من أنت أيها الرجل حتى لا تخطئ؟
 

أنت بشر عادي لست بنبي ولاملك !! قلبك بين أصبعين من أصابع الله يوجهها كيفما يشاء تتجاذبك ثالوث الطبيعة البشرية :
1 - الظعف : ( الحاله المزاجيه ، وسوسة الشيطان وجثمانه على قلبك , قلبك بين أصبعين من أصابع الرحمن يصرفه كيفمايشاء ) ومامثله .
2- النسيان
3- الهوى
كل هذه مجتمعه مع حديث فرح الشيطان بالتفريق بين الزوجين تجعل وقوع الخطأ والظلم من الزوج أمرا لا مفر منه بل لا أبالغ إن قلت وبكثره يقع ذلك !!
لماذا تقلب الرحمه الى عذاب !! الله شرع القوامه رحمه للمرأه ليه تقلبها الى عذاب ومزاجيه !! تحرم أشياء حلال على زوجتك !! ترفيه برئ ، قصة شعرلائقه ، ,,,,,,
لاتنسى أن الحرمان والكبت يؤدي الى الإنفجار ومزيد من العنف والقسوة والجفاف !! حتى لو كانت المرأه صالحة !!
يعني مثلا هناك زوجات حدهم الحرمان على الوقوع في الإثم : اللي صارت تكلم رجال عشان تسمع كلام حلو !!! واللي لين سافر زوجها زارت قريباتها وصديقاتها !! وأشياء كثيره يطول ذكرها !! حتى فيه أزواج اعتبروا الحرمان والنقد الجارح وسيله لتربية الزوجه !! يارجال لا تنسون الزوجه الكبيره الناظجه ماينفع معها هذا الأسلوب !! استعمل المدح وتعزيز الثقه والتقدير صدقني فيه نساء مايجون الا بالطيب !! القسوة والحرمان في سن الثلاثين اصلا غير لائقه خاصة مع زوجتك اللي هي الأقرب لروحك وجسدك !!!
يعني تخيلو فيه رجال حتى بعد ينتقد زوجته لو تدعي لعيالها بشئ زين يقول لا قولي كذا وهي ماتفرق بس أختلافات لغويه ولا كل الدعوتين خير !!وليته يقوله باسلوب رقيق كان الأمر هين لكن باسلوب يوحي بالتسلط والدكتاتوريه !!
وحده حرمها زوجها من زيارة صديقتها !! ياخي كيف تحرم زوجتك وهي كبيره معلمه من شئ زي كذا هذا عز الله ماتزوجت !! لين حرمونا امهاتنا من زيارة صديقاتنا وانا مراهقات خوفا علينا عشان صغار صبرنا لين نتزوج ونصير فاهمات وناظجات وامهات لكن اللي تزوجت ونظجت ومنعها زوجها وش الحل ؟؟!! المهم هذي الحرمه اللي منعت إن صحت القصه زارت صديقتها يوم سافرزوجها والمسكينه علقت في الدربزين براسها ولا قدريطلعها الا الدفاع المدني وقالوا لازم زوجها (والله ماادري ليه لازم ؟؟ يعني الحريم يولدون ويولدهم أطباء رجال وبدون زوجها مايكون معها !! اتوقع الدربزين ارحم من الولاده !!!) المهم جاوهو متفاجئ وبعد ماطلعوها ظربها قدام الناس !! بصراحه اقوله يداك أوكتى وفوك نفخ !! حرمتها ومن شدة الحرمان صار لها كذا لكن الله ياماستر على رجال لين راحوا للحرام وزوجاتهم بالحلال منتظرينهم وسبحانه له حكمه وكشفت هالمسكينه علشان ينفضح امام الناس انه حارمها زوجها ومعيشها الحرمان !! والله يااخوان اعرف زوجات محرومين حتى من الجنس حقهم الشرعي رجالهم كذا مايبون !! مع اني تكلمت مع زوجاتهم وتأكدت هل هن يتقنون فن الأغراء واللبس ووووو يحترمون ازواجهم ووو يعني تأكدت من الأسباب الماديه والنفسيه وكله طلع تمام لكن هي بوضوح مزاجية الرجل والملبسه زورا وبهتانا بالقوامه و التي لاحل لها الا أن يعترف الرجل بأنه بشر رأيه يحتمل الصواب والخطأ !!

الله يهدي الجميع

أخوي المشرف العابر ألف شكرعلى تفاعلك والله لا أنكر وجود رجال في منتهى الشهامه ولا أنكر وجود نساء سطحيات وشريرات لكن أنا أتحدث عن ماواجهني في حياتي أنا من مواقف تعرضت لها أنا وصديقاتي !!! وبصراحه الأغلبية في مجتمعنا أن الرجال بصراحه قسااااه !!! واسمح لي على هذا التعبير !! يكفيك الحديث المروي في النسائي (إني أحرجكم حق الضعيفين المرأة واليتيم)

,
,

كل إنسان له مساوئ ومحاسن

وليس كل الرجال قساااه ولا كل النساء لطيفات

هناك مجتمعات النساء فيها قساااه والرجال لطيفون والعكس

فهذا الشيء لايمكن تقييده أو تغييره إلا عن طريق الوازع الديني

الذي يأمر بالعطف وحسن المعاشرة


وفي الحديث : (( اللَّهُمَّ إنِّي أُحَرِّجُ حَقَّ الضَّعِيفَينِ : اليَتِيم وَالمَرْأةِ )) ..

,
,

أخوي
saapna81
عضو متألق

عبرت عما في الصميم فلك الشكر الجزيل أسعدني مرورك المثري تسلم يمينك

بارك الله فيك اخيتي ..

كنا ذاك اليوم نتحدث عن موضوعك الاخر و قلت في نفسي لما تلقين اللوم على المرأة و انها يجب ان تفعل و تعمل من اجل الرجل .. دون الالتفات الى الرجل و لكنك هنا عادلت بين الكفتين ..

بالفعل بعض الرجال المعيشة معهم مشكلة عويصة , و لكن مع الأسف بعض النساء ليس لديهن حل سوى البقاء ..

مع الأسف الشديد ,