|
أكره زوجي- تم الطلاق رد 109 ..
زوجي كل شوي يقلي روحي لاهلك زوريهم واجلسي عندهم كم يوم كيف اتصرف معاه احسه يبغاني اروح ويقلي بطريقه غير مباشره اااه لو يدري ان ودي اخرج من البيت ولاعاد ارجع واقله ارسل ورقة طلاقي ! بصراحه انا صرت ماعاد اطيق اشوف وجهه اذا قرب مني احس اني بستفرغ من كثر مااكرهه في داخلي ودي اخونه عشان انتصر لنفسي بس والله ان الخوف من الله يمنعني ياربي ابغى اتطلق منه كيف مدري ؟ لازم عذر قوي لاهلي عشان يقتنعوني مدري كل الرجال كذا ولا هو بس كذا شككني في الناس خايفه اتطلق ويجيني اللي اسوء منه يارب عوضني باللي يقدر تعبي ويحترمني*
|
اهدئي قليلا ولا تستعجلي يبدو انك كتبت الموضوع وانت بحالة نفسيه سيئه اعانك الله وازال همك ونفس كربك واصلح لك زوجك لكن الخطاء لا يعالج بالخطاء والحقيقه انني لم افهم الى الان ما المشكله بالضبط ولماذ يقول لك زوجك اذهبي لبيت اهلك ؟؟؟ هل يخونك مثلا لا سمح الله ؟؟ ارجو التوضيح اكثر بورك فيك |
حياك الله اخي الفاضل والله اني مدري عنه صرت اشك فيه لكن قهري انه مايرحمني في شغل البيت ولايتنازل ابدا ابدا عن اي واجب له لو تعبي مدري كيف غير انه في قناعة نفسه يحتقر المراه يعني ممنوع امشي قدامه لازم امشي خلفه ممنوع يصبلي شاي او قهوه مستحيل يعتذرمهما كان خطأه ممنوع ازوراحد ممنوع يزوروني صاحباتي كسووووووووول جدايعني من اول مايجي جيبي الجوال رجعيه صبيلي مويه جيبي الريموت شغلي المكيف بروح انام برد طفيه جيبي الروب طلبات ماتنتهي كل شوي لدرجة اوقات يكون جنب البراده يقلي صبيلي مويه كانه مشلول او فيه مرض بيتوتي بشكل مخيف يكره الخرجات جدا مساج للجسم كامل يوميا لازم طبخ من البيت وبس عياله بس يضرب فيهم يومي بحجة التربيه الصحيحه مع انهم مايتجاوزون الخمس سنوات نادرجدا يلعب معهم على طول يعصب ويضربهم ويتريق عليهم مهمل جدا في نفسه يعني مايحلق الا الين الناس كلها تقول تكفى حلق غير اشياء ماودي اذكرها وريحة العرق وال... غير العلاقه الخاصه يبغاني انا اللي اتحرك وهو بس مرتاح سامحوووووني اسفه على الجرأه واذا رفضت يقول خليك مكانك ولا لطمتك ويزعل دايما كل مره طيب انا مااتعب مااطفش ماامل غير انه شايل من قاموسه مداعبه وملاطفه قبل العلاقه حاولت كثيييروتعبت وفقدت الامل في تغييره احس اني صرت بارده مثل الثلج ولاهمه المشكله انه يطلب المعقول والمستحيل وهو مايسوي اي شي استغفر الله ياربي عوضني*
|
غير كم مره تخاصمنا ويضرب ويتريق ويهين ويطرد من البيت واول مااقله انا ماني مرتاحه معك يقول روحي بيت اهلك مابجبرك تعيشي معي يعني بايع ولايثمر فيه المعروف والعيش والملح ياربي عوضني
|
حسبي الله ونعم الوكيل يعني وش يبغى متى يتغير وش يرضيه ياربي عوضني يارب ياكريم
|
يقلي دايم احب أهينك في العلاقه الخاصه وفعلا يهين ويهين ويهين وأنا بصراحه بدأت أمل وأطفش من ذا التمرد
|
عزيزتي ... الله يفرج همك ويريح قلبك.. يااااااااارب ماجربتي تدخلي أحد من أهلك؟ شخص موثوق و متفهم؟؟ يعني بينكم أولاد .. في بداية كلامك حسبتك لسة عروسة بس واضح انه في عشرة.. أكيد مااقولك أرضخي لتصرفاته الخاطئة.. لازم كل شخص يغيير من نفسه للأفضل.. بس لازم يحس انه في خلل في علاقتكم وانه الزواج شراكه بين 2 ........... انتظر جوابك |
عندنا طفلين الله يحفظهم وبالنسبه اني ادخل احد انا خلاص كرهههههههههههههههههههته وماابغى احد يدخل مع العلم اني دخلت وتغير ماانكر بس مازلت اكرهههههههه
|
يعني تبغي تنفصلي عنه؟؟؟؟؟؟ فكرتي في الموضوع من كل جوانبه..؟ مافي غير انك تلاقي حل.. فكري في ايجابياته وووو كلميه بوضووح وجربي تدخلي احد مرة ثانية عشان ترتاحي.. استخيري عزيزتي.. وادعي وقولي.. (( يا فارج الهم وكاشف الغم فرج همي ويسر أمري وارحم ضعفي وقلة حيلتي وارزقني من حيث لا أحتسب يا رب العالمين)) |
الحمد لله رب العالمين
|
الله يعينك عليه بجدددددددددددددددددددددددددددددد انسان مايتعاشر000
|
والله العظيم ان اللي مانعني عن طلب الطلاق اني اتزوج متزوج انا مستحيل اعيش مع متزوج لو اجلس عزبا طول عمري اهون علي من العيشه مع ضره مااتحمل ولاارضاها على بنت الناس اخذ زوجها واهدم بيتها اوقات اقول يمكن يجيني مطلق بس مافيه ضمانات واهلي مابيتركوني كذا غير نظرة الناس وكلام الناس استغفر الله العظيم غير عيالي مابشوفهم ووش يضمنلي اخلاق الزوج الثاني ياربي ياكريم عوضني
|
ما فهمت الحين يقول لك روحي بيت اهلك وانتي اساسا ما تبيه وزعلانه تروحي ؟؟ ما ادري بس اكيد هو حاس ان اهلك مو متقبلينك يوم تروحي لهم ولا انتي مرتاحه معاهم بعد عشان كذا يقول روحي لهم بس انا اشوف لو تضغطي ع نفسك وتروحي لاهلك فترة تحسسيه بقيمتك ولا ترجعي حتى يراضيك وتحاولي تفهميه الاشياء اللي مو متقبلتها فيه بشكل ودي من غير ما تجرحيه وان شاء الله يزين |
يا قلبي و الله حزنت على حالك
مدري كيف بعض الرجال يفكرون إنهم ماخذين جارية تسوي لهم كل شي و هو حتى كلمة شكر ما يقول لها يا أختي رسولنا الكريم يقول ما أكرمهن إلا كريم و ما أهانهن إلا لئيم و الله مدري ايش انصحك بس أحس مفتاح الحل إن يحس بقيمتك و إذا على الطلاق - الله لا يقوله - من اللي قلتيه تقدري تتلككي على أي تصرف من تصرفاته الفظيييييييعة و تقولي خلاص طفح الكيل لكن فكري في أولادك و استنفذي كل الطرق من نصح و الاستعانة بالعقلاء ممن يسمع لهم زوجك قبل لا تفكري بالانفصال و الله قلبي وجعني عليك ... ربي يحنن قلب زوجك عليك و ربي يسعدك دنيا و آخرة |
أكثر من الإستغفار فهو علاج لكل مشكله :
من ثمار الإستغفار : 1- إنشراح الصدر والراحة النفسيه . فيه الطمائنيه والراحة النفسيه لأنه من ذكر الله قال تعالى (الا بِذِكْرِ اللَّهِ تَطْمَئِنُّ الْقُلُوبُ ) . 2- أنه حل لك مشكلة ولكل هم . قال رسول الله صلى الله عليه وسلم ( من لزم الإستغفار جعل الله له من كل هم فرجا ً ومن كل ضيق مخرجا ً ورزقه من حيث لا يحتسب ) 3- الرزق ( المال والولد ) . قال تعالى : (فَقُلْتُ اسْتَغْفِرُوا رَبَّكُمْ إِنَّهُ كَانَغَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا) . |
لكل زوج بالدنيا مفاتيح لقلبه..
ولكل انسان سلبياته وايجابياته.. هو يمكن لانه بيتوتي وهذا الشي اللي مسبب المشاحنات لو انه يجلس في البيت بس شويات.. ولو يطلب لبن العصفور مارح تملي منه لانه شوي وبيذلف طيب انتي حفزيه يسوي له تجارة او عمل اضافي وسعي مداركه انكم اسرة صغيرة يبغى رب الاسرة انه يزيد دخله او خليه يروح يجلس في الاستراحة مع اصحابه مهدي له انه يصيع ويضيع من يدك ويشوف غيرك عشان تنفكين منه..!! طيب اطلبي منه يسافر ويفلل عنكم ويخليك لحالك.. مو كذا احسن..!! واضح ان مساحات التلاقي بينكم قليله والاهتمامات بينكم معدومه حفزي هذا الجانب.. وتري الكره يفرق عن الاستكراه>> لا تزيدي كمية الكره له في قلبك لان عين السخط تبدي المساوئ.. وبينكم اولاد مالهم ذنب في اللي تسوينه.. الطلاق مو سهل وعليك معالجة وضعك |
عنصري بحت
💢💢💢💢💢 اختي الله يفرج همك شكلك تطيعين زوجك طاعه عميا!! والا يكون يم البراده ويقول عطيني ماي!! زوجك مافيه رجا يتغير انتي اللي تغيري اضربي فيه عرض الحائط لين يتادب!! |
لآ حول ولا قوة الا بالله الله يفرج همك ويرزقك السعاده واللي تتمنيه ياقلبي .,~
خليه يآآخد دورات للمتزووجين ويتعلم ويستفييد ., حبيت أسالك في بداية الخطوبة كيف كان معاكِ وكيف اسلووبه يعني ماكنتي تلاحظي عليه حركات مالها داعي .؟؟ الله يفرج همك : ) |
في البدايه اختي هدوووء ماله داعي تتكلمين عن زوجج بهالطريقه
ترى انتي بعد ماتستاهلينه ومايستاهل تستمرين معاه وانتي سمحتي لنفسج تتكلمين عن شريك حياتج بهالطريقه وبهالاسلوب عند ناس ماتعرفينهم حتى لو معتربيتنهم اخوانج وخواتج بالنهايه هذاك سترج وغطاج ماتبينه تطلقي منه لاتقولين صعبه . ماصعبه .. قوى قلبج تهينين شريك حياتج جدامنا بهالطريقه بدون ذكر الاسباب ومايقوى قلبج على اقناع اهلج بالطلاق قمة التناقض ابصراحه واتقي الله في نفسج وفي زوجج ماقالج روحي الشارع قالج بيت اهلج بيت عزوتج وسندج بنت امج وابوج واخوانج وخواتج المفروض اطيرين من الفرحه واذا اجوفين ان زعلان احتويه وافهمي مشاعره وسبب رغبته بهالشي موب اطيحين فيه بهالطريقه كنت هني اختلاف بالرأي لايفسد للود قضيه |
الله يفرج همك واللهيهديكم ويسخركم لبعض نصيحتي ادخلي ركن الاستشارات الخاصه واكتبي مشكلتك هناك خبراء يساعدونك انشاء الله ولن يطلع احد غيرك انتي والمستشارين او يدلي بدلوه من غير وعي لانهم ثقه يا اخيه وربي يصلح بالكم
|
اختي اذا ماكان لسانه وسخ ويضرب ويلعن ونكدي ومطفشك وخانقك حتى داخل البيت فتحملي فتره واضغطي على نفسك وستخيري كثير بس لاتحملي انا شفت من زوجي اضعاف ماتشوفين من زوجك ولا زلت متردده بامر الطلاق مو حبا فيه وعشرته البائسه لكن عشان ماندم بعدين اقول ليتني سويت وسويت مع اني عارفه مستحيل اندم عليه..لان حياتي كانت افضل بكثير قبل ماعرفه ماشفت شي حلو بحياتي معاه الا هالولدد اللي خلفته وغيره ولا شي
|
اختي انا ابغى لك الخير بس لاتستعجلي في الامر لان الضحيه هم العيال الي عندك وانا وقفت على قصه مثل حالك وزيادة فحصل انفصال فضاع الابناء.... طيب سؤال هل على الزوج ظروف ماليه يعاني منها مثلا ديون او يمر بظروف نفسية من ناحية العمل مثلا ارجو انك تدرسي الموضوع من جميع جوانبه كاملا ثم الاستخارة ثم الاقدام بما اختار الله لك ,,,,اسال الله لكم صلاح الدين والدنيا والاخره.]
|
اقتباس:
|
ريحانة الرياحين ربي يسعدك بس كيف اخليه يعرف قدري وقيمتي احس اني ماني عارفه كيف اتصرف احس اني ضايعه؟ شكرا لك
|
بارد جزاك الله خير الله يفتحهااحسها تقفل بس ربك يعين
|
مشكلتي زوجتي شكلك تتريق على العموم شكرا لك انا لو ماابحث عن علاج يخرجني من اللي أنا فيه ماكان لقيتني هنا؟ ياريت لو تكتب العلاج المناسب من وجهة نظرك لاني بدأت أفقد الامل
|
اقتباس:
|
اقتباس:
امين كنا دايم نتخاصم ونفس أخلاقه الان بس كانت الخطوبه فتره بسيطه باقي ماعرفته مزبوط يعني تتوقعين لو اشتريله كتب يتغير |
الاخت الفاضله حصه
اول شي انتم مابتعرفونه يعني لايطيح من عينكم ولازوجي يتأثر ولاشي وثاني شي يعني اجلس ساكته طول عمري الين متى؟ كيف احل المشكله برأيك اذا ماذكرت كل شي يزعلني ويكرهني فيه عشان نحلها على العموم شكرا لك على فكره انتي نصحتيني بالطلاق يعني استهونتي بذي النصيحه وكبرتي سردي لمشكلتي وبعدين ليش قلتي انتي ماتستاهلينه على اي أساس قلتي كذا وانتي ماتعرفين كيف تعاملي وتبعلي معه اختلاف الرأي لايفسد للود قضيه |
جزاك الله كل خير اوناا
|
اقتباس:
|
اقتباس:
جزاك الله كل خير اخي الفاضل هذا اللي قاهرني عيالي مايهونون عليه ابد ماودي نفسياتهم تتأثر دايم أفكر فيهم وأتخيل حالهم ونفسياتهم بعد الطلاق أحسهم نقطة ضعف عندي |
اقتباس:
الى درجة حتي ما يقدر يصب لعمره شااي عشان كذا انصحك مع اي مشكله معاه ما ينسكت عنها تروحي بيت اهلك صدقين ما راح يتحمل بعدك مع كل ذي الاتكاليه حسسيه بقيمتك وكيف كنتي صابره ع كل عيوبه ولا تصيري خفيفه و لا ترجعي الا بشروطك عشان يتأدب ويعدل وضعة وهناك مشاكل اخرى بعد مثل اهتمامه بنفسة تنحل من خلال جلسة رومانسيه بعد عودتك معاه ان شاء الله |
من ناحية اتكالي فهذي مايختلف عليها اثنين حتى في العلاقه الخاصه مابيتعب عمره ياصبر بس وبالنسبه للشاي مو قصة تعب قد ماهو انه شايفها واجب من واجبات الزوجه غصبا عنها تخدم زوجهاوتصبله انا ماعندي مشكله اصبله وعادي بس مو لدرجة غصبا عني أسويه الله يعينني يعني مايكفي تعب الاولاد والبيت والطبخ والغسيل بدل مايخفف عني ويساعدني يزيدني شكرا لك اختي*
|
والله فكرة الكتب حلوة بالله جربي ايش حتخسري ..,~
يللا فكري في الموضوع وقولي لي اجيب لك اسامي كتب تلاقيها بجرير .,~ ويارب يتغير ولا تنسي الدعوات له في صلاتك والله يهديه يارب ويلين قلبه عليكي ياقلبي : ) |
جات في بالي فكرة حلوة
بخصوص النظافه الشخصيه وغيرها .,~ :: جهزي له الحمام في البانيو ماء دافيئ جداً وبجانبه شموع يعني باختصار زبطي الحمام اكرمك الله ولا تنسي الفواحات الحلوووة يعني من بدري ولعيها وزبطي المنشفه على الباب وكل شي يكون تمام .,~ :: اول مايجي من العمل قولي له كلام حلو يسر الخاطر وقابليه وانتي باحسن لبس وبابتسامه حلوة يعني باختصار اتكشخي بعمرك . :: واول مايخرج من الحمام وهو بكامل نظافته حطي له كريمات وبخي عليه عطورات وان شاءلله بيحس على نفسه ويتغير .,~ اتمنالك التووفيق والسعاده : ) |
ياروحي.إنتي الله يفرج همك
روحي عند أهلك.واجلسي عندهم شهرين غلشان يحس ويفقدك صدقيني راح يحس ويحن عليك حتى إنتي راح.تشتاقيله.وتغيرين رإيك إصبري حبيبتي غلشان أطفالك تقبلي تحياتي |
غريب الاندفاع في المشاعر السلبية
|
الله يعيـــــــــــنك .
فعلا شي صعب , أنا عن نفسي مستحيل أصبر |
اقتباس:
اختي هدو انثي اسال الله ان يهديك ويبرد قلبك كل رجل له اتيكيت خاص به وله فلسفه في الحياه بعض الرجال اهمالي وبعضهم ديمقراطي وبعضهم متسلط وبعضهم متسامح وبعضهم متراخي وبعضهم شوارعي كثير الخروج وبعضهم بيتوتي قليل الخروج وبعضهم نقاد وبعضهم عياب وبعضهم ملول وبعضهم اتكالي وبعضهم موسوس لا يعتمد على زوجته بشي فالرجال اجناس مختلفه والوان متعدده وطعوم مختلفه والتحدي ان نتعرف على طبائعهم ونفهمها ونقبلها ونحاول ان نتعايش معها ونطورها لا ان نجعلها سبب للتنافر والتباغض والتعادي والتحاسد زوجك من النوع الذي يعتمد عليك في كل شي يحب ان يكون مخدوما وهذا النوع من الازواج موجودين وبكثرة جدا ويسمي هذا النوع من الزوج ( الامير ) لانه يحب ان يخدم ويحشم ويحب المساج والتدليل والخدمه والتدليل وطريقة التعامل مع الامير ان يدلل ويكرم حتى لا تأخذه الطيور المهاجره والاناثي المغرده لانه يموت في الخدمه ويفرح بالحشيمه والمرأه الذكيه هي التي تقايضه على الخدمه وتساومه عليها فتكون ورقة الخدمه والحشيمه ورقة مساومه وميدان متاجره تكسب بها قلبه وتحقق به رغباتها مثل هذا الزوج يحتاج للزوجه الخدوم الحشوم التي تلبي الطلبات والحمد لله انت هذه الزوجه لكن لا ادري لماذ كل هذا الزعل والشكوي زوجك امير هكذا طبعه بالنسبه للنظافه الشخصيه للامير يحتاج ان تدخلي معه الى الحمام وتقومي بتنظيفه نعم انه الامير هذه هي خاصيته لكن ماهي مزيا الامير ؟؟ انه يحب زوجة ولايستطيع ان يعيش بدونها انه لايمكن ان يتزوج على امرأته انه لاينسي احسانها وحبها له انه ملازم للبيت وعينه لا تزيغ على النساء انه لا يتدخل في شئون زوجته الخاصه مثل اللبس والعمل وغيرها انه يعطي زوجته راحتها في علاقاتها وحياتها الخاصه الزوج الامير رحمة ونعمه ومنه من الله |
| الساعة الآن 07:23 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©