|
ماذا أفعل بعد الحقنة التفجيرية
السلام عليكم ورحمة الله وبركاته كيفكم يا حلوات صارلي مدة ما نزلت مواضيع هنا .. لأني ما حبيت أقلق نفسي .. عقلت شوي بعد مرور شهور على زواجي :d باختصــــار أخذت ابره تفجيرية وباقي كم ساعه وأكمل ال36 ساعه ,, وبعدها :25: الطبيبة قالتلي بعد الجماع الأول بعد الإبرة .. لازم يكون الجماع يوم ورا يوم .. بالإضافه لذلك زوجي وانا كنا ملتزمين هالشهر بعدم الجماع لمدة كافيه .. على طلب الطبيبة طبعا من أمس وانا حاسه بآلام التبويض على فكرة الدكتورة شافت تقريبا 3 بويضات أحجامهم متقاربة جدا أكبرهم حجمها 23 ملم .. هل ممكن تخرج ال3 بويضات بشهر واحد؟؟؟؟ عطوني من تجاربكم ونصايحكم بليييييييز وياريت لو وحده تعطيني جرعة تفاؤل وتقولي انها حملت من أول مرة خذت الإبرة طبعا البنات اللي يعرفوني هنا .. عارفين ان الحمدلله ماعندي شي يمنع الحمل بشهادة أكثر من 4 طبيبات رحتلهم بالعكس التبويض والمبايض والرحم كلهم نظاف ماشاءالله .. الحمدلله قلبي وايد موجوع هالشهر ادعــــــــــــوووولي الله يخليكم .. وصدقوني ماني ناسيتكم من دعائي أبدا .. الله يشهد علي بانتظاركم |
على فكرة يا بنات .. بويضاتي كذا بدون منشطات .. الحمدلله
وأكثر من طبيبة قالولي مبايضي نشاطهم حلو وبويضاتي أحجامهم حلوة وممكن تؤدي لتوائم ادعووولي :____( بصراحه قلبي موجوع وايد لأن صديقة عمري جت تبشرني بحملها بعد زواجها من 3 شهور وحسيت اني انا اللي حامل مو هي ... فرحتلها من كل قلبي ... بس حسيت بغصه بقلبي فرحت أكثر لأني ثاني شخص تقوله الخبر .. زوجها طبعا أول واحد قالتله وللحين ما قالت لأمها ولأهلها .. تقول بتنتظر شوي بس قلبي موجوع والله مادري ايش فيني .. الله يهديني بس :____( |
حبيت ادعيلك بس
يااااااارب تحملي وتبشرينا الله يرزقك عاجلا غير اجل انتى وكل ام ياااااااااارب |
طالما انتي ماعندك مشكلة يالغاليه
فليه تتعبي حالك بالحقنة ؟؟! زوجك هل كشف فلربما هو من عنده المشكلة ؟! لاتنسي كثرة الإستغفار والدعاء الله يفرج همك |
الله يرزقك الحمل ان شاء الله وكل محرومه ...
بس حابه اسألك انتي اخذتي حقنه تفجيريه بعد تناول المنشطات والا كيف؟ هل الحقنه مؤلمه؟ والكشف لحجم البويضات لازم بالسونار المهبلي؟؟ |
اقتباس:
أشكرك بنوته .. الله يرزقك بالزوج الصالح عاجلا غير آجل حبيبة قلبي :22: |
اقتباس:
والله ياعزيزتي لأننا قاعدين نحاول كم شهر .. وبعد 3 شهور بنكمل سنة من زواجنا وهذا حل من الحلول .. الطبيبة فهمتني ان الإبره مجرد رح تساعد البويضه انها تنزل لا زوجي ما كشف لأني ما طلبت منه .. بس اذا ما صار حمل على نهاية السنة .. ناوين نسافر نغير جو .. وبنسوي فحوصات هناك مدوامة على الإستغفار قد ما أقدر دعواتك أسعدني مرورك |
اقتباس:
آمين يا حبيبتي لا ما خذيت منشطات .. لأن الطبيبة شافت بويضاتي ماهي محتاجة خذيت مرة وحده كلوميد .. وعلى طول ظهرلي كيس وظيفي على المبيض اللي هو عباره عن الكيس اللي يغلف البويضه لأني أساسا مبايضي شغاله تمام الحمدلله ما كان في داعي أخذ كلوميد الحقنة .. مثل كل حقنة .. ألمها عادي .. بس بعد 24 ساعه من أخذها بديت أحس بآلام التبويض .. ألم ظهر وبطن وفي المبيضين بس عاااادي ألم محتمل ... في بنات خوفوني قالولي رح تحسي مبايضك تتفجر اسم الله عليها بس هذي مبالغات .. ولااااااااااازم سونار مهبلي عشان يشوفوا البويضات والله انا كنت خايفه موووووت لأنه لازم من تحت بس بعدين عدت على خير الحمدلله :24: |
ربي يرزقك هذا الشهر ويفرح قلبك بإذن الواحد الأحد
انا مرة قالتلي طبيبتي اعمل سونار مهبلي لأنه أضبط من السونار العادي للكشف عن البويضة بس خفت من أسمه وما عملته خصوصا من بعد ما خوفتني صديقة لي وقالت انه بيموت من الألم على حسب ما هي سامعة ... وانا كثييييييييييييييييييييييييييييييييير جبانة بس اللي يمشي ورا كلام الناس خسران... من كلامك حسيت انه عادي ومو مؤلم صحيح ؟؟؟؟ قوليلي حبيبتي في أي يوم من ايام الشهر عملتيه ؟؟؟ |
حبيبتي متفائلة
آمين الله يسمع منك يارب ويرزقك وياي وكل من تتمنى يارب لو تشوفي حالتي انا لما أول مرة سوولي السونار المهبلي .. كنت توي متزوجة من شهرين وما كنت أدري ان فيه شي اسمه سونار مهبلي على بالي من البطن وبس المهم ما آلمني بصراحه بس قعدت أصيح من الخجل خخخخخ الطبيبة لما عرفت اني توي متزوجة حطت كمية جل كبيرة وانزلق بسهولة الحمدلله اللي تقولك يذبح من الألم تبالغ .. وبعدين هو يعتمد على الطبيبة .. لازم تحط كمية جل على الجهاز عشان يدخل بسهولة طبعا أول ما رح تحاول تدخله رح يكون في ألم جدا بسيط مثل وقت (الـ.....) تمام ؟؟ بعدين خلاص مارح تحسي بألم وهي رح تحركه عشان تشوف البويضات وكل شي .. رح يكون في احساس ماهو مريح انه في شي بداخلك .. بس مو مؤلم .. .. ولما تطلعه ما رح يكون في أي ألم كلها دقايق .. انا سويته باليوم ال11 للدورة .. شافت البويضات .. وعطتني موعد باليوم ال14 عشان تشوفهم مرة ثانيه وعطتني الإبره بس على فكرة في طبيبة ثانيه سوتلي سونار من بطني .. وشافت البويضات عادي لكنهم مو واضحين مثل سونار المهبل بس قالتلي اللي عندها غازات رح يكون صعب جدا يشوفوا بويضاتها من البطن لازم من تحت لا تخافي حبيبتي |
| الساعة الآن 02:21 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©