التنظيف في الاجازه
:22: اهلا حبيباتي
ابي منكم نتناقش في كل وحده وجدولها في التنظيف وطريقة تنظيفها والاشياء اللي نستخدمها في التنظيف وتسهل علينا وخاصة تقريبا ابتدت الاجازه وتكثر الطلعات فيقل الجلوس في البيت فيجتمع التنظيف ويصبح الوقت ضيق هذا الموضوع للمناقشه نستفيد من بعض انا نظفت المطبخ دواليبه من الاعلى واستخدمت منظف 409 ممتاز لازالة التراب الملتصق بسبب الزيت بخيه واتركيه خمس دقايق وامسحيه باسفنجه وفرشت جرايد فوق الدواليب ولزقت اطرافها حتى ما تبين واستخدمت المنظف للدواليب من برا ومن جوا وفيه العملاق بالليمون ممتاز يعطي ريحه للتنظيف من جوا طبعا ابي انظف تنظيف عميق لان العطله تكثر الطلعات والوحده ماتستقعد لبيتها يعني ياله تنظف الوحده التنظيف اليومي الحمامات والفرن والارضيه والكنس ونظفت الستاير كنستها ومسحتها بفوطه رطبه وفيه مطهر جنتو الازرق ريحته قويه ممتاز ونظفت السيراميك رفعت الاثاث كله وغسلت الارضيه بجنتو اما اليومي التمسيح انا الاعمال اليوميه اسويها الظهر والاعمال الشهريه او الاسبوعيه اسويها العصر اذا نام زوجي كل يوم شئ ويصير المغرب للجلوس مع زوجي نتقهوا والعشاء اذا بغينا نطلع او نسير على احد والا جلسنا """""""""""""""""""""""""""""""""""""""""""""" """" اتمنى ان الاقي ردود منكم والمشاركه للفائده """"""""""""""""""""""""""""""""""""""""""" |
معقوله سته دخلوا ولا رد كلكم ما تشتغلون عندكم شغالات
ترا حتى الشغالات يبيلهم متابعه ما يعتمد عليهم الموضوع مناقشه الكل يستفيد |
بالنسبة لي جالسة بالبيت في الاجازة وكل شهر اسوي تنظيف شاااامل للبيت وتنظيف اسبوعييوم الخميس يكون وبيوم واحد اخلص البيت كله وبس لاني ساكنة عند اهل زوجي وبيتي صغير غرفتين وحمام ومطبخ صغيييييييييير و الغدا والطبيخ تحت عندهم ومطبخي للاكلات البسيطة فطور او عشاوماعندي اطفال الا واحد توه مابدا يمشي عشان كذا مايتوسخ كثير اما بالنسبة للاشياء اللي انظف بيها للارضيات امسحها بداك والفرن بفيري المذيب العجيب والخشب ببخاخ حق الخشب مااعرف اسمه:) وطبعا لازم الحمام كلوركس -ديتول وبس هذا اللي عندي ان شاء الله الباقيات يفيدونا بس اظن انهم كلهم عندهم شغالات:d
|
والله يعطيك العافيه موضوعك حلو يستاهل المناقشه بس على ماقلتي انا انضف قبل الاجازه تنضيف عميق ستاير ومطبخ ودولايب وشبابيك بس واجلس بصراحه شهرين الا ان تخلص الاجازه ماانضف الا سطحي او بالاصح التنضيف اليومي وارجع انضف مررره ثانيه التنضيف العميق قبل المدارس بااسبوع يعني اذا خلصت الجمعات لان احنا كل عايله في بلد في الاجازه نتجمع ومحد فاضي لبيته بصراحه نتجمع عند البيوت الكبار اهلي اهل زوجي
انت نضفي كله وقفليه وخلي بس الي تستخدميه يوميا وعلى وجهه السرعه والباقي بعدين لان مايسير غير مغبر شوي |
انا انظف الفرن بفيري المذيب العجيب ( البخاخ الاخضر)..
السيراميك والحمامات بكلوركس مع موية.. اسطح دواليب المطبخ عندي رخام وانظفها ببخاخ كلوركس .. الخشب بالبخاخ الخاص بالخشب.. |
الساعة الآن 07:54 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©