منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)
-   عيادة الاسرة (http://www.66n.com/forums/forumdisplay.php?f=95)
-   -   عملية لوز ولحمية لطفلي وعمره سنتين (http://www.66n.com/forums/showthread.php?t=181354)

أم كريم 10-02-2009 07:28 AM

عملية لوز ولحمية لطفلي وعمره سنتين
 
صباح الخير على الجميع ....

ابني عمرة سنتين بالضبط .. من ان كان عمره كم شهر وهو يعاني التهابات في اذنة ولوزه .. ولما اوديه طبيب اطفال طبعا هات يا مضادات وابر .. لاحظت ان ابني يتنفس من فمه ويشخر في نومة ويتعرق كثير بشكل مبالغ .. المهم، من فترة كان عنده التهاب قوي في اذنة ولوزه كالعادة .. وقالت الدكتورة انه لوزه متضخمين بالنسبة لطفل في سنة وعنده لحمية .. طبعا هي كانت طبيبة عامة .. امس رحت فيه لطبيب اذن وانف وحنجرة (د. طارق سليمان) لما عمل له الأشعة والكشف .. قال نفس الكلام وزاد ان اللحمية تأثر على ضغط الأذن له وعامله له مشاكل .. وان التنفس من الفم يأثر على سقف الحلق والأسنان تطلع على برا ..

المهم، ابي راي اخواتي الأمهات المجربات .. احس ان طفلي صغير على العملية بس الدكتور يقول ان اطفال اصغر يعملو العملية وعادي وإن العملية تصير في خمس دقايق ..

انا وقعت على اوراق العملية .. بس ابي رايكم يطمني بليز .. وابي دعاكم لأبني عبدالكريم بالصحة والعافية يااااااااااااااااااارب العالمين .. الله يخليه لي يتربي في عزي وعز ابوه يااااااااااااااااااااااارب ..


تحياتي ..

روز السعودية 10-02-2009 08:00 AM

السلام عليكم

صباح النور أختي أم كريم

بصراحه ماعندي خبره عن اللوز وعمليتها لكن ماقد سمعت ان فيها خطورة وفي نفس الوقت ماعندي فكره عن السن المناسب لأزالتها ,, لكن اذا ماكنت مقتنعه من كلام الدكتور اعرضيه على دكتور ثاني وتأكدي ( مع اني ماأحب اتنقل من دكتور للثاني خاصه اذا كان هذا الدكتور دايم اراجع عنده )

الله يخلي لك عبدالكريم ىوابو عبدالكريم ويخليك لهم يارب

أم كريم 10-02-2009 08:05 AM

شكراً اختي روز السعودية على ردك الجميل .. والله اسعدني مرورك ..

كلك ذوق والله يخلي لك احبابك يااااارب .. :)

smart_baby 10-02-2009 12:42 PM

السلام عليكم

ان شاء الله عليه العافية لابنك وانا اسمع انه العملية كتير سهلة

طمنينا اختي

أزهار نيسان 10-02-2009 12:42 PM

إن شاء الله ما عليه شر ولدك


و الأفضل عزيزتي بما أن الدكتور قال لك إنه تعملين له عمليه إنكم تعملون له و لا تخافين إن شاء الله بتشوفين فرق كبير في التنفس عنده راح يروح عنه الشخير و يأخذ راحته في التنفس


أنا ابني الآن عمره أربع سنوات و تعبنا و نحن نراجع معاه في المستشفيات علشان نشيل له اللحميه لكن الدكتور الله يسامحه دائما يماطل إلى أن أثر على إذنه و صار فيه تجمع سوائل في إذنه و صار سمعه ثقيل و صار الحين لازم له عمليتين لحميه و شفط الماء من الإذن لكن الحمد لله على كل حال ..

بنت خالي عملت لولدها هذي العمليه و هو في نفس عمر إبنك و الحمدلله الولد ما فيه شيء و لا تحاتين حبيبتي الدكتور أدرى باللي في مصلحة الطفل ..


توكلي على الله و ربي يحفظ لك ولدك و يبعد عنه كل شر ..

حرم فلان فلاني 10-02-2009 12:53 PM

هو صح صغير لكن اللحمية مأثرة كثير عليه يعني لو ماكانت مأثرة كان انتظر الدكتور ككمان سنتين عليه


لاتخافي ماعليه شر ان شاء الله وعمليات اللحمية من أسهل العمليات هالايام بعد توفيق الله


بس أهم شي تهتمي فيه بعد العملية لان سنتين ممكن تتعبين معاه لأن بعد مايشيلها ممنوع ياكل حلويات وجبس وغيره بس اشيا مسلوقو ومهروسه وشوربه فممكن ابنك مايتقبلها كثير...


ألف سلامة على يارب ويارب يقوم بالسلامة واتربينه واتشوفيه عريس قدامك...

توكلي على الله ولاتنسي الصدقة والأذكار

أم كريم 10-02-2009 01:11 PM

أختي smart_baby .. شكراً على مرورك وكلك ذوق يالغالية .. :15:


أختي أزهار نيسان .. والله ردك ريحني .. الله يريحك دنيا وآخرة ياااااااااارب .. :22:

مشرفتنا حرم فلان فلاني .. تسلمين على ردك الجميييل ومعلومات كان المفروض اني اعرفها .. مشكورة .. :d

GREEN222 10-02-2009 01:26 PM

عسى ما شر يا رب

انا عملتها لبنتي بعمر السنتين


والله كانت 25 يوم من الشهر تاخذ مضاد حيوي


تصوري والله من كثر الالتهابات كان خدها اليمين ينفخ


والحمد لله رب العالمين حتى اني مصورتها على الفيديو قبل العمليه وبعدها وبعد ما صحيت من البنج

والآن تشاهد الفيديو وتضحك على نفسها كيف كانت تتتكلم بعد العمليه

قالت عن نفسها انها اختها

انما ما لقيت غير هالطريقه تتسكت فيها بعد العمليه وكل شويه صوريني وانا اعصابي منهاره وقلبي متقطع واصور فيديو


اعمليها واتكلي على الله وباسرع وقت


وطمنينا

أم كريم 10-02-2009 01:46 PM

مشكورة اختي Green على مشاركتك .. شلتي مني الهم والله ..

الله يخلي لي عيالي ويخلي لكم عيالكم ويعطي عيال للمحرومين ياااااااااااااااااااااااااااارب ..

مشكورات اخواتي وفعلاً انا فرحانة لأني ما توقعت هذا التجاوب من المنتدى ..


تحياتي :22:

GREEN222 10-02-2009 02:06 PM

رح نفقدك انما ما تنسي تطمنينا ولو بكلمه


ونصيحه شوفي شو هي تحب وحضريه لها عشان وقت تصحى من العمليه

عشان تتلتهي فيه


انا كانت تحب الاظافر التركيب والمكياج اشتريت لها عليه

ووقت صحيت وبيدها ابرة المصل وهي تركب اظافر وتحط حمره


اذا مثلا ما ترضى تاخذ دوا البندول اطلبي من الدكتور يعطيها تحاميل


الساعة الآن 04:12 PM.

Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©