثييييير يضرب ضرب بيده وبرجله وانا دائماً أدافع عنهم ويجي الضرب فيني واسكت واصبر عشانهم بنتي عمرها 7 سارت تقولي خلاص خلينا نروح بيت جدي نقعد وخليه يطلقك انا أبغى ابو جديد ماحبه واخاف منه عقد البنت حسبي الله فيه وحتى الولد ابو سنة ونص يضررربه دائماً انا الان خايفة خوف انه ياخذهم مني عناد وبس ولاهو مو كفو يربيهم والله أني خايفة عليهم وماعرف كيف حضانة الاطفال تكون لي على طول الحمدالله انا موظفة وأقدر أقوم فيهم ولابغى منه شي بس احس أني مكسوووووورة ومتحطممة وموقادرة اطلع نفسي من الي انا فيه. |
رد: زوجي مدمن وطلقني ارجوا الن
حسبي الله ونعم الوكيل على كل ظالم
اتوقع وكلي لك محامي من الحين يفك منه وما اظن في قانون يسمح لاب مدمن ياخذ حضانه عياله خلي املك بالله كبير انتي قوية باذن الله ربي بياخذ حقك |
رد: زوجي مدمن وطلقني ارجوا الن
وعليكم السلام ورحمة الله وبركاته ... انتِ بنفسك قولتيها ( محد يتحملو ) .. فليه متحمله ؟ عشان بزورتك ؟ طيب هما معنفين نفسياً وجسدياً بسبب حاجه مالهم ذنب فيها .. ايش يجبرك تتحملي واحد يطعن في شرفك لمجرد انو هوا واحد ماعندو اخلاق ويحسبك زيو ؟ مستنيه عاهه مستديمه لكِ او لأحد من اطفالك ؟ او حتى يقتل واحد منهم بسبب هالشك اللي جواه ؟ أو ينقل لك مرض بسبب علاقاتو المقرفه ؟ واذا مدمن وتصرفاتو لدا السبب هل دا يشفع انك تتحملي او مؤشر يديكِ أمل انو راح يصلح ؟ جيبي تقارير طبيه بالعنف اللي يصير عليكم وجيبي ادله على عدم اهليتو كزوج وأب ومحامي شاطر وإن شاء الله راح تنحل لصالحك انتِ وأولادك .. وانتِ ماشاء الله موظفه وحتشيلي نفسك واطفالك , ولا يكلف الله نفساً الا وسعها فلا ترمي نفسك واطفالك لجحيم تحت ذريعة أب وزوج .. |
رد: زوجي مدمن وطلقني ارجوا الن
توك تنتبهي بعد ثمان سنوات انه مايصلح زوج ؟ وبعد ثلاث اطفال ؟ وحامل بالرابع ؟؟ اي تقصير في حقك وحق ابناءك هذا ؟؟
بعدين واضح انه اغلب وقته يكون في حالة غيرطبيعية .. وانت ما تعرف الفرق ولا تنتبهي انه في حاله غير طبيعية,, ما اعتقد انه شخص يستحق البقاء معه يوم زياده ،، خصوصا انكموظفة وهذا مصدر قوة لك ،، |
رد: زوجي مدمن وطلقني ارجوا الن
ظلمتي نفسك كثير و أطفالك في هذي الحياة التعيسة .. إنتِ تستحقي الأفضل مو في الزواج فقط ، في كل شيء .. في راحة البال و في العشرة الطيبة و في راحة أبنائك و استقرارهم النفسي وووو .
جلوسك معه كارثة ومصيبة، لأن عدد الضحايا قاعد يزيد ، ماراح ألومك على شيء ربنا كتبه عليكِ(الحمل) لكن بلومك على سلبيتك وتأخرك في إتخاذ القرار الصحيح. وبالنسبة للحضانة لاتخافي مايقدر ياخذهم أثبتي للقاضي إنه مدمن و بس مدري إذا يسمحوا ينعمل له تحليل دم ويكتشفوا إدمانه، تقدري حتى تقولي للقاضي إنه بيقذفك في شرفك لكن هذي القضية ممكن تكون قضية أكبر ولو تم التفريق بينكم بيكون تفريق أبدي ومستحيل ترجعوا لبعض، فاكتفي بإنه مدمن ومستحيل تكون الحضانة لمدمن. |
رد: زوجي مدمن وطلقني ارجوا الن
يالله
تضايقت من سلبيتك الشديدة اللي عندك وفوق هذا تخافين ياخذ العيال ! |
رد: زوجي مدمن وطلقني ارجوا الن
أنا ما راح أعلق
|
رد: زوجي مدمن وطلقني ارجوا الن
اقتباس:
كنت بقول ماراح اعلق على قراراك بصبرك عليه 8 سنين وخلفتك منه لكن اقول الحضانة لك مالم تتزوجي هذا في حال كان شخص سوي وصالح للحضانة اما هكذا حاله فلو تزوجتي تقيمين دعوى حضانة بحكم انه مدمن وغير صالح للحضانة وبالنهاية الحضانة حق للمحضون اولاً ومصلحته الله يفرج همك |
رد: زوجي مدمن وطلقني ارجوا الن
يختي وباقي زعلانه عليه
تصبري على ايش وتظلمي نفسك والاطفال ليه حرام عليكي نفسك وحده متعلمه وممرضه وشايله عمرك الطلاق ربي حلله مو كذا تهيني نفسك وتعرضي نفسك واطفالك للخطر اطفالك ماراح ياخذهم وتقدري تروحي المحكمه وتشتكي عليه |
| الساعة الآن 08:51 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©