|
يفشي اسرارنا الزوجيه لصديقه وعندما ناقشته طردني ؟(حلت المشكله بالرد 52)
السلام عليكم
كل سنه وانتو طيبين قبل اطرح موضوعي انا زعلانه على الاداره لانها مافعلت عضويتي الا بعدمارفعت ضغطي المهم طلال هذا صديق زوجي بس صراحه انا ماعتبره صديقه احسه شريكتي ضرتي اربع وعشرين ساعه زوجي معه اذا قلت طفشانه ابي اتمشى قال من عيوني وحذفني في اي مجمع علشان يروح مع طلال قلنا مايخالف اذا قلت نبي نسافر قال ابشري وحجز لنا وحجز لطلال وزوجته معنا قلت مايخالف قلت له ابي خدامه قال اذا طلال بيقدم لزوجته ابشري بجيبلك >>>> وانا وش دخلني فيه مدري وش يحس فيه زوجي :( اذا رجع زوجي البيت مسك التلفون وجلس يكلم طلال وهو توه كان معه قلت مايخالف اخر الليل وانا نايمه يكلم طلال بالغرفه جنبي ويسبب لي ازعاج ويصحي ولدي علشان يكلم طلال اشيا كثيره يسويها لدرجه والله اني شكيت في علاقته بطلال لاكن الحمد لله زوجي يخاف من ربي اذا استشرته بشغله راح يعلم لطلال اذا سويت اكله له علم طلال اذا سويت له ليله رومنسيه علم طلال قلت في نفسي مالي الا اناقشه المهم اني ناقشته وفهمته على كل شي يضايقني منه وصارت بينى مشاده بالكلام فقالي لو تموتيني ماقاطع طلال علشانك قلت له انا ماقلت قاطعه انا قلت خصوصيات حياتي مابي طلال يعرف فيها وهذا شي من حقي وكلمه مني وكلمه منه لين قال ان طلال يسواني ويسوى عشره من اهلي >>>>> مدري وش دخل اهلي ساعتها قال اذا مو عاجبك هالشي الباب يفوت عشرة حمير قلت ابشر وانا واحد من هالحمير احجزلي الحين ووصلني بيت ابوي قال خلي احد من اهلك يجي ياخذك قلت لا والله توديني انت مثل ماخذتني منه يوم الزواج ترجعني له المهم وانا قاعده اجهز اغراضي واغراض ولدي كان يبي يلوي يدي قالي ولدي مايطلع من بيت ابوه قلت ابشر والله ماخذه المهم انه وصلني بيت ابوي من بداية العشر طبعا نزلني وراح مايقدر يقابل ابوي واول ماشافني ابوي سالني عن ولدي قلت له على السالفه عصب ابوي وقالي ليه تخلين ولدك وسوالي سالفه لاني ماخذت ولدي >>>> ابوي رحوم ومتعلق بشكل مايتصور على احفاده وكان بيتصل على زوجي المهم اني طلبت ابوي وقلت له اصبر هاليومين بس والله ان يجيبه هو بنفسه لاني اعرف ولدي متعلق فيني بشكل غريب يعني كنت متاكده انه بيبهذله من البكاء وفعلا بعد يومين جاب لي ولدي وفوقه مصروف له ولي وارسلي مسج يقولي انا بتركك تريحين اعصابك هاليومين طبعا انا طلبت ابوي انه مايتدخل الحين وانا الى الحين عند اهلي ارسلي يوم العيد مسج يعايد طبعا بعد ماتصل وانا مارديت عليه واتصل بعدها ثلاث مرات وانا مارديت عليه ويرسلي مسجات يشرحلي فيها سبب تصرفه واخر رساله كان كاتب فيها انا اسفه متى بتسامحيني ولا رديت عليه لاتلومني والله جرحني بكلامه وطردتي من البيت مدري ايش اسوي دلوني وابوي للحين ساكت وينتظر ويقولي ماني بتدخل لين تجين بنفسك وتقولين جا دورك |
على عجاله ..
ابوك لاتتدخلينه بالموضوع ابد ... حليه انت ِ وزوجك وابوك ماشاء الله حكيم .. ولاتخبري ابوك بلفظة -حمير - .. الخ .. مو حلو يشيل عليه وكان بلحظة غضب .. واضح زوجك يحبك .. وماكان كلامه الا بسبب المشاده استفز وغضب ولااعتقد يوم رفض تاخذي الولد لوي ذراع بقدر ماكان وده تهونين وتقعدين .. بدليل يوم قالك ارتاحي هاليومين .. انت ِ على حقك لاني جربت الشئ هذا وكيف يضايق الزوجه وكانها ضره معاها وهو غلط يوم تلفظ .. فالان هدي نفسك وادعي ربك .. فردي عليه بمسج فيه عتاب خفيف وانك لوماتحبيه ماتضايقتي .. حببيه عشان ترجعو لبعض اكثر من عتابك لموضوع طلال . بعدها اجلسو جلسه وديه - وامسكي كفه - وعبري عن مشاعرك بهدوء وقولي له لو لي صديقه يرضيك انشغل عنك معها وكل اسرارك اخبر فيها وانت مو راضي ..! اقناع بهدوء .. ومحبه .. الله يسعدكم ياررب .. |
>> بدت توسوس :23:
|
هههههههه ضحكني اسلوبك في الكلام
باين مرررررررررررة مقهورة من طلال هههههههههه بس انا حاسه فيكي في واحد من اصحاب زوجي زي طلال:) بس ربي ريحني الحمدلله لأنو راح بعثة مع زوجته ...... عقبال طلال وزوجته |
اقتباس:
العني الشيطان وارجعي لبيتك اختي . |
لا تظلومنه
مشكوره على كلامك واذا من ناحية المصارحه انا كلمته بكل هدو وقلت كلام حلو لاكن هو مايبي احد يقول شي عن طلال ابي حل انه مايطلع خصوصيات حياتي برا ومابي كل ماقلت ابي شي قال لطلال يسوي مثلنا بس مافهمت وش قصدك انك بديتي توسوسين ؟؟؟ |
الحل ما قاله الرسول صلى الله عليه وسلم: روى الإمام أحمد وأبو داود حديثًا صححه الشيخ الألباني في صحيح الجامع الصغير، عن أبي هريرة رضي الله عنه، أن رَسُولَ اللهِ صَلَّى اللهُ عَلَيْهِ وَسَلَّمَ صَلّى، فَلَمَّا سَلَّمَ أَقْبَلَ عَلَيْهِمْ بِوَجْهِهِ فَقَالَ: مَجَالِسَكُمْ مَجَالِسَكُمْ، هَلْ مِنْكُم الرّجُلُ إذَا أتَى أهْلَهُ أَغْلَقَ بَابَهُ وَأَرْخَى سِتْرَهُ، ثُمَّ يَخْرُجُ فَيُحَدِّثَ، فَيَقُولُ: فَعَلْتُ بِأَهْلِي كَذَا وكَذَا؟ فَسَكَتُوا. فأَقْبَلَ عَلَى النّسَاءِ فقالَ: هَلْ منْكُنّ مَنْ تُحَدّثُ؟ فَجَثَتْ فَتَاةٌ كَعَابٌ عَلَى إِحْدَى رُكْبَتَيْهَا، وَتَطَاوَلَتْ لِيَراهَا رَسُولُ الله صَلَّى اللهُ عَلَيْهِ وَسَلَّمَ وَيَسْمَعَ كَلاَمَهَا. فقالتْ: يَا رَسُولَ الله؛ إِي وَاللهِ إِنّهُمْ يَتَحَدّثُونَ وَإِنَهُنّ لَيَتَحَدّثْنَ. فقالَ: هَلْ تَدْرُونَ مَثَلُ مَنْ فَعَلَ ذَلِكَ؟ إِنَّ مَثَلَ مَنْ فَعَلَ ذَلِكَ مِثْلَ شَيْطَانٍ وشَيْطَانَةٍ لَقي أَحَدُهُما صَاحِبَهُ بِالسِّكَةِ فَقَضَى حاجَتَهُ مِنْها وَالنّاسُ يَنْظُرُونَ. قال رسول الله صلى الله عليه وسلم:[[إن من أشر الناس عند الله منزلة يوم القيامة الرجل يفضي إلى امرأته وتفضي إليه ثم ينشر سرها]]. قال النووي رحمه الله في تعليقه على هذا الحديث: 'وفي هذا الحديث تحريم إفشاء الرجل ما يجري بينه وبين امرأته من أمور الاستمتاع، ووصف تفاصيل ذلك، وما يجري من المرأة فيه من قول أو فعل أو نحوه، فأما مجرد ذكر الجماع فإن لم تكن فيه فائدة ولا إليه حاجة فمكروه لأنه خلاف المروءة. وقد قال النبي صلى الله عليه وسلم: 'من كان يؤمن بالله واليوم الآخر فليقل خيرًا أو ليصمت' وإن كان إليه حاجة أو ترتب عليه فائدة بأنه ينكر عليه إعراض عنها، أو تدعي عليه العجز عند الجماع أو نحو ذلك فلا كراهة في ذكره، كما قال ـ صلى الله عليه وسلم ـ لأبي طلحة: 'وأعرستم الليلة'. وبعد كل هذا إن لم يرتدع فتلك مصيبة أخرى.. وأنصحك أختي بأن لا تدخلي أحداً من أهلك في هذه المشكلة وأن لا تفرطي في عنادك واتركي حبل التواصل مرخي بينكم ولو قليلاً خوفاً من عناده هو الآخر أو تدخل أحد ( ويعبون راسه عليك ).. |
اقتباس:
اذا كان هذا قصدك فالان تغيرت الظروف وزوجك حس بانه اخطا بدليل انه ارسل يعتذر وقاعد يحاول يراضيكي فلا تصديه .. زوجط طيب وكريم معك ويحبك فلا تخسريه عشان مشكلة تقدروا تحلوها بالتفاهم والصبر اطلبيه يزوركم بالبيت وكلميه مثل ما قالت لك لا تظلومنه .. واطلببي منه يحط نفسه مكانك وصديقة لك هي مكان طلال .. اسمها طلاله :) الان هو مستعد يسمعك اكثر من المرة الاولى وامسكي العصا من النص يعني اطلبي منه يتوقف عن اكثر التصرفات اللي تضايقك مو كلها وخلي له شيء من الحرية مع صديقه وانتِ بعد حطي نفسك مكانه وقدري انه التخلي عن عادات تعودتي عليها عمر طويل صعب تتركيها بسهولة وهذا صديق له وما أذاك بشي غير انه علاقته قوية بزوجك فصعب يفهم زوجك شعورك الا اذا حط نفسه مكانك |
للصداقة حدود .. وللزوجة حقوق وحق الزوج على زوجته أن يراعي مشاعرها حتى مع أقرب الناس إليه
ربما كان كلام الأخت نحو زوجها فيه نوع من الاستفزاز لذلك كانت مبادرته بهذا الأسلوب القاسي والذي لم يأتي إلا نتيجة الغضب والإنفعال .. ودائماً تكون هنالك حلقة مفقودة لا يعرفها إلا أصحاب المشكلة والبيوت أسرار .. عموماً حصل خير .. ومبادرة زوجك بالاعتذار دليل على احساسه بأن قد تسرع في تصرفه .. فداري شمعتك .. وحلي مشاكلكم دون تدخل من احد حتى لا تتفاقم الأمور .. وأرجعي لبيتك فمعزتك عند زوجك أغلي من ذاك الطلال وإلا ما كان اعتذر لك .. |
غريبه العلاقه مع طلال ذي كلها صداقه بس ؟؟
كيف امور الدين عند زوجك صلاته قيامه صومه و..الخ... متاكده انه رجـــــــــــل |
| الساعة الآن 03:26 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©