|
هو على قولتك ماهو مخيرني عشان افكر وأحوس
اروح لهم بكل بساطه واقول يقلي روحي لاهلك طبعا مقدر اقول مايبيني عشان مايمسكها علي ويقلبها ويقول نيتك لازم اقول نفس الحروف اللي خرجت من فمه بيسألوا اهلي ليه ماليه عسى خير عسى شر ؟ هذا كلامه انا مالي دخل مسويه اللي أقدر عليه واللي مقدر واللي ماخطر على العقول وبرضه متفرعن في حريقه اللي جابه يجيب غيره وليه العنا؟؟ وليه التعب؟؟وليه القلق ليه الزعل ليه النكد ليه البكا ليه الدموع ليه الحرقه ليه الوجع ليه السهر ياقلبي ليه؟ محد حشمك حشمي نفسك محد قدرك قدري نفسك محد احترمك افرضي احترامك غصبا عن اللي جابوه روحي لاهلك يعني روحي لاهلك افهميها ياثور معليش جالسه اتكلم مع نفسي قولوا تجننت قولوا اللي تقولوه مافرقت معي |
أبغى أرتااااااااااااااااااااااااااااااااااااااااااااااا اح وبس بأي طريقه كانت
|
الله يفرج همك
يا هدوء أنا حاسه فيك وربي لأني مريت بنفس تجربتك وقسم بالله لكن الفرق انك انتي تفرحين بجيته وجلسته وسوالفه معناته له معزة بقلبك لو واحد بالمية تبين نصيحتي .. اذا تقدرين تروحين بيت اهلك ع اساس زيارة و تطولين شوي منها ترتاح نفسيتك و يكون عندك مجال تتفرغين لقيام الليل بعيد عن زوجك صلي لله ركعتين وفرغي كل اللي بداخلك بالسجود والله رب العباد بيريحك هذا وعده سبحانه لعباده وبعدها فكري بزوجك حبه حبه و ارسمي لنفسك جدول وامشي عليه بحيث تتجنبين التصرفات القديمة وتغيرينها بتصرفات ايجابيه تملى حياتك امل و حب وراحه صدقيني الوحدة اذا ما اقلمت نفسها و بدت بالتغيير هي ما راح يتعدل شي الرجال نادر يسعى لاسعاد زوجته أدا كانت بينهم مشاكل شفتيه وش قال لك .. روحي انتي تطلبي الطلاق و قولي لأهلك معناته ما يبغى الزله منه ... هذا نفس طليقي لانه كان ولد عمي ومستحي من أبوي فكان يحردها علي انتي خليك اذكى منه ولاعاد تناقشينه في امور يفرح بها الشيطان واذا روحه اهلك صعبه عليك .. اقترحي عليه تاخذون عمرة هاذي لوحدها كفيله بتجديد النفسيه وهناك الجأي لله في بيته والله لن يخيبك أبدا ... اما تقعدين تستسلمين لإبليس وتشتتين بيتك وعيالك بس عشان هالفترة السيئة اللي تمر فيكم الحين ..؟ والله بتضحكين علي نفسك اذا تذكرني اللحظات هاذي بعد الصلح واذا ما قدرتو تطلعون عمرة .. برضو ربنا موجود سوي لك برنامج للذكر والله يا هدوء ان الراحة النفسيه الحقة منبعها ذكر الله مو زوج يحبني ولا لحظات بسيطة معاه تسوى الدنيا .. الله يفرج همك يارب و يبعد عنك كل ضيقة ما راح أنساك من دعواتي شلت همك والله من اول مرة قريت موضوعك * |
اختـــــــــــــي هدوووووووووء
لاتطلبي الطلاق ابدا ... هناك حلول كثيرة .. والامر يحتاج لتعقل قبل ان تقرري طولي بالك ولاتركزي على المشكله فكري في حل بدل ما انتي بتتململي ساعدي حالك .. لتقدري تمشي حياتك |
جميل جدآ كلام الفردوسس غايتي .. مفيــد .. كلام كبيــــــــــــــر
|
أحس اني عايشه معه على البركه بدأت اتخيل حياتي لما أروح عند أهلي اني مطلقه يالله اقسم بالله حسيت بهم كبير راح من صدري وتذكرت كيف كنت قبل لااعرفه لدرجة صرت اخرج مع أهلي وأتمشى وأحضر زواجات وانبسط بدون اذنه وبدون لااستاذن او يدري مافيني اجلس اتحيل واترجى واترضى احس اني منجد تطلقت منه عاطفيا وهذا الشي ريح نفسيتي كثيروعرف زوجي اني خرجت عند أهلي بدون اذنه زعل عصب عااااااااااادي ماهمني قفلت الخط ورحت اضحك واسولف مع اهلي بعدين حطيت الجوال جنب راسي ونمت نوم عميييييق مريح هادئ عقلي مرتاااااااااااااااااااح من الصراع اللي قبل هذا كل شي حبيت اكتبه عني وعن ماتبقى من شي يسمونه مشاعر
|
اقتباس:
احسج موب صاحيه ابصرآحه معقوله تبين تسرحين وتمرحين من غير لاتسأذنين ؟؟ هذا تفكير انسانه واعيه ومثقفه؟؟ امرج غريب تكتبين وكانج مظلومه وانتي الظالمه ؟؟ انا اقول انتي ماتستاهلينه لانج ماتعرفين معنى الحياه الزوجيه واستغليتي الرجال وتزوجتيه وبامكانج ترفضين انتي اصلن موب مهياه لموضوع الزواج .. لانج مابقى فيج مشاعر ولو تراجعين اللي تقولينه راح تعرفين انج ماصنتي الحياه الزوجيه وتبين بس تسمعين احد يوافقج على كلامج اتمنى زوجج يقرى اللي كتبتيه عشان يعز نفسه عنج وتوبي لربج مابتعيشين عمرج كثر ماعشتيه |
شوفي انتي لخبطتي الشبكه العنكبوتيه بموضوعك هههههه
انا ادخل عشان اشوف وش صار أسمعي اذا انتي لما تروحين لاهلك ترتاحين وابتسامتك ترجع وتحسين براحه نفسيه وتحسين ان الدنيا لسى بخير وتحسين راسك صــــــــــــــــــــــــــــافي ومرتاح بالك .. خلاص انفصلي لأنه بيجيك سكر وضغط وأآلام بجسمك وصداع وأرق |
*أوصيك بما يلي: 1) ضرورة الرقية الشرعية على نفسك عاجلاً. 2) ضرورة الجلوس بانفراد مع النفس والتبصّر بشكل جيد لواقع حالك. 3) الزمي بيتك وزوجك يا امرأة.. وأصلحي حياتك الزوجية بارك الله فيك. 4) ضرورة توعية النفس والذات وتثقيف الفكر والعقل بالقراءة. 5) التوقف عن المقارنات بالأخريات. 6) معرفة سيرة الصحابيات وأمهات المؤمنين بوعي وفطنة. ::: أنت هنا لمجرد الفضفضة لا أكثر ولا أقل.. لا تضيعين وقتك.. واستعجلي بإصلاح حياتك. إن كان الرجل لا يصلي أو به مانع أو قادح شرعي بيّن فاطلبي الطلاق منه ولا بأس.. وإن كان هكذا فردّي إليه صداقه وارحلي لبيت والدك. |
حاولي التغيير ...
وابدأي بنفسك اولا غيري مثلا نظام جدول حياتك اليومي .. وشجعي زوجك على التغيير معك .. باي شي تحبوه لاتقولي يوم يومين وبيرجع مثل اول .. شجعيه وشجعي نفسك.. "ان الله لايغير ما بقوم حتى يغير ما بانفسهم " |
| الساعة الآن 10:48 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©