منتدى عالم الأسرة والمجتمع - علامة قديمة في انفي صارت تزعجني

السلام عليكم ورحمة الله وبركاته

اخواتي الحبيبات
انا عندي في اعلى انفي جرح قدييييييييييييييم قدم الزمن
من كنت في سن 6 او7 تقريبا
المهم التام الجرح وطاب لكن عملي علامة فارقه في وجهي
وصار في اعلى انفي خط واااااضح على شكل رقم واحد
ابيض اللون.. بشرتي عموما بيضاء والخط هذا ابيض من باقي بشرتي

المهم طول عمري متاقلمه مع هلعلامه وعمرها ما ضايقتني
لكن الان وبعد ال 43 من عمري افكر اشيل هالعلامه واتخلص منها
بعمليه اكيد ما فيه غير عمليه جراحيه تجميليه

ممكن اخفيها بالمكياج بشكل مؤقت
لكن صار عندي شبه صوت داخل يتردد كل حين
اني اسوي عمليه تجميل

للحق عمر محد علق عليها لا تعليق عادي ولا ساخر ابدااااا
ولا هي مشوهتني ابدا ولا كنت حاسبه لها حساب طول عمري

لكن حاليا قمت افكر فيها وافكر كيف اشيلها
وصرت كل محد شافني اول مره وجلست تطالع فيه
اقول بنفسي اكيد مو من جمالي تتامل
اكيد تطالع بالعلامه اللي بانفي وتتاملها

ووحده مره قالتلي شوفي في انفك كريم( زي ما قلتلكم لونها ابيض وهي تحسبها لحسة كريم ناسيتها على انفي)
انا انحرجت وقلت هذا مو كريم وشكلها فهمت انها جرح قديم وسكتت

ووحده اخرى كنت البس النظارات طول الفتره الماضيه معها
واول مره شلت النظارات قالت ايش هذا وتاشر على العلامه
قلت لها جرح قديم قالت اول مره اشوفه(لان النظارات كانت تغطي عليه)

المهم
هل تنصحوني اسوي عملية تجميل واشيلها؟
وهل لديكم طرق اخرى غير العملية والمكياج؟؟