|
مشكلتي الوحدة القاتلة
السلام عليكم ورحمة الله وبركاته
ساعدوني ترى قربت اتجنن :23: انا قصتي متزوجة من ثلاث سنوات وجاية في منطقة بعيدة عن اهلي عند ناس تصرفاتهم وطبايعهم غير عنا مرررة ما اعرف الا اهل زوجي وجاراتي جاراتي مو اجتماعيات يعني مرة في السنة نلتقي واهل زوجي كل ما رحت عندهم اصاب باكتئاب لان ما يعطوني وجة حاولت كل الامور اللي قريتها مثل اتكلم في موضوع يهمها <اخت زوجي> بس تهز الراس يعني مش حاللك وانتقادات في اللبس في الجسم والله بديت افقد الثقة في نفسي وصرت بس ساااكتة حتى ما صرت اعرف اتكلم والا ارد والله العظيم صادقة ما زودت لدرجة انة صار صعبة علية اكمل سالفة كاملة اهلي الحين لما اروحلهم يقولو ليش بس ساكتة وصرت مرررة عصبية حتى على ولدي بهذلتة مسكين معايا وزوجي طول الوقت سهران عند اهلة كل يوووووووووووووووووووووووووم ويقولي ليش ما تجي تسهري معايا عند اهلي والله تعبت شوفولي حل يا اهل الخير الله يخليكم |
دايــــــــما أهل الزوج يحبون ينتقدون مرت الاخ لأنهم يغارون منها
أنا زوجي مو بس يسهر عند أهله ..اذا صرت موجوده معاهم ما يعطيني وجه كل السوالف لأهله..ولا حتى يطالعني أو يجلس جنبي أقوله ليه؟؟ يقول عشان اختي ما تغار عجيبين هالناس...نصيحتي لا تكلميهم كثير بس أتمنى زوجك يستجيب عالأقل يسهر معاكي لحالك اشكي له اذا هو من النوع الي يسمع ليكي قولي له محتاجه أجلس معاك لحالنا أنا وولدي محتاجين وقت منك مع بعض أهلي كلهم بعيدين عني..وأبيك تعوضني لأنك انت صرت كل أهلي ان شاااء الله...الله يهديه |
المشاركة الأصلية كتبت بواسطة gloomy eyes عجيبين هالناس...نصيحتي لا تكلميهم كثير بس أتمنى زوجك يستجيب عالأقل يسهر معاكي لحالك اشكي له اذا هو من النوع الي يسمع ليكي قولي له محتاجه أجلس معاك لحالنا أنا وولدي محتاجين وقت منك مع بعض أهلي كلهم بعيدين عني..وأبيك تعوضني لأنك انت صرت كل أهلي ان شاااء الله...الله يهديه ........... نفس الرأي ............الله يوفقج .......... |
السلام عليكم
الوحده من نفسك انتي اللي صنعتيها لنفسك اكيد فيك شي الكل يهرب منك او حواراتك ممله او حواراتك عصبيه نصيحتي خلي وجهك بشوش مبتسمه وتقبلي اي حوار بروح مريحه وصدقيني الكل يحبونك اما عن الاشياء الخاصة فيك كاللبس او ماشابه فانتي صاحبة القرار ومايهمك اي احد وعن ولدك انا اقول لا يختي شو ذنبه المكين تعصبي عليه بالعككس اضحكي وياه لانو هو روحك وحبيبك للابد واذا في غلط في كلامي اعدريني تحياتي صقر المغرب |
gloomy eyes
اللة يعطيك العافية والله من جد حتى انا لما اكون معاة هناك ما يكلمني تقولي زعلان مني مدري وش الحكاية الله يصبرنا بس شكرا على النصيحة والدعاء الله يسمع منك ان شاء الله والله يوفق الجميع يااارب |
نور الاوطان الله يجزاك كل خير
شكرا على المرور |
طارق الحلو جزاك الله كل خير على المرور
وبالعكس والله اني احاول اجامل واضغط احيان كثيرة على نفسي لما اروح هناك حتى ابتسم واسولف علشان لا ابين لا المشكلة هم منغلقين على نفسهم وما يسلفو الا مع بعض وشايفين كلامي ما يهمهم او ما يستاهل يضيعو وقتهم علشانة اقول الله يصبرني بس على الغربة الي انا عايشة فيها |
الي يشوف هم غيره يهون عليه همه اجل وش اقول انا بغربة وما بشوف حدا لا زيارات ولا شئ ما عندي بالبلد لاـأهل ولا اصدقاء وأولادي صغار وهلا بالمدارس بضل طول النهار ساكتة ما احكي بين اربع جدران ووحيدة بس الحمد لرب العالمين احمدي الله ع نعمه ولا تكثري لشكوى اهل زوجك هن أهلك انا لو منك اروح وانبسط واسولف والعب مع ابني واكشخ ولا همني دام بعرف حالي ومستواي زيحي هالسلبية هاي وعيشي حياتك واسعدي :d :d ام وليد |
الله يجزاكي خير ام وليد
ما قصرتي |
السلام عليكم
والله خيتي كلنا في غربه بس اهم شي نوفرو لنفسنا الراحه ومو ضروري انو الغير يوفرها لنا وانتي ماشاء الله عليج عندج ولد حلو مو احسن طول الوقت تكوني عنده حتى يجي عليه وقت ويحس فيج ويعرف انو امه ماتخلت عنه وماشاء الله عندج تليفزيون تقضين فيه وقتك بالافلام تحياتي صقر المغرب |
| الساعة الآن 03:16 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©