اقتراحاتكم لهدايا الشباب
 

السلام ادري ان مو هذا المكان المناسب بس بليزز ان اخووي اليوم تخرج وش تقترحون هدايا خاصه الشباب وش تحبوون تجيكم هدايا انا احترت بين قلم كارتير او جوال كاميرا وبعدين انا بجيبله زي التحفه الخشب مطبوع عليها صورته وعبارع بالكمبيوتر السوال وش اكتب عباره ابيكم تساعدوني بليزززز

يا احوووووووول يا انا تخرجت وما احد فكر يجيب لي شي

المشكله ما خلوا احد الا قالوا له ان اخونا مهندس

بس يالله الله لنا =========> قلبها احزان

===> يبي هدية خخخخخخخخخخخخخخخخخخخخخخخخخ

معليش يا خالة بس تبين نصيحتي ؟؟

القلم ما أحسن انه معبر مثل الجوال

يعني جوال بكميرا افضل


اما العبارة مممممممم

فأنا اقترح انك تحطين له مفاجأة تهنئة بالجريدة مثل جريدة الرياض افضل من الخشب ( الخشب حركات بنات هههههه )

خوذي صورته بدون ما يدري واكتبي له تهنئة

اتوقع هذي اكبر اكبر اكبر فرحة تبي تكون له . واكثر من الخشب , وما يمنع انك تهدين له عبارة بالخشب بعد .

واسعاره التهنئة الحين جريدة الرياض عندهم خصم يعني مربع 8*8 سم يعني حلو مقاسه ملون بـ 1100ريال

===> اسالي مجرب

والله يوفقك ويرزقني بأخت مثلك

اكتبي له ( مبروك التخرج وعقبال الدكتوراة ) :)

بصراحه حنا الشباب مسألة تحفة خشبية ... وإلا درع ... هذي مدري ليش مانفرح بها.... كم يوم وننساها..... بس بصراحه الجوال.... فكرة حلوه.... اذا كانت مواصفاته قوية ومن ماركة محترمه....


عندي لك هدية حلوة .... وبصراحه توي شاريها لعمري <<<<<<<<مافيه امل احد يعطيه هديه على مستواها


الهدية هي كميرا فيديو وبنفس الوقت فيها تصوير صور ثابته.... وبنفس الوقت ديجتال.... وصغيره وموديل ما بعد انتشر عند الناس ..... سعرها 1800 ريال بس والله تستاهل ثلاثة الاف وماتقول لا


خاصة خاصة ان هالايام سوق الكميرات قايم... اجازة وعيد وامطار ويالله من فضلك <<<<<<وشرايكم انفع مندوب دعاية لهالكاميرا؟


ايه الكميرى ماركتها (باناسونيك) يعني افضل ماركة مع سوني بالكاميرات الفيديو


اذا خشت الفكرة براسك انا مستعد اساعدك بأي معلومات عن هالكمرى.... بس صدقوني الكمرة قوية والله هههههههه


اخوك... بن زيد

خطيرررررررررر
 

خطير يالسنافي من جد حركه الجريده رررررررررررروعه الحين بتصل بالجرريده وعلا فكره الجوال الي بشتريه له جوال كاميرا 6600 الجديد يسمونه باندا صح ان شكله مو لهناك بس مواصفاته خطيره بروح أن شاء الله البحرين واشتريه لان كما تعرف ممنوع هنا بس حصلت والله هنا بس عيبه بدون ضمان وبعد وش رايكم اسويله حفله مفاجئه انا وزوجي يعزم فيها اصدقائه ونكون احنا محضرين له كيكه مطبوع عليها صورته ومكتوب مبروك التخرج وبسالكم لو زينت الغرفه الي بسوي فيها الحفله بببلونات وزينه فشيله ولا عادي

مشكور hant
 

ومشكور بن زيد علا فكره الكاميرا بس اخووي يفشل يوم زواجي صورني بكاميره صديقه يوم جيت اشوف الشرريط مالقيت وجهي بالتصوير الاخ قاعد يصور بيتنا واعمامي والشكولاتتتتتته قعد 5 دقايق مركز عليها كاننننا اول مره نشتري فضحني بحرق الشريط اخاف اشتريله كاميره واللله يستر وش يصور خليها مستوره بعدين هو مايسافر ولاهو متزوج ماراح يستفيد منها واجد بس مشكور علا الهديه اقصد اللفكره

أم فيصل ..


ياليت تعلميني .. متخرج من اي مرحلة ؟؟

معليش انا لي راي غير راي سنافي مدام حتدفعي هذا المبلغ اقول احسن تشتري ذبيحة
وتخلية يعزم اصحابة

.هلا اختي ام فيصل طيب انا توي متخرج ما تضميني مع اخوك خخخخخخخخ


شوفي ام فصل بالونات وحركات مممممممم ماش ما تنفع احس انه كبير عليها


اما الكيكة اللي بالحفلة خليها عقب الذبيحة يعني , تعزمون اصدقائه ويتعشون وبعد العشاء يطفى النور وتجيبون الكيكة وهو يقطعها.

ويا ام فيصل يوم عرسك هو ما صورك بالكاميرا لانه صورها بكاميرة زميله , لكن لو عنده كاميرا خاصة كان صورك نو بربلم ,,,

الا وش الحل مع الطبل اهلي انا متخرج وما احد درى عني خخخخخخخخخخخخخ

الله يوفقكم دوم دوم