|
أمي وزوجتي.. ارشدوني ((حٌلت ولله الحمد ))
السلام عليكم من فترة وانا اتصفح المنتدى وحبيت تشاركوني مشكلتي.. متزوج منذ سنة تقريبا وزوجتي حامل في الاشهر الاخيرة المشكلة هي ان امي تعامل زوجتي مثل الخدامة ويمكن الخدامة افضل شغل البيت عليها طوول اليوم تهينها امام خواتي واخواني وزوجاتهم.. دايما تنقص من شأنها.. تغلط عليها.. تتطنز عليها عشان يضحكون عليها وهي موقفها الصمت طول هالفترة ما ادري عن اللي يصير في البيت بحكم دوامي الطويل واذا شفت تكون اشياء بسيطة.. اشوف انها تتحكم في طلعاتها.. ماتبغيها تزور اهلها .. انصدمت من فترة بدفتر مذكراتها اللي واضعتنه بين ملابسها تظن اني ما بقدر اوصل ليه.. بس وصلت وانا اقرى اللي تكتبه والله تسيل دموعي .. ومن اسبوعين تقريبا حاس بتغير زوجتي علي.. قل شوقها لي وتعبيرها بالحب صرت اجوف في عيونها الحزن احس انها تبكي في غيابي بس مو قادر افاتحها في الموضوع طبعا هي ماتدري اني اقرأ دفترها .. كاتبة انها ما تبغي تكلمني في هالموضوع عشان لا تتسبب في زعل بيني وبين امي ولا تتكلم عن يعتبرونه طولة لسان او ماشابه .. وانا متحير جدا تكسر خاطري لما اجوفها.. صرت ما اقدر احط عيوني بعيونها اقول حرام صغيرة ويستوي فيها كل هالهم وخايف على صحتها كون ولادتها قريبة وحتى نفسيتها تغيرت مو ذيك الحيوية اللي تعودتها والطفولة اللي باقية فيها ما اقدر استغني عنها ابدا متعلق فيها واااجد تلبي كل طلباتي وقايمة بواجباتها بأكمل وجه .. وامي ما اقدر ازعلها ارشدوني |
ما تقدر تطلع في شقه مستقله عن اهلك ؟
|
يااعمري عليهااااا
والله هذي مثاايه وربي طيب اجرلها بيت لحاالهاا والله حيااتك بتروح كذااا بعدهاا عن اهلك حرااام الظلم وبعدين تعال كلم امك بطيب قولهاا هذي زوجتي يمه لاتزعليهااا |
لا تزعل
بقول حاجه انا شايفتها من خواتي عندي ثنتين خوات عماتهم مخلينهم ملطشه تعرف ايش ملطشه !!!! بس لما عرفنا السبب بطل العجب السبب اخي الكريم ان هالامهات اصلا مايحترمون عيالهم اللي متزوجين هالزوجات يعني اذا امك اصلا تحترمك وعادتك رجال ... كان بتحترم زوجتك وتعدها مره يعني ازواج خواتي ... سمعوها من امهاتهم انهم مو رجال .. بالحرف الواحد .. معتبرينهم ولا شي معتبرينهم ناقصين .. مع انهم اولادهم بس سبحان الله مش عارفه ليه؟ فأنا اعتقد امك كذا هي ماتحترمك فما تحترم زوجتك... ............. ( تزاوروا ولا تجاوروا) يعني تباعدوا في بيوتكم لا تجلسون سوا لأن فيه مشاكل واعتقد ان معها مصلحه مع وحده من زوجات اخوانك الثانيات ... وحابه ترفع من قدرها بتهزيء زوجتك..هذا برضو انا شايفته من عمات خواتي .... عز زوجتك وحبها وهنيها .. والله مافيه مثلها عموما اطلعوا برا مافيه احلى من الخصوصيه ... وياليت انت تحط معايير للتعامل مع زوجتك ماتتنازل عنها ماينفع بس تكسر خاطرك حتى لو توصل انك تقول لها لا تطلعين من الغرفه الين اجيك |
الله يكون بعونهآ وزوجتك ونعم والله من فتاة فكرت بزوجهآ قبل ماتفكر بأمه وأبدآ لا تتهآون فيهآ .. يمكن زوجتك جفت من مشاعر الحب والحنآن من بعد تعب الحمل ومشكله والدتك وضغوطات كبيره أنآ من رأيي إنك تجلس مع وآلدتك وتوضح لهآ محاسن زوجتك بالنسبه لهآ وبالنسبه لك .. ولآتنسى تذكر وآلدتك بأنهآ أحسن وأفضل من غيرهآ من النسآء وتجيب لهآ قصه على محور الحديث عن القصص الله نسمعهآ بهآلوقت " وشف الوضع إذا في تحسن مآشي الحآل
وإذا مآتغير شي من الكلآم اللي قلته أنصحك بالإستقرآر بعيدآ عن منزل والدتك " الله يصلح الحآل |
اتعلم ان زوجتك محظوظه فيك شوف اخي الفاضل
اول خطوه بما انها تعبانه واواخر الحمل حاول بحجة ان زوجتك تعباااانه تفضل عند اهلها او انك تاخذ اجازه صغيره وتجلس قربها او انك مثلا تروح العمل وترجع بوقت ما حد متوقعو وتلاقي زوجتك تعمل في البيت ويجن جنونك عليها وتقول بصوت عالي : جنيتي مش خايفه على اللي ببطنك وظهرك ,وتقول لها حذرك الدكتور من العمل والاهاق وقال انو يلزمك راااحه ووجه كلامك لاخوتك وقول لهم : مش خايفين على ابني الللي في بطن زوجتي ومن ثم وقبل كل هذا وقت ترجع البيت ضع عيونك في عيون زوجتك وقل لها :انا حاسس فيكي وان شاء الله قريبا رح تفرج وورح اعززك واكرمك واعوضك عن التعب اللي انتي فيه هذا هو ضمانك الوحيد لاننا نحن النساء هذا الكلام يعطينا قوه ونعيش عليه سنه حسسها بحنناك وحاول وقت ترجع وامام الجميع اخدمها انت وقل لها بنبره قويه : قال لك الدكتور انك تهتمي بنفسك وما ترهقي حالك وانتي لا تسمعي كلامه ارحمي نفسك |
ماشاء الله تبارك الرحمن
زوجتك درة ناااااادرة في هذا الوجود فصنها واحفظ مكانتها بين أهلك ولاتظلمها لاتسكت هكذا وأنت ترى زوجتك تذبل من أجلك : احضر هدية ثمينة واعزم زوجتك على مطعم وقدمها لها واجلس مع زوجتك وقل لها انك قرأت مذكراتها وأنها كبرت في عينك كثيييييييرا وقل لها وأنت تقبل يديها ورأسها : كم أنت عظيمة ونادرة وكم ازددت حباً لكِ فوق حبي وقل لها : اصبري ياعزيزتي من أجلي لو لم تكن أمي لعرفت كيف أوقف كل من يغلط في حقك ولكنها كما تعلمين أمي ولكن أيضاً لن اسمح بأن تهدر كرامتك وأنا حيّ وسأكلم أمي وان اضطر الأمر فسأنتقل لبيت بمفردنا صدقني عندها سيطيب خاطرها ويبرد قلبها وتقول لك : لاتكلمها لكي لاتغضب منك بل سأصبر من أجلك وعندها ستسمع تعليقات أمك بصدر رحب عندما تشعر بمساندتك لها وبأن صبرها له قبول رائع في قلبك ولا نطلب منك أن تعصي أمك وتغضبها بل قلها بحنان ياأمي اكرمي زوجتي إن كنتِ تحبيني |
اه والله انقهرت عليها ودمعت عيوني والله شاهد
لاني اعاني متل زوجتك واتلطش امام اللي يسوى واللي ما يسوى امام الاطفال والكبار الخادمة والحارس والله لو ان الحائط يجيب انا اجيب انا ابقى ساكتة ولا كاني سمعت وبالعكس مرات بضحك بعمل حالي ما فهمت مع اني بنقهر وبروح بيتي ابكي بس لا احب ان اريها انها اثرت في نفسيتي... بس الفرق اني ساكنة لوحدي بنفس العمارة مع حماتي ولا اتلطش بمقدار زوجتك الله يعينها يعني بشوفها باليوم ساعة او يوم اه ويوم لا حسب شغل البيت .. فعلا زوجتك درة وجوهرة والحمدلله الاعضاء افادوك خاصة جرين وام جمانة.. ياريت تتبع نصائحهم.. حسبي الله ونعم الوكيل اله اكبر على كل من طغى وتجبر واخيرا انتبه لحديث القدسي: (ياعبادي اني حرمت الظلم على نفسي وجعلته بينكم محرما فلا تظالموا.. ) والظلم ظلمات يوم القيامة.. ونبه امك انه احترام زوجتك من احترامك وازا بدكم اياني ابقى عندكم في نفس البيت لازم اتغيري معاملتك معها.. ولا سأضطر اني استقر في منزل لوحدي..ولها الخيار.. ويجب ان تحسسها انك ملاحظ لوحدك وان ليس زوجتك اللي قالت لك.. تمسكها على جنب وتقولها يا امي شفتك عملتي مع فلانة او قلتي لفلانة (اللي هي زوجتك) كزا وكزا وهذا لا يجوز يا امي.. هل تحبي ان يسير كذلك بابنتك؟؟ متابعة للموضوع..ياريت تكتب لنا التطورات |
ربي يسعدها ويتمم لها حملها علي خير :)
حرام الظلم ورببي اقتباس:
ماما جرين ماقصرت كفت ووفت :) |
جوهرة مصونة تلك التي تبحث عن رضى زوجها طلباً لرضى الخالق سبحانه
ما أروع أن تصبر الزوجة و تساند زوجها |
| الساعة الآن 03:44 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©