|
حبيبتي ما اقدر ازيد شئ،،ما شاء الله الاعضاء وفوا وما خلوا لي شئ..الله يوفقهم لفعل الخير،،
بس حبيت ادعيلك بالهداية يا حبيبتي.. وما دام ان ضميرك يأنبك فهناك أمل تحسن حالتك ومعاملتك لزوجك ان شاء الله،، يا رب يسعدكم ويهنيكم ويهديك لزوجك آمين |
أنا كذا
جزاك الله خير ع ذكر الأحاديث .. انا ماكتبت الموضوع الا لاني محتاجه تشجيع ونصح من ناس اكبر وافهم مني بالحياة الزوجيه .. وطبعاً محتاجه برضو دعواتكم لي بالسعاده مع زوجي وان الله يرزقنا اطفال عاجلاً غير آجل اللهم آميييين كل الشكر مودتي .. |
hermosa
تكفيني الدعوه منك والله .. ماقصرتي حبيبتي كل الود |
استغرب كلامك .....انا احس اني انسانه نكدية !!!!!!!!! .........
النكد شلون صاير .......اللي قاعدة تعملينه .... نكد بنكد .....حرام عليك .... الحل :::: روضي نفسك ... اكبحي على نكدك..... شدي اللجام ..... اتقي الله في زوجك .....قالك بكل صراحة .. " انا تغيرت يافلانه .. انا مليت عنادك وعصبيتك .. اذا قلتلك يمين يمين يسار يسار .. انا الرجال والقوامه لي ." طبعاً للامانه قالها بعظمة لسانه يافلانه تدرين ان كل شي تبينه بسويه لك وبيمشي اللي تبينه بس عطيني جوي وقولي ابشر وسم وتدرين ان اللي تبينه بيمشي بيض الله وجه ... الله يسخرك له ....ويجعلك كما يحب ويرضى ... كلنا تغيرنا بعد الزواج .....اصبحنا كما يريدون ازواجنا .... حاولي الله يصلحك ... |
اختي الغالية ديكتاتورية
مستغربة شيء واحد انك بهذه الأطباع برغم أنك صغيرة بالسن نسبيا :) بالعادة .. عندما تتزوج المرأة بسن متأخر (مثلي) تكون قد عاشت معظم حياتها باستقلالية وعلى نمطها هي وبوتيرتها الخاصة وتتوقع من الزوج أن يماشيها بكل ما تطلبه ! لكن أن تكوني ما زلتي بالثالثة والعشرين ولست قادرة على ان تكوني أكثر لينا .. فهذا ما استغرب انت ماشاء الله عليك واضح انك انسانة مثقفة ومرنه جدا جدا والدليل معرفتك بالكامل لكل عيوبك وتقبلك للنصيحة حتى انك تعترفين بديكتاتوريتك واتخذتي الاسم المستعار منه ! المشكله الوحيدة عندك هي أن زوجك مازال ينظر لك برومانسية الحبيب وينتظر أن تعودي كما كنت قبل الزواج يا غالية الزواج لا يعني فناء الحب .. جااهدي نفسك على أن تكوني له كل شيء . حتى طلبات البيت لا تخليها مثل باقي النساء كأوامر يجب أن تنفذ (بدل أن تطلبي منه ان يجلب لك الاغراض اطلبي منه ان تتنزهوا وانتم عائدون اطلبي ان تمروا على البنده وخلصي اغراضك معه بحب) انا زوجي يكره السوق ، ويكره ان يطلب منه احد ان يأتي بشيء للبيت لكنه مستعد ان يجلس ويسمعني شعرا ويغدق علي بالعواطف يوم كامل بدون توقف :) .. في رجال كذا ! اجعلي الحب هو محور حياتك كلها عامليه بحب.. اطلبي بحب .. تدلعي بحب .. الله يوفقك ويحفظ لك زوجك |
الله يعينك تصدقي وانا اقرأالشيء اللي تسويه بجوزك حسيت بصداع وضغط ماشاء الله كيف زوجك متحمل واضح انه شخصيتك شمالية شرقية وهو جونبي غربياختي انما الحلم بالتحلم
|
اختي الحبيبه
<انما الحلم بالتحلم، والعلم بالتعلم> انتي دربي نفسك على الهدوء والحلم بعطيك مثال عني انا انسانه حاره ابي كل شي بسرعه زوجي اذا طلبته يوديني اي مكان يتمطط وزود على تمططه اذا ركبت السياره ممكن ينزل من السياره وانا فيها يتسبح ويكشخ وبعدين يودينا احلى شي تاخذين بعض الامور ببرود وتجاهل عزيزتي حاولي قد ما تقدرين تدرسين او تتوظفين لانك انتي عايشه فراغ وصاير زوجك تحت المجهر بدل ماتساعدينه ماديا انتي اجمعيها وادرسي مو قصدي لاتساعدينه بس ساعديه انك تخفين لسانك عنه صدقيني الرجال ما ينسى كلامك ومن جد كلامك قوي ويجرح انتي حاولي تستبدلين هالجمل اثناء الغضب بجمل تشجيعيه له تذكري ان الرجال ما ينسى |
سافر معي
يسلم راسك .. حسيتك تكتبين وفيك قهر إخت محبه هذا الإحساس اللي وصلني غاليتي اعرف اني محتاجه اروّض حالي وماكتبت الا ابي شي يساعدني ع التوقف عن الإستمرار بهالأطباع الحااااااده ودي ومنى عيني اكون انسانه اكثر سلاسه .. قلتيلي روضي حالك شلون طيب ؟! من واقع تجربه شخصيه او سمعتي عنها تقدرين تفيديني؟؟ ولاهنتي ع كلامك دعواتك فديتك |
بكر الشايب
إذا انتي مستغربه انا شقول اجل .. انا مع كل الناس أفضل او بالأصح مافيه وجه مقارنه مع معاملتي معاه !! عن صغيره بالسن نسبياً ماحبيت نسبياً منك ههههههههههه ظل شهرين وادخل 23 فأعتبر حالي 23 بس دام المسأله نسبياً لا اجل 22 عمري < كلن على همه سرى اقتباس:
احس ودي اعتمد عليه .. كرهني بنفسي من كثر ماأحس اني صرت مسؤوله ووراه ووراه نبي نروح نشتري نبي نروح نزور نبي نروح نقضي للبيت نبي نتمشى نبي ونبي .. مايقول لا بس مايعرض وماينتبه لأي شي ناقص كذا كل الرجال؟؟ لا ابوي كبير بالسن ومع هذا لادخل البيت لازم بيده شي .. الشي الوحيد اللي قدرت اغيره بزوجي انه بعض الاحيان لما اكون مجهزه عشاء يدق ويقول وش ناقص ؟ اقوله كيت وكيت يجيبهم بالضبط مايزود شي يعني كله بالطلب وبس "مو بخل" بس هو كذا اطلبي يجيك غيره مافيييه .. وانا ابيه انسان حي يعني اعتمد عليه < كني عدت الكلمه !! وعن إسمي دكتاتوريه فإيه علّ وعسى اعقل واصير ديمقراطيه ودبلوماسيه أن تصحو متأخراً خير من أن لاتصحو أبدا < دايم ارددها عقبال مانفذها ادعيلي مشكوره حبيبتي |
هههه خففي مقارنات بين زوجك وبين ابيك الله يطول بعمره
كلنا لو بنقارن بنتعب لكن اسألي الوالدة شكثر عانت في بداية زواجها منه .. بتلقين نفس المشاكل مكرره شوفي يا غالية الرجال على ما تعوديه .. وشوي شوي بيتعود على نظامك وبيتغير بعد الاطفال وزيادة المسؤوليات انا مرة قالتها لي الوالدة.. قالت اذا انا ما عمري شكيت من ابوك وتشوفين علاقتنا مثل ماهي رائعة بنظرك لا يعني انه ما صادفتنا مشاكل ببداية الزواج.. لكن المرأة الشاطرة هي اللي تقدر تحافظ على بيتها وتضحي علشان الحياة تمشي الله يوفقك فديتك |
| الساعة الآن 08:51 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©