فيدوني بارك الله فيكن
 

امر ببعض المشاكل والضغوط التي تؤثر دايما علي نفسيتي واحيانا ابكي لدرجه الانهيار انا حبلي بشهري السابع وخايفه كتير علي جنيني سمعت ان الزعل والبكي بيعملو مشكله للحبلي هل هدا صحيح؟

طبعا صحيح وراح تشوفي أثر هذا كله على جنينك لما تولديه باذن الله

انا الحمد لله كنت مرتاحة بحملي بس كنت متأثرة مررررررة بفراقي لأهلي لاني في غربة وما كنت أشوفهم إلا في المناسبات وكنت دايماً أفكر وأبكي وزوجي كان بعيد عني

ودحين تعالي شوفي بنتي عصبية مرة تضم يدها وتضغط عليها بقوة لاني انا بحملي كنت اكتم زعلي وما ابين اني متضايقة عشان لا يتضايق زوجي وبنتي تعمل نفس الشي تضم يدها وتضغط بقوة على أسنانها فجأة ومن غير سبب وتعصب كثير اذا أحد أخذ منها حاجة على طول تعصب ، أمي قالت لي كل اللي بحملك راح تشوفيه في بنتك

فانتي اهتمي بفسك وابعدي عن الزعل والبكا ، انا مرة قرأت دراسة انه الجنين يتأثر بمشاعر أمه ويربط بين الشي اللي يزعج أمه ولما يجي عالدنيا يكره هذا الشي

يعني مثلا الام تتضايق من الاب ، فالجنين يربط بين صوت الاب وبين مشاعر الضيق ، ولما يتولد راح ينفر من هذا الصوت اللي كان يسبب لامه الضيق والزعل

والعكس صحيح طبعاَ

وحدة من أخواتي لما أمي كانت حامل فيها كانت مشااااااكل مع أبوي ، ودحين كلنا نراعيها ونداريها لانه نفسيتها فجأة تتغير وتتقلب من غير سبب ، ولما سالت امي قالت لي كنت بحملها مشاكل ليل ونهار مع ابوكي وهذا هو السبب

فانتبهي لنفسك اختي وانتبهي لجنينك وربي يقومك بالسلامة يارب

يعطيكى العافيه اختى مقهوره والله يبعد عنك الزعل انا اثنى على كلام اختى تالينااا واقول لك كلام صحيح انا حكمت عن تجربه شخصيه انا ولدى كان عمره ثمان شهور اسمه كان فهد الله يرحمه ويجعله لى شفيع يوم القيامه لمن توفى كنت حامل ملى شهر وانا ما كنت عارفه طبعا الله يبعد عنكم كنت وايد زعلانه وايد لانه كان ثانى ولد لى ومات فجائه دون سابق انذار بس الحمد لله على كل حال لمن ربيت جبت ولد سميته بعد فهد مصممه هههه المهم هذا الولد لو تشوفينه مشيب شعر راسى عنيد وعصبى وما يسمع الكلام حنان وزنان والحمد لله الله يعين الابى اوصله لك انك تحاسبى على نفسك وجنينك وما تخلى شى يزعلك حاولى قدر الامكان حتى تقومى بالسلامه وبعدين انتى حره زعلى مثل ما تبين ههههههههههههه طبعا اضحك الله يتمم لك وتقومى سالمه غانمه اختك ام فهد 00000000000وشكرا