|
اريد مشورتكم يامتزوجات
سلام عليكم اخواتي واخواني فى الله
انا متزوجة لي ٥ سنوات وساكنة في منطقة غير منطقتي في منطقة زوجي انا من مدينة ثانية المشكلة سبحان الله لا حبيت منطقة زوجي ولا اهلة ابدا عجزت إلى الان اتاقلم فيها مرة مرة اعد الايام الاجازات بالثواني عشان اروح عند اهلي وبديت من كذا اكرة زوجي هو وسط لا طيب ولا شرير ومعاملة اهلة عادية عجزت احبهم واتكيف معاهم مرة سبحان الله من اوصل لبيتي والله خمس سنين وانا كل يوم ابكي ابكي ابي ارجع عند اهلي مع اني موظفة حتى مكان العمل ماتكيفت معاهم ابدا انا خايفة اطلب الطلاق واعرف نفسي ضعيفة راح احكم على نفسي اندفع بالحياة حاولت أقنعة بكل الطرق انة ننقل لمنطقة اهلي لكن رافض تماما يقول مستحيل أترك امي وابوي على وجة الدنيا واروح معاك مع انا يقدر ينقل عملة لمنطقتي وغير كذا جماعات وأهل منطقة عنصرييين جدا جدا مايحبون أهل منطقتي |
رد: اريد مشورتكم يامتزوجات
هو صادق طيب كيف تبينه يترك أهله ، هو رجل ممكن يكون مسؤول عن امه ابوه او خواته مع زوجته .. لكن انتي زوجة مسؤولة عن زوجك وعيالك فقط.. طبيعي وبديهي أنه يكون أقرب لأهله..
حاولي تتقبلين الوضع عشان تتأقلمين.. الشكوى لله ياختي دام زوجك ماهو سيء وانتي موظفة الحمدلله وضعك المفروض يكون كويس.. |
رد: اريد مشورتكم يامتزوجات
اقتباس:
|
رد: اريد مشورتكم يامتزوجات
انا ارى انه من حقه ان يجلس مع أهله، لان والديه لهم حق كبير عليه، وامحي فكرة الطلاق من رأسك، لان وضعك لا يستدعي الطلاق، ستتعبين كثيرا ان قدمتي على هذه الخطوة.
اعرف ان الابتعاد عن اهلك شيء صعب، والاشتياق اليهم كثير، ولكن لابد من الصبر، وحاولي مسايرة الوضع. |
رد: اريد مشورتكم يامتزوجات
طبيعي ماهو ناقل وتارك اهله عشان يروح لاهلك
ومو لازم تحبين اهله اهم شي احترميهم كل ماكانت تربية اهلك تربيه راقيه ومثاليه النتايج تبان عليك من خلال تعاملك مع الغير انتي في بداية الطريق والبدايه دائما صعبه انتبهي تخربين حياتك عشان امر عادي مع الايام يمر وتتأقلمين انتبهي ستندمين حين لاينفع الندم عليك بالدعاء والحوقله فانها تفرج الهم قولي لاحول ولاقوة الا بالله باليوم مية مره وتصدقي بنية الراحه والتأقلم والرضا راح البال والاستقرار النفسي اهم شي وقلة ذكر الله والتركيز بامور عاديه تجعل الشيطان يخليك مشوشه مايخليك تحسين باستقرار في بيتك وحياتك الشيطان يخليك تكرهين كل شي حتى ماتتفرغين لزوجك وتتزينين له وتحاولين تكسبينه وتتأقلمين مع بيئتك والناس اللي حولك والعنصريه بكل مكان كل المناطق اللي حول بعض تتعنصر ضد بعض لكن اهم شي الخوف من الله والمعامله الطيبه حاولي تنظرين لمحاسن زوجك لان ماحد كامل حاولي تكونيين صداقات تزورينهم ويزورونك ويكون بينكم تواصل لما تتطور العلاقات اللي بالعمل تكتشفين صفات حلوه بالناس اللي حولك وتحبين المكان والناس حاولي بزياراتك لاهله والناس اللي حوله تفتحين مواضيع وتسولفين وتكونيين عفويه ماتكونين مشدوده وكارهه كل شي شغلي القران في بيتك واكثري من الدعاء وتأكدي ان صبرك مأجوره عليه عند رب العالمين وخليك منطقيه تخربين حياتك لان الرجال ماترك اهله وراح معاك لاهلك 😪 صارحي زوجك عن قلقك وهمك بلين وانوثه وضعف وليس بقوه وعصبيه اذا شافك انثى لينه تبحثين عن التأقلم سيساعدك وستتخطين هذي المشكله باذن الله |
| الساعة الآن 07:19 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©