تطلقت ولازلت اجهل السبب بالضبط
باختصر الموضوع كثيرا
انا انخطبت من قريب لنا مطلق وانا بنت والكل مدحه وكان ونعم صراحه ومطلق قبلي ولاقال السبب بالضبط ايش استخرت ووافقت وكان مستعجل جدا والخطبه والزواج خلال 29 يوم وهذا بعد طلاقه على طول وقبل خروج زوجته من العده وللامانه لم اشك بشي ابدا كنت فرحانه وعلى تواصل فتره الملكه وكان رجال طبيعي لكن دايم اقول معقوله نسى زوجته بسرعه وكانه اول زواج له وتم الزواج وثاني يوم كانه رجال مبدل واحد ثاني مااعرفه وسافرنا وبعد الحاحي عليه قال انه يشعر بضيقه وو وقلت الشكوى لله نرجع ولا علمت اهلي ورجعنا ورحنا مكه ونفس الشي وكنت مصدومه لكن راضيه ورجعنا للرياض وكان مصر يوديني لاهلي وانا اهلي في منطقه غير الرياض لكن اصريت اني اجلس الين يروح لشيخ وراح بعضهم يقول مافيك شي وقال انتي ممكن فيك ورحت لها وانا خايفه والشيخ قال انت المريض عليكم بالبقره وبعض المشايخ قال فيه مس وعين وقال لي انه تجيه ضيقه ولا يقدر يشوفني ولا يشم شي لاعطور ولا ياكل ولا يجلس معي ، وجلسنا شهرين مره ياخذني وعشر عند اهلي واهله لاحظو تغيره ولاياكل ولايروح لعمله ولايبي اجتماعات ووو و وبعد شهرين اهلي اصرو انه يطلق وقلت له وبعدها جلس يترجاني انه شاريني وانه تحسن والله فرحت ماابي اتطلق واهلي قالو لا لكن استخرت ورجعت شهر ونصف الي اراه انه متحسن فعلا لكن بعدها قال مااقدر اكمل معك تعبت . بعدها كررت اللهم اجرني في مصيبتي واخلفني بخير منها ورضيت بما كتبه الله وطلب اني اسامحه وسامحته لوجه الله لي لاني كنت في تعب نفسي وخوف ووسواس من الي فيه الله به عليم استفساري وفضول فيني احد مرت عليه مثل هالحاله وايش فيه بالضبط الرجال راح في حاله الله يشفيه ويسامحه لكن مازلت اجهل السبب سألته يعلمني ابي ارتاح من التفكير قال انه مايطيق زوجته السابقه لكن كان اهون من وضعه حاليا وان فيه عين قديمه ؟! وقبل الطلاق قال انا مافيني شي وطبت لكن ماارتاح معك واخوه يقول الشيخ يقول له يبي لك علاج طويل حتى تشفى( والاعراض السابقه اختفت بنسبه كبيره ) لكن الي ابي اعرفه وش فيه الرجال نسيته وانتهت عدتي قبل شهر والله يعوضني خير منه ويعوضه خير مني ويشفيه . اتمنى ان احصل زوجته السابقه واعرف سبب الطلاق ايش علما ان محد علمنا بالسبب بس قالو مشاكل وهذي (((( رساله لكل بنت او شاب مطلقين خافو الله اذا تقدمتو لاحد كونو صادقين بسبب الطلاق احذرو الغش تراه ظلم حرام والله عالجو نفسكم اول )))) |
رد: تطلقت ولازلت اجهل السبب با
ماشاء الله
الشيء الجميل و الغريب انك ما تعلقتي فيه وهو علمك بالسبب للاسف الضيق النفسي و النفور اللي من غير سبب شي صعب جدا و اعتقد انك مقدرة هالشي عشان كذا سامحتيه والله يعوضكم باللي فيه خير |
رد: تطلقت ولازلت اجهل السبب با
اتوقع بصراحة غير مرتاح معك ومو حاب يجرحك او خايف من الشماتة من طليقته فطلع هالعذر
العين شماعة عند اغلب المتزوجين ، متى ما طق الواحد براسه قال فيني عين عشان محد يزعل عليه او ياخذ بخاطره منه رددي اللهم اجرني في مصيبتي وهو الله يسامحه ويعوضك يارب .. كثير زيه يستعجلون جدا حتى يقهرون طليقاتهم وبعد ما يتزوج يتندم والضحية بنت الناس .. |
رد: تطلقت ولازلت اجهل السبب با
لا والله تعلقت فيه وبعدها دعيت الله ينسيني اياه وطلع من قلبي للامانه وكرهته احسه ظلمني
|
رد: تطلقت ولازلت اجهل السبب با
اقتباس:
|
رد: تطلقت ولازلت اجهل السبب با
اقتباس:
|
رد: تطلقت ولازلت اجهل السبب با
اقتباس:
|
رد: تطلقت ولازلت اجهل السبب با
الله يعوضك خيرا ، وجزاك الله خير يوم سامحتيه ،
قصتك قريبة من قصتي تقريبا ، اسأل الله ان يرزقك ويقر عينك بالزوج الصالح |
رد: تطلقت ولازلت اجهل السبب با
الله يعوضك العوض الجميل ياأختي والحمدلله على قضاء الله وقدره واعلمي هذا شي مكتوب عليك وعليه ، واعلمي ان السبب عنده مش عندك والمشكله الله اعلم نفسيه بالدرجه الاولى ، واكثري من لاحول ولاقوة الا بالله ..
|
رد: تطلقت ولازلت اجهل السبب با
اقتباس:
|
الساعة الآن 03:04 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©