منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)
-   مساحة فكر (http://www.66n.com/forums/forumdisplay.php?f=147)
-   -   وَ كان السقُوط مدوياً .. (http://www.66n.com/forums/showthread.php?t=272655)

قَلَم كُحْل 01-06-2017 03:40 AM

وَ كان السقُوط مدوياً ..
 
حَسناً بِدايه جديدهه .. fdgrg

بِسْم الله الرحمن الرحيم ..




قَلَم كُحْل 01-06-2017 03:53 AM

رد: وَ كان السقُوط مدوياً ..
 
اتساءلتم يوماً لِمَ قد نخاف من ورود اتصال .

أو من شروق يَوم جديْد ..

..
نَشعر أحياناً أنا اكتفينا من سوء الدُنيا ..

والأخبار المزعجه .

والأقدار المؤلمه ..

إننا يَ ساده فيْ هذا الكون ..

كسرب نحل .

نختفي كلما ابتعد عنا البصر ..

حتى يصبح وجودنا كَ العدم ( عند نقطة ماْ ) ..

لِذاْ نحن نرى المشكله مضاعفه لأننا داخلها .

جربواْ أن تعاملوها معاملة ( السرب ) .

وانفصلوا وراقبوا بِ عيْن ( البُعد ) ..

مِن الجيد لوْ أنكم تبقوا ساْكنين لفترة ماْ حتى يتم الإمساك بِ _ الملكة_

حينهاْ ستتم السيطره ..

وَ تُحل العُقد مهما كآنت ( محبوكه ) ..

هدوْء .

مُراقبه ..

وَقت ..

وَ يُحل كُل شيئ ..

قَلَم كُحْل 01-06-2017 04:07 AM

رد: وَ كان السقُوط مدوياً ..
 
اشتغل هالفتره على مشروع بِ ( الفصحى ) ..fdgrg

فمو حابه صراحه أتكلم فيها لتجنب التكرار أو فقد ميزه بسبب هالشي ..

لذا حابه أتكلم بِ _ لهجه عاميه , عامه _ أيا كآن اسمها لحد ماينتهي هالمشروع على خير بإذن الله .. :d

لذا الله يعين اللي يخوش ويقرأ هههههه ..

kooki3 01-06-2017 04:13 AM

رد: وَ كان السقُوط مدوياً ..
 
قلم كحل ، وثقي الفصحى بحبر

استمري fdgrg

قَلَم كُحْل 01-06-2017 04:16 AM

رد: وَ كان السقُوط مدوياً ..
 
لازم يكون في بالك -كإنسان _ ..

إن الناس عمرها ماراح تبطل كلام ..

سواء إيجاباً أو سلباً ..

لأن الكلام هوا المتنفس الوحيد لهم ..

وتمسكهم في حاجات ماعادت تناسب الوقت ولا العقل وتركك لها راح يخليك _شاذ_ عن المجتمع ..

وتستاهل كُل أنواع السب والشتم واللعن ..

لأنك بنظرهم عاصي لأمر المجتمع ..

ومتمرد وما _ تمثلهم _ ..

وللعلم تكون شخص _ ماخالفت الدين _

لذا خلي لك ادنين وحدا طين والتانيه عجين ..

انتا حُر في اختيار التخصص .

والوظيفه .

وشريك الحياه ...

وعدد اطفالك .

وطريقة تربيتك .

والأماكن اللي تزورها ..

وطريقة صرف فلوسك ..

ولبسك .

واكلك ..

ورأيك ..

وانتا مو مجبر تتقبل حاجه انتا مو مقتنع فيها لمجرد اسكاتهم .. لأنو عمرهم ماراح يقفلوا _ الفم _ ..

مدامك راضي ربك ماعليك من خلقو ..



قَلَم كُحْل 01-06-2017 04:35 AM

رد: وَ كان السقُوط مدوياً ..
 
لو الدنيا توقف بعد رحيل شخص ..

كانت وقفت بعد موت الأب أو الأم أو الضنا أو الأخ أو الأخت ..

محد يموت من الفراق . لكن يصير كسره في النفس ماتنجبر الا بعد وقت طويل أو يمكن ماتنجبر ..

لكن الأكيد ماحتموت أو تنتهي دُنيتك ..

ابكوا أيام أو حتى شهور ..

لكن مو معقوله تتقفل قلوبكم مرا وحدا ...

وتصير حياتكم لوحه سودا كُلها مغيمه وسُحب صيف ..

الغيم يجي بعدو مطر ..

والسُحب لازم تنقشع لأنو السما في الصيف دايما صافيه ..

ليه الإسلام نعمه ؟

لأنو أصغر حاجه كويسه تعملها أجرها يمسح على قلبك ..

ولأنك مو محتاج تشكي كثير ..

يكفيك الليل مع سجاده واشتكي قد ماتبغى ..

وابكي إن حبيت ..

ماراح تقلق انو بعد الفضفضه أحد راح يعايرك ..
ولا راح تخاف من الدموع اللي على وجهك وانو احد يناديك يَ الضعيف كسرتك ..
..
مرا قرأت تغريده لشخص كاتب فيما معنى الكلام ..

لو أحد جا يواسيك بفراق أحد وانو هالفراق خيره لك , ادعي هالخيره تجيه وشوف كيف يتقلب وجهو ..

هل انتا كبشري حتكون أرحم بنفسك من اللي خلقك ؟

ربي يقول ( وعسى أن تكرهوا شيئاً وهوَ خير لكم ) ..

يعني مايروحلك شي الا لخيره ليك ..

نظرتنا قاصره دائما في الأمور الغيبيه ..

لذا عيشوا الحزن لحظتها لكن ظلم للنفس لمن يمتد هالحزن بإرادتنا أوقات كان ممكن تكون جميله وحلوه لو بغينا ..

العمر جداً قصير لذا خلوه مزحوم بالذكريات الحلوه واللحظات السعيده ..

وافتكروا وقت الشده والحزن والغيوم وسحب الصيف ( هذا الوقت سيمضي ) ..





قَلَم كُحْل 01-06-2017 05:04 AM

رد: وَ كان السقُوط مدوياً ..
 
أحياناً نصادف ناس مبتلين بِ _ سوء الخلق _ ..

فِعلاً والله ابتلاء .. لأنو سبحان الله في غمضة عين ممكن ينرفع هالبلاء وتلاقيه انقلب من شخص اخلاقو سيئه لشخص مافيه أحسن منو ..

أنا من النوع اللي اعامل الناس على انهم كويسين إلى أن يظهر ليا العكس ..

ما اعتمد على الكلام اللي ينقل لي عن الشخص ..

وإن فعلاً لقيت الشخص سيئ اسحب نفسي بنفسي ويصير هالشخص برا حياتي ..

وطبعاً ماينذكر لا بخير ولا بِ شر ..

لأني زي ماقولت سوء الخلق ابتلاء ممكن ينرفع في أي لحظه فمو مستاهله أنقل صوره سيئه عن أحد ويجي بعد مايصير كويس يلاقي مافي أحد متقبلو , ولا متقبل التغيير الإيجابي اللي يصير عليه وممكن يتهم انو ( أبو وجهين ) ..

فليه ينحرم من فرصه كويسه بسبب كلام كان ( ماضي ) ؟

أنا صحيح غير ملزمه اني اشدو للطريق الصح بالقوه , وانو الهدايه مو بيدي , لكن في يدي اني ( استر ماواجهت ) ..


قَلَم كُحْل 03-06-2017 04:39 PM

رد: وَ كان السقُوط مدوياً ..
 
صياماً مقبولاً بإذن الله fffsg

..

من سنه وشهر لقيت نفسي في وسط مشكله عويصه جداً ..

لأول مرا كُنت أحس بالعجز .. والضعف ..

يمكن لأني ماكُنت ابغى اخسر أطرافها واني ما ابغاهم يخسروا بعض ..

شهرين وانا في دوامه مو عارفه كيف اطلع منها ..

وفِعلا صرت احس ماكأن الله خلقلي ( مُخ )

واني فقدت نعمة التفكير .

وانعمت بصيرتي تماماً عن الحل ..

ما ادري هل كان من صدمة الموقف وانو جا نتيجة حاجه شراره صغيره اتوقعتها تحل الموضوع لكنها بالعكس زادت فيه واتحول لبركان ..

ولا لأني كُنت وقتها مضغوطه في دراستي ..

ولا فين كان الخلل بالزبط مو عارفه ..

لكن اللي اعرفو إني أمر في وقت عصيب عصيب جداً ..

لا نوم .

لا اكل .

قلق وتوتر دائمين وفوق كدا انا مضطره اثل البرود عشان مايتفاقم الوضع ..
..
بعد الشهرين وانا ماشيه وأقول شكلها خلاص النهايه .

سبحان الله كأن الله شال ( العمى ) .. بمجرد ماطاحت عيني على حاجه ..

هالحاجه كانت قودامي اغلب الوقت لكن ابدا ماخطر في بالي انها ممكن تكون الحل ..

وفِعلا العقده الشديده انحلت بسهوله غير طبيعيه بحمدالله ..

( كن فيكون ) ..

الله مايحمل العبد حاجه الا وهوا عارف انو قادر يطلع منها ..
ويرسل المساعدات ..

اشخاص , صدف . الخ ..

احنا كبشريين دائما نحمل الهم مضاعف خاصة لو كان متعلق بالاشخاص اللي نحبهم ..
وما احد يقدر يعيش بشعورنا لحظتها حتى القريبين مننا ..
مهما واسونا .
وحاولوا يخففوا عننا إلا انهم مايحسوا ابداً بالشعور الحقيقي اللي نمر فيه ..

عشان كذا وقتها ممكن نوجه كلام قاسي ..

ونقول ( ناس ماعندها إحساس ) ونفضل العزله ..

أو ممكن يكونوا معانا ويدونا نصايح وحلول لكن ماتناسب ( العقده ) ..
...

انتا في دوامتك دائما لوحدك حتى لو حواليك الف ..

الصخور والجبال اللي على قلبك مستحيل أحد يزحزها إلا بإرادتك وإيمانك ..

العقد اللي تواجهها مفاتيحها قودامك لكن محتاجه دُعاء وتروي و(كُن ) ..



قَلَم كُحْل 04-06-2017 06:52 AM

رد: وَ كان السقُوط مدوياً ..
 
بيني وبينكم إلى الآن ماقدرت ألاقي مفهوم للسعاده ..

هل هيا الشعور اللي نحسو وقت التخرج ؟

ولا لما يجينا أول مولود ..

ولا لما تتحقق حاجه حلوه كانت مستحيل تجي ؟

ولا لما اللي نحبو يقولنا كلام حلو fffsg

طيب احنا في كُل لحظه نقول انا الآن مبسوطه ودي أجمل لحظه في حياتي ..

وتجي اللحظه اللي بعدها ونقول نفس الكلام ونقول اننا مبسوطين اكثر وانها أجمل لحظه في الحياه ..
..
ما احس انو في تعريف لها أو كلمات نقدر نعبر فيها ..

لكن اقرب تعبير لها بالنسبه ليا هوا شعور ( كأن في قلبك فراشات ) ..

بِ الزبط ..

الدغدغه الحلوه اللي تجي وقت مانكون مبسوطين ..

( الله يكثر فراشاتنا fffsg )

نعمِه 04-06-2017 07:18 AM

رد: وَ كان السقُوط مدوياً ..
 
لان السعادة التي لاتضاهيها سعادة هيا سعادة تكمن في القرب من الله كما كانا اسلافنا عليها ..
يقول ابن تيمه لو يعلم ابناء الملوك بالسعادة التي نشعر بها لجالدونا عليها بالسيوف ...>بتصرف

على قدر قربك منه تنال السعاده ..


الساعة الآن 03:11 AM.

Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©