|
سؤال لمن ولدت بعملية قيصرية
مرحبا اخواتي انا حامل بالثامن وبكريه
وماعندي اي خبره بالحمل والولاده اتمنى من الاخوات الفاضلات مساعدتي:22: انا يمكن اولد قيصري ولاسباب خاصه بس ابغى اعرف اللي ولدت قيصري بنج كامل متى يفك البنج عنها وتقدر تشيل البيبي تكفووون جاوبوني ابغى اعرف متحمسه اشوف البيبي:15: |
اختي انتي قالوا لك أن التخدير سيكون تخدير عام (كامل) أم أنتِ من اختار التخدير العام
لأني ولدت ولادتين قيصرية و كان التخدير ابديورل و لذلك لا أستطيع ان أفيدك بسؤالك لأني كنت واعية وقت الولادة و شفت البيبي فوراً |
اقتباس:
اسفه على التدخل بس سؤال يعني ابرة الظهر Epidural الي تستخدم في الولاده الطبيعيه هي نفسها تستخدم في القيصريه |
اهلين اختي
بصراحه انا اخترت التخدير العام لاني ضعيفه مااتحمل دم واصوات الدكاتره اذا قالوا مشرط او اي شي يمكن ادوخ لول فقررت العام احسن .. واخاف كمان من ابره الظهر خطره مره بس للعضوات اللي لهم خبره تكفون افيدونا جزاكم الله خير |
هلا بك اختي
أنا بولدي الله يصلحه اخذت تخدير كامل وصحيت تقريبا بعد ساعه ونصف وعادي تقدري تمارسي حياتك الطبيعه وتمسكي البيبي بس انتبهي لا تدوخي اذا حسيتي بدوخه ابعدي عن النونو لاتمكيه والله يسهل عليك ويقومك بسلامه |
الله يقومك بالسلامه
عزيزتي انا بولدي جبته بعمليه واعطوني هم تخدير كامل من دون ما يستشيروني بس سألوني اذا معي حساسيه او لا اللي اذكره انه صحوني الساعه 7 الصبح وطلعت من العمليات وحطو البيبي على صدري وانا كنت خايفه انه يطيح لاني يا دوب احس بشي وكانت امي معي وحنا طالعين من العمليات لغرفة التنويم وكانت امي تبي تاخذ الولد لكنهم رفضو لكن امي اذكر انها حطت يدها على الولد وهم ينقلوني لغرفتي تخاف يطيح وهذاك اليوم كان اغلب وقتي نوم ما احس بشي شوي اصحى وشوي انام ادوختك بقصة حياتي |
السلام عليكم اختي الغاليه انا بولادتي فبنتي كان تخدير كامل وصحيت بعد ساعتين تقريبا ماحسيت بالالم الا يوم جيت اكح واول يوم كله نوم ماتحسين بشي وشفت بنتي تقريبا فالليل الله يقومج بالسلامه وتفرحين فالبيبي ان شاء الله تقبلي مروري اختج اوركيد قطر |
هي صح ابره الظهر فيها خطوره بس لتخدير النصفي افضل لانه العام فيه خطوره على القلب وكمان تبقي طول اول يوم دايخه والله انا ببنتي الكبرى بقيت ثلاث ايام لما اقوم من السرير للحمام الله يكرمكم ادوخ الا يمسكوني الممرضات وبنتي ما اقدر احملها الا وانا نايمه
اما ببنتي الثانيه تخدير نصفي وشفت بنتي اول ما طلعوها وكان شعور لا يوصف وحطوها جنبي على طوووول ...وعادي واعيه واكلم زوجي وارفع راسي يعني اريح حتى بالحركه من ثاني يوم وانا بروح الحمام وحدي واشيل بنتي وارضعها واكيد المستشفى الكويس راح يحطو طبيب تخدير مضمون علشان ابره الظهر وبالسلامه يارب انتي والنونو |
| الساعة الآن 09:19 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©