|
حزن زوجي الشديد بعد وفاة ابننا
السلام عليكم ورحمة الله و بركاته
وبدون كثرة كلام ... رزقت قبل 3سنوات ونصف ابن شاء الله وكان مريض وبعد 3 سنوات مات ثمرة الفؤاد ... وحمدلله وانا لله وانا اليه راجعون بدون دخول تفاصيل نحمد الله على كل شيء وانا العين لتدمع وانا القلب ليحزن وانا على فراقك محزونون ولا نقول الا مانرضي الله ويشهد الله اننا راضيين بقضائه والله انا سعيدة صارلي تزكرة للجنة وعندي امل مهما تعاظمت الهموم حضل احلم وافكر بلحظة اجتمع معه بدون فراق الالم كبير والاجر اكبر ان شاءالله و راضيين بكل شيء ولم نقل كلمة تغضب الله ولم نسخط ولم نقول ياريت ولا لوو ولا ليش يارب يعني انا قصدي مابدي تتعبو نفسكو بسرد مايخص هالناحية عشان تركزو بالموضوع الاساسي الناحية الايمانية والرضا شيء ولكن الم الفقد لا يضاهيه الم ... شوق قاتل لم يخطئ من قال عن فقد الولد ذك صدع في الفؤاد لا ينجبر ابدا ... انا بعتبر جبراني حيكون يوم الاقي واقف باب الجنة بقول تعالي يا ماما انت وبابا المهم ... استمرت الحياة ... و لم نعد نتكلم بالموضوع امارس حياتي بكل اشكالها حتا من يجلس معي يقول نسيت و كان لم يمت لها ولد من شدة الضحك والكلام بس انا انقتلت ياجماعة حياتنا الزوجية... تعبانة ارجو عدم نقل الموضوع للقسم الاجتماعي لاني فعلا هنا اخص الجانب الزوجي اولادي الاخرين الاكبر منو ربنا يخليهم حبيايب قلبي ولد وبنت اطفال و نسيو الموضوع هما لسة بتزكرو اخوهم وبضلو يقولو ويتزكرو فيه ويقولو مبسوط بالجنة يعني ماشاءالله عليهم ياريتنا اطفال زيهم بس الحياة كحياة تغيرت طغا عليها الكابة و البؤس والفتور ولو مابنتكلم بالامر بس الاشي واضح زوجي حرام مابيزعلني بشي بس انا قتلني صمته و حزنه الدفين الغير مصرح به لو جبنا الموضوع بقول خلص ارتاح حمدلله وربنا رحمنا من التعب ولا كان تبهدلنا وبيقول خلص خير بس انا عارفاه مقطع من جوة كان متعلق في كتير و معلق امال كتيرة انو يشفا مع انو من اولها الدكاترة قالو مابيعيش سنتين بالاخر عاش 3 وشوي زوجي وفاهماه وفاهمة احباطو بنطلع بنزور بنحاول نعمل اشياء حلوة بنقعد سوا بس فعلا ... نور الحياة انطفا فينا رمضان اجا ... عمري ماحسيت بتلاشي الجو الجميل بالبيت هيك ماعاد في اشي الو طعم انا بحاول اطلع من هالمود والله بعمل كل شي تتخيلوه لبس مكياج طلعة نزلة هدايا زيارات خروجات تسلاية اولادي بالمدارس كبرو ماشاءالله تبارك الله في وقت دوامهم اغلب الايام بطلع باخدهم وبطلع بلعب معهم بعمل كل شي زوجي اول وفاة الولد كان مش زعلان زي هلأ و بيضل يقللي خلص وبيضحك وبيقول خلص بدنا نخلص اكتئاب خلصت القصة انتهت انسيها وقتها قلت الرجال مش طبيعي و خفت عليه وفعلا بعد فترة طلعت ردة الفعل الي مفروض كان تطلع بالاول سااااااااااااكت صااااامت لما اقلو مالك يقللي مافي اشي هيني منيح مابياذيني ولاشي حرام ومابيقصر بس اشوف الحزن فيه صامت و كل مااقلو تعال نعمل شي طيب بعدين زهقان خاصة انو دوامو طويل ومقرف ومتعب وبيجيب الف اكتئاب بدون مناسبة حتا انا بحاول وبحاول وعالاقل لي شرف المحاولة صحيح قلبي متقطع بسسسسسس عملت الي علية وبحاول و اعيش كل مظاهر الحياة الخارجية بحاول مع زوجي ماعندوش رد فعل معندوش انفعال انا بتركو براحتو وبكتم بنفسي واحيانا تطلع عصبية مفاجئة مني اخرب الدنيا و اتزاعل و ابكي بكاء السنين كلو بتركو بتركو بس نفس الحال صمت وحزن هو انسان مؤمن و راضي بس صمته و حزنه قتلووووني ماعاد يضحك ماعاد نفسو باشي لو قلت انت زعلان عابنا بقول لا تعال نلعب مع الاولاد بديش تعال نتفرج معهم فلم سوا مابدي بقول بكرة بيرجع لحالو بس انا خايفة يضل هيك .. لانو مابحاول حتا يعمل اشي يطلعو من المود تقطع قلبي .... وحاسة بالهم والغم بشكل مش طبيعي ثقيلان عقلبي نفسي الحياة ترجع حياة ... ولو بشكل جزئي لانو الانسان قبل اي حادثة مش زيو بعد الحادثة انا واثقة كل شي خيييييييييير لو مش خير ماكان صار اي اشي من ربنا خير يكفيه انو من رب العباد بس تقطعت و تعبت ومش شايفة اي بصيص نور قدامي بحلم حلم صرت امتا اضم ابني انا مش حتكلم عن حزني عليه انا لو عشت بدل عمري عمرين تلاتة ماحنساه ولا حتنشف دمعتي عليه من يوم منولد ماعدت شفت فرحة من اعماق القلب وليوم الممات حضل افكر فيه و اتخيلو قدامي و اتمنى يجي يوم اسمعو يقولي بحبك ماما واشوف في الي ماشفته في في حياته .... اشوفو بيجري وبلعب بيضحك و بيسابقني مسابقة من كتر الصحة والعافية انا مش حدخل في تفاصيل مااعيشه تجاهه عشان ماتنفجر سيرفرات المنتدى بس فعلا هادا الطفل شعرت تجاهه بمشاعر عمري ماشعرتها و ماكان مجرد ابن كان ابن وملاك طاهر ورمز الطهر والبياض والنضافة و النور بحياتي فعلا وحيضل لاخر عمري .... مشاعري معه مش ام وابنها اشي اكبر وعمري مااقدر اوصفه ورغم كل اشي ... حضل سعيدة انو حسيت معاه بمشاعر ... ربنا انعم فيها علي ... من كتر مكانت ولازالت رائعة وعذبة و مميزة جدا جدا ولازالت و للابد ... زي نعمة البصر و المشي و ال وال ال هاي المشاعر فعلا بحس ربنا اكرمني بيها لانها رائعة انا شو اعمل ؟بدي الحياة ترجع لبيتنا خصوصي حياتنا الزوجية ... اانا زوجي اغلا انسان بحياتي و انا قادرة اتركو براحتو و عندي كتير امور تشغلني وتسليني بس انا بحبو ومش هاين علية اشوفو هيك انا فعلا سعادتي بشوفت سعيد بدي اشوفو سعيد من جديد بالنسبة للي يقولي جيبي كمان بيبي ... ربنا كريم و يرزق لما يريد ... وبالنهاية احب اقلكم .... حبو بعض و تذكرو الموت ... والله والله والله ان الشوق بعد الموت لا يطاق لا يطاق لااااااااا يطاق ولا يصبر عليه ... فقد الولد مرررررررررررر ... لا تعوض مرارته الا بحلاوة الجنة ان شاءالله .... وهل من فراغ كان جزاء موت الولد الجنة؟؟؟ الجنة غالية لازم تمنها يكون غالي ... مش معقول موت الولد يكون بسيط ازا جزاؤه الجنة ... فعلا الثمن غالي جدا جدا وحعيش ادفع الثمن ليوم يتسكر عليه قبري يجي علية ابني يحضنننني بدون فراق ساعدوني باي فكرة يمكن تساعدني .... والله ماعاد الي نفس ولا دافعية لاي شي لاني مش لاقية تفاعل ولا لاقية تبادل ... واسفة عكم الكابةالغير بسيط بهالموضوع سامحوني .. . تم تعديل العنوان ليتناسب مع المضمون |
رد: اظلم بيتنابعد موت ابننا؟ما
لا حول ولا قوة إلا بالله وإنا لله وإنا إليه راجعون. وجعتي لي قلبي يا ملك ومب عارفة شو أقول! ربي يكون في عونكم ويلهمكم الصبر الجميل. واتركي زوجج شوي يا ملك .. يمكن محتاج وقت بس وبعدها ربج بيفرجها. |
رد: اظلم بيتنابعد موت ابننا؟ما
الله يرحمه ويجعله شفيع لكم يوم القيامة
أختي فكري بإيجابية وانقلي افكارك هذه لزوجك على جرعات وبشكل بتقطع .. انتم الحين عندكم اثنين غيره الله يحفظهم لكم .. تخيلي يكون وحيدكم ويموت .. تخيلي بعد ما يكبر و يصير شاب وعريس يموت .. تخيلي وضعك ام سورية او عراقية او يمنية ويموتوا اولادها كلهم دفعه وحدة قدام عيونها... تخيلي من الاساس تكوني عقيم لاتنجبي لاهو ولا غيره.. شيء اهون من شيء ، انتِ في نعمة غيرك مايملكها لاتفكري في المفقود لدرجة يفقدك الاحساس بالموجود .. انتِ عندك اطفال غيره، وانتِ في عمر بإذن الله تقدري تنجبي غيره، فيه كثير اللي ماعنده اصلا اطفال او يموتوا كلهم قدام عيونه دفعة وحدة ايش يعمل.!!! الله يجبر قلوبكم وينزل على قلوبكم الرضا والسلام |
رد: اظلم بيتنابعد موت ابننا؟ما
مهرة ياقلبي شكرا الك والله اشتقتلك كتير :(
تاركاه يامهرة بس لامتا ... مش متحملة هيك زهقت و تعبت الهم والغم كتير بالحياة غير موت ابني واجت مش قشة و قصمت ظهري الا اجت اثقال الدنيا بموتو بس انا ماما بضل تقللي والله برجع اتركييييه اتركيه اتركيه ... بس انا مش واثقة شو بعرفني حيرجع؟زهقت شكرا الك وربنا يفرج همك حبيبتي اختي او اخي خيال والله كل الي قلتيه انا فكرت فيه و حامدة ربي والله اكيد صغير احسن ميكون كبير الرضا موجود لكن الاثر والالم والشوق شي تاني لا نتحكم به ... القلوب بايد الرحمن الله يخلي الموجودين ويبارك فيهم لكن مااوصفلك صعوبة شعور اني كل يوم بتخيله بيجري وصوتو الي ماسمعته مملي البيت وانو كيف ممكن كنت اخدو عالروضة اسجلو لكن حمدلله عكل حال و رجوعه لربنا كان افضل الف مرة من بقاءه لانو ارادة ربنا هي الي فيها الخير الف حمدلله وشكر |
رد: اظلم بيتنابعد موت ابننا؟ما
عظم الله اجركم
الله يصبرّكم ويعوضكم خير فترة وتعدي وان شاء الله زوجك لحالته الطبيعيه الولد لسى ماعدت سنة من وفاته لأنه كل شهر يمر زوجك يتذكر كيف كان بوجود هذا الولد والأمل بشفاءه فاالان شهر رمضان وبيتذكر كيف كان بيصوم ويفطر مع هذا الولد ويدعي الله سبحانه وتعالى ان يشفيه وبيتصدق في هذا الشهر من اجله فبالتالي يحتاج الى مرور سنة كاملة عشان تبدأ احداث جديدة تأتي مكان القديمة الله يعينكم ويصبركم |
رد: اظلم بيتنابعد موت ابننا؟ما
اختي الكريمة اعلم ان كل الكلمات لن تمحي حزنك
لكن عزا ؤك انه من اهل الجنة وسسيكون شفيعك تخيلي لو مات على معصية سيكون سعيدا اكثر مما يكون معك ومرتاحا من اوجاعه والامه والله يا اختي الكريم انتظر زوجي لاذهب لجنازة اخ زوج اختي شاب بصحته كسرو عليه باب غرفته امس المغرب وجدوه ميتا والجوال في يده واصابعه يابسة عليه واعتاد ان ينام طول اليوم للمغرب الله يرحمه ويصبر امه وزوجك اختي مصير الايام تنسيه ويرجع لانه لم يعبر عن حزنه وقتها |
رد: اظلم بيتنابعد موت ابننا؟ما
ان لله وان اليه راجعون
عظم الله اجركم عزيزتي افرحي حبيبتي فهو من طير من طيور الجنه بإذن الله الالم والشوق اكيد سيكون موجود وكان الله بعونكم اما زوجك يا اختي اتركيه لان لم يمر سنه الان رمضان واللي بعده عيد و سيحزن اكثر وبعدها سيعود تدريجيا بإذن الله ولا تنسي ان تدعي لزوجك وربي يحفظ اولادك ويرزقهم بأخوه اللهم امين |
رد: اظلم بيتنابعد موت ابننا؟ما
عظم الله اجركم ❤
اتركيه شوي فترة ان شاءالله وتعدي .. خليك صبورة ولا تحاولين تسالينه ايش فيك وتلحين يفضفض لك . هو حزين جدا فترة ان شاءالله ومن نفسه بيرجع باذن الله .. حاولي جاهدة الحين تحملين .. الحمل بطفل جديد يجبر القلب ويدخل الفرحة للبيت مرة ثانية الله يكون بعونكم يارب |
رد: اظلم بيتنابعد موت ابننا؟ما
عظم الله اجركمً
بكيت لكلماتك ان شاء الله فترة و تعدي جربتوا تشربوا التلبينة النبوية لانها تذهب ببعض الحزن اعطي زوجك منها وخذي انتي بعد و الله يرزقكم الصبر و السلوان وادعي ربك كثير |
رد: اظلم بيتنابعد موت ابننا؟ما
آه يا ملك بكيتينا والله كاني اقراء ما بداخل خالتي وزوجها
امس كنت رح اكتب هنا واسألكم متى الانسان يتاقلم وينسى فقيدة؟؟ خالتي قوية جدا لكن فجاءه تنهار وتبكي يوم كله ابنها كان بار جدا عمر 32 مات فجاءه وترك اولاده صغار 7سنوات واصغر رفضو بشده يروحو مع امهم ضلو معاها وابلشوها باسئله متى يرجع لنا من الجنة ؟؟؟ rfegrrfegr والله يا ملك ان وضعك حتى لو مو سهل الا انه افضل بكثير من غيرك حمدالله انه مات صغير ومتوقعين وفاته وعساه يارب يكون شفيع نافع لكم يارب fdgrg |
| الساعة الآن 07:44 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©