|
فقدت مغناطيس آلة سير الجري فهل من بديل عنها ؟؟
السلام عليكم جميعــــــــــــا .. :) أول مرة أكتشف منتدى سين جيم :d فقلت أستغل الفرصة وأحط هالتساؤل اللي من فترة أريد أسأله وما عارفة وين أحطه .. طبعا تعرفون آلة سير الجري .. اللي مثل هذي بالصورة .. وتشتغل بالكهرباء ... http://www.mstaml.com/imagesData/i13...4924200080.jpg عندي وحدة مثلها .. لكن للأسف فقدت المغناطيس اللي يخلونه بمنتصف الجهاز حتى تشتغل ..:( http://www.mstaml.com/imagesData/i13...8948100075.jpg ســؤالي ::: في فرصة أحصل مغناطيس يشابهه ويخلي الآلة تشتغل من جديد؟ ومن وين تحديدا .. ولكم الشكر الجزيل:28: |
رد : فقدت مغناطيس آلة سير الجري
وعليكم السلام ورحمــة الله وبركاته ...
اهلا خيتي ... اول شيء الله يعينك لانها سالفه بصراحـه وتسوي شوية قلق .. لكن الاكيد ان المفتاح المغناطيس موجود في نفس المحلات تبع هذه الاجهزه تباع بسعر مناسب .. يعني مو شرط يكون لازم تبع الجهاز نفسه الي جآ معآه .. لاني حسب اعتقادي وحسب ما سمعت من زميل صارت معه نفس المشكله .. انه استخدم مغناطيس عآدي تماما .. كان مغناطيس بنفس الحجم وثقيل وثبت معاه واشتغل .. شوفي شو يصير معاك وبلغينآ .... موفقه |
رد : فقدت مغناطيس آلة سير الجري
في جهاز بيت أبوي ضاع المغناطيس وحطينا مغناطيس عادي مثل اللي ينحط على الثلاجة وعلى السبورة البيضا ومشى الحال :)
|
رد : فقدت مغناطيس آلة سير الجري
اقتباس:
أخي الكريـــم .. الهاشمي .. مرحبا بك .. صدقت لأنها عاملة لي قلق .. تشتريها بالمبلغ الفلاني وألحين كذا حاجزة مكان بدون فايدة .. :( بالنسبة للمحلات .. رحت كم واحد وللأسف ما حصلت ولا أعلم هل تباع عن طريق الانترنت ؟!! إن أمكن وعرفت بمثل هالمواقع دلني عليها ولك كل الشكر الجزيل .. بالنسبة للمغناطيس حاولت مع أنواع عادية لكن ما كانت ثقيلة وللأسف ما كان في استجابة يعني لابد لي من البحث عن مغناطيس قوي .. لكن وين ;) أشكرك جزيل الشكر أخي الكريم لمرورك الطيب .. |
رد : فقدت مغناطيس آلة سير الجري
اقتباس:
أنا جربت يختي أكثر من نوع مغناطيس عادي مال السبورة .. لكن للأسف لا نتيجة ..!! عنيدة هالآلة .. :( المشكلة ما هاينة علي أرميها .. وبنفس الوقت حاجزة مكان بدون فايدة :29: |
رد : فقدت مغناطيس آلة سير الجري
لو بالسعوديه ....
... موجود بالفالح تبع الرياضه ... ومنتشر بفروعه بجميع مناطق المملكه .... اما عن طريق الانترنت ممكن ماينفع لانه شيء بسيط وسعره زهيد .... لكن راح ابحث لك واشوف ... وعلى فكره غالبا بتحصليه بمحلات الاجهزه او الرياضه الكبيـره .. لانه مغناطيس عادي بيخلوه دائري وبيركبوآ فيه قطعة حبل ويبيعوا منه .. |
رد : فقدت مغناطيس آلة سير الجري
ممكن حتى تحصلينه ف الجيم
هم عادة اتكون عندهم زيادة ويخلونه |
رد : فقدت مغناطيس آلة سير الجري
اقتباس:
شاكرة لك مجددا أخي الكريم .. ماني بالسعودية .. حاولنا نبحث بمحلات اللي قربنا لكن ما حصلنا شي .. اليوم اشتريت مغناطيس من إباي على حد قولهم ثقيل ونفس قياس المساحة اللي عندنا :d.. بس عسى يضبط عليها ومثل ما أسلفت أخي الكريم سعره زهيد .. عاد ننتظر وصوله ;) |
رد : فقدت مغناطيس آلة سير الجري
اقتباس:
بس عسى زوجي يوافق يروح يسألهم:29: شاكرة لك مرورك عزيزتي |
رد : فقدت مغناطيس آلة سير الجري
وعليكم السلام ورحمة الله وبركاته .. الفكرة هي قطعة معدنية موجودة داخل الجهاز لما تنجذب للمغناطيس تكتمل دائرة الكهرباء ويشتغل الجهاز .. إذا استخدمتي مغناطيس أقوى بيشتغل إن شاءالله .. حرام ترمينه.. المغناطيس سهل تلاقين بداله عكس الأنواع الثانيه .. دوري بتحصلينه إن شاءالله .. |
| الساعة الآن 11:44 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©