يا اهل جده ... واللي يعرف جده .. المساعده ظروري
يا اهل جده المساعده ظروري
انا طالعه لجده ابجلس فيها كم يوم .. وبصراحه ما اعرفها زين مره ... فابيكم تدلوني على شاليهات حلوه وسعرها معقووول واهم اهم شي انها تكون محترمه وهاديه ( غير النورس لاني رحت لها ):25: مو انواع الاستهتار وال (........) ؟؟؟ زي شاليهات درة العروس وما شابهها :( :( فيه شاليهات سمعت عنها اسمها ( ارض السعاده ) ياليت اللي يعرف عنها شي يعلمني واذا هي حلوه ولا لاء ؟؟؟ وابغا مطاعم حلوه وراقيه ويا حبذا تكون رومانسيه:d وابي اسم محلات ورد طبيعي حلوه ومعقوله اسعارهم :22: لاتطنشوني بليز |
الله يسامحكم صار لي كم يوم منزلته ولا احد رد علي
على العموم انا محتاجه للرد ظروري واللي عنده خبره لا يبخل |
والله أختي انا بالشاليهات ما اعرف أبدا
وبأسماء محلات الورود ذاكرتني تخونني الآن فلقد غادرت جدة مذ زواجي ولاأدري بالأسعار أما بالنسبة للمطاعم عندك فرايديز وتشيليز جون جول لا أدري هذا الأخير اذا كتبت اسمه صح بس في مطعم أجوائه جدا رومانسية وأسعاره أيضا معقولة نوعا ما اسمه ذا لوست سيتي عنجد بيجنن انا السنة الماضية احتفلت فيه مع زوجي بعيد زواجنا لما كنا بالإجازة الصيفية عند الأهل واتمنى من باقي الأخوات يساعدوكي باللي ماقدرت عليه ودمتي بحفظ الرحمن تحياتي |
اقتباس:
مشكوره اختي للمعلومات الرائعه بس ممكن تدليني على موقعه بالظبط |
حياكِ الله أختي ؛ إن شاءالله تجون وترجعون بالسلامة وتستمتعون أيضاً >> وإن كنتوا تسوون لنا زحمة بالإجازات في جدة بس عاد وش نسوي >> أمزح :d بالنسبة للكبائن >> ماعندي سالفة نهاااائياً .. بس ليش ماتكررين النورس :25: ما أدري ماعجبتك ؟ فيها خصوصية ومسبح خاص وقعدة جميلة والجو حلووو ويساعد ؛ أيضاً بوسط الكورنيش وقريبة من البلد وأسواقها لو حبيتوا تطلعوا تتمشوا أو تتعشوا بالنسبة للمطاعم >> عندك الهندي " تاج محل" بالخالدية .. والصيني بنفس الخط أيضاً .. غيرها بصراحة أصبحت قهاوي مو مطاعم بالإضافة لعدم الخصوصية فيها .. وتبغي رومانسية خذي أبو شقراء بجانب فندق الآنتر عالكورنيش << صحيح قديم ولكن فيه أجواء رومانسية هادئة وجميلة. الورود >> ياكثرهم .. وبصراحة مدري اذا يهمك شكل المحل ولا شكل الورد :d عموماً قدام مستشفى سليمان فقية بشارع فلسطين محلات كثير .. وطول منتِ ماشية في جدة بالسيارة طالعي يمينك ويسارك بتلقين ورود >> وما أدري بصراحة جدة من وين جابت كل هالورود ومافيها مطر :21: أدري ماعندي سالفة وسويت زحمة والخط فاضي ولا أفدتك >> بس حبيت أشارك وأكون في الخدمة :d رحلة طيبة وموفقة >> وترجعي منها بإذن الله ونلقى إسمك حياتي سعيدة :14: |
في شالهات فينيسيا انا روحتها مره حلوه واسعارها كويسه ...
وبالنسبه للمطاعم:25: في روما كافيه(نكهه القهوه؟)..تشلز..:22: اما بالنسبه للورود انا اعرف فيفا بس ما اعرف كيف اسعارو:d |
اقتباس:
<<< مو من مسببات الزحمه يعني :d اما النورس فانا جربته ولا ودي اعيده ومشكور على المعلومات الباقيه اخوي اختي لولي مشكوره على المعلومات وراح اتصل على فينيسيا واسألهم:22: |
يالله كويس >> الزحمة خفت نفرين :d طيب سؤال إذا تكرمتي ؟ النورس .. إيش رأيك فيها من كل النواحي .. رحتها قبل فترة طويلة تصل لـ3 سنين.. وأظنك رحتي لها بوقت أقرب .. هل تنصحين فيها :25: |
حلوووه ما عليها رحت لها قبل فتره
مرتبه ونظيفه واحلى شي انها هاديه ورومانسيه |
أختي الكريمة
مطعم ذا لوست ستي مكانه جنب فندق الأنتركونتيننتال بالظبط فين مابعرف <<<<<<<<<<<< فاشلة في شرح الأماكن بس انا أقلك هو في طرف مبنى الأنتر يعني تلاقي جدار الفندق شارع صغير مقابل الشارع تلاقي المطعم مابعرف أوصف أحسن من هيك بس إن شاء الله تكوني فهمتيني وسألتلك أهلي بجدة عن محلات الورود قالتلي أختي عندك جنب سوق النجار بنفس الشارع على خط سوق النجار وسوبر ماركت شاكر لقدام في محلات ألبسة جنب بعض من بين المحلات تلاقي محلات ورود وبالشارع المقابل أيضا في كام محل أتمنى أكون أفدتك ورحلة سعيدة ودمتي بحفظ الرحمن أنت وعائلتك تحياتي |
الساعة الآن 02:44 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©