|
زوجي لا يقدر ما افعله من اجلنا ..
السلام عليكم ورحمة الله وبركاته
زوجي مشكلته الكبيره.. الماديات زواجنا بعد شهر لكن من يوم ملكنا وهو يقولي انا مزنوق ماديا .. وكنت ساكته ولا اطلب شي اساسا بس هو من باب يقولي كل شي .. لحد ما مره سكتته وقلت تحسسني انك بخيل من كثر ماتحكي بالماديات .. ولا عاد حكى عن الماديات .. حاليا رجع يحكي بالماديات وبكثره من باب يجهز الشقه والاثاث.. قلت ابي نوع معين من فرن وثلاجه ..... قام اتصل بعد ماسال عن اسعارهم قال غالين .. قلت طيب جيب اللي تقدر عليه ...كدا انا عداني العيب .. قلت ابي مطبخ ع مزاجي قال خلاص اشتريته وخلصت .. قلت اوكي مو مشكله اللي تشوفه .. قاال ابي اشتري غرفة النوم قلت ودي نختارها سوا قالي لا انا اشوف اللي يعجبوني وبعدين اصور لك واذا اعجبوك اخذت ... قلت اوكي .. ورغم ذالك احسه صار يعاملني بقسوه ولا يسال عني ولا يهتم فيني زي اول ولما طنشته يوم ولا سالت قالي انتي تطنشيني ولا تسالين وسوا لي سالفه رغم انه طنشني يومين وكنت اسئل وهو لا .. ولما طنشته زعل وعصب وحط فيني كل شي شين ... ابي افهم ليش ما يقدر اني متنازله عن كثير اشياء بسبب راحتنا بعدين ويعاملني معامله حلووه بدال ماينكر كل شي اسويه عشانه .. لا احد يقولي صارحيه لاني مية مره صارحته وبعدين يقولي والله انا لو ادور الدنيا كلها ما الاقي زيك والحمدالله اللي اننتي زوجتي ويتاسف ...بس فتره ويرجع لطبعه السيء جداا وشكرا |
على فكره اليوم امنت با ان الرجال المراه اللي تقدرهم مايهتمو فيها :22:
واللي ماتقدرهم يموووتو فيها :d |
شوفي اختي الله يوفقك ويسعدك يارب
هو يمكن مو بخيل بي الواحد اذا خطب وكذا فيصير مزنوق مادياً هو حلو انه صريح معك احسن من غيره اللي بعضهم يقولون انا عندي وعندي وعندي وهو يلعب عليك هو شوفي اختي انا بصراحه عطيته وقلت سو اللي تبيه بصراحه انا عايشه في بيت ابوي الحمدالله مرتاحه بس صعبه أني اتعب ولد الناس فقلت اللب تبيه ويريحك سوه لان بجد انا ماادري عن ظروفه صحيح انو اهله مو مقصرين بس ولو والولد ماينسي اذا انتي تعبتيه بيتم يذكرك اهم شي ارسلي له عاتي حاولي تصارحينه انو انت طنشتني ولا زعلت وانا حبيبي موقصة أني اطنشك بس انت عارف الزواج قرب وفيه اشيا لازم اخلصها مثل ماانت مضغوط انا مضغوطه ترا الرجال ينضغط مثلنا والله من القصص اللي سمعتها عن الشباب قدرت كل شي يسويه لي خطيبي ماعاد باقي الا شهر استمتعي فيه انتي وياه ولا تفكرين باي شي يكدر خاطرك هذا البيت مو طول عمرك بتجلسين فيه أكيد بتغيرينه فوسعي صدرك وكل شي له حل وكل شي يصير بالتفاهم والله يسخره لك يارب |
والله ماقلت شي
ومقدره وادري ظروفه اصعب مني وانه مضغوط شوية تقدير .. شوية حنان .. مو طالبه شي كل ماقال هدا الشي غالي قلت مو لازم خله بعدين .. انا مقدره كثييير بس اسلوبه كدا يقهررررررررررررني ويخليني ازعل غصب . |
شوفي اذا قال غالي قولي بس يكفي انه يجلس عندك وقت طويل
والرخيص مايطول عندك كلميه بهذي الأساليب عطيه إيجابيات الشي وسلبياته ويمكن بهالاساليب يقتنع وياخذ برايك |
قلت له ويعصب
كثير اشك انه بخيل لكن لما اتذكر الهدايا والاشياء الي جابها لي اتراجع عن هالتفكير |
ما اعتقد ان هذا بخل بس يمكن يكون يوفر علشان شي ثاني ترا تجهيز العرس صعب حتى لو كان الواحد محسب تمام لكل شي بس تطلع اشياء ما كانت ع البال ولا الخاطر، عشان كده مشيه بس خليه يوعدك بانه اول ما الاحوال تتحسن يجيب لك الشي اللي تبينه .....
ربي يسعدك ويهنيك |
مافي اصعب من تجيهزات العروس
والباقي ممن كل شي مو عليه لا عرس ولا سفر |
اقتباس:
الرجل لا يحترم المرأة التي لا تقدره .. و لو قبل منها هذا السلوك فيجب ان يكون لديها عذر قاهر |
هلا فيك ..
بصراحه لنتي اعطيتيه وجه ,, خليك معه قاسيه هو يحبك بس لأجل ما يهمشك اقرصي عليه ,, الله يوفقك |
| الساعة الآن 03:27 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©