|
خطيبي بيزورني في البيت ضروري علموني بشو اسولف معاه لاني انسانه صامته
مراااحب :d:d
ادري يضحك عنوان الموضوع بس وش اسوي محتاجه مساعدتكم خطيبي ناوي يزورني وانا مشكلتي انسانه اميل للسكووت اللي ماله داعي دائما هو اللي ماسك زمام الامور ويتكلم وانا ساكته بليز ساعدوني وش اسولف معه اذا جااني ياليت الرد باسرع وقت لانه بيجيني الليله وارحب بمشاركاتكم حتى لو بعدين عشان استفيد منها مستقبلا |
ممكن مثلا تطبخيله طبخه بنفسك
او تعملي حلويات بيدك وقدميها بطريقة حلوة وأسأليه عن رأيه فيها وأدخلي في موضوع الاكلات اللي بيحبها و الانواع والمحلات و............الخ حتلاقي الوقت ما يكفي من كثر المواضيع الله يسعدك ويهنيكي |
عجبتني فكرة زوجة أحمد كثيرا
أنا بقولك خليكِ طبيعية هو أكيد جاي محضر كلام كتير انت تجاوبي معاه و ناقشيه في أحاديثه ممكن تسئليه عن هواياته , يحي الرياضة ؟ يحب الأخبار ؟ يحب مشايخ معينين ؟ و في أول الجلسة أخبريه انك خجلانة منه و انه لازم يعذرك إذا لم تستطيعي الكلام أو ممكن ترسليها له في مسج قبل وصوله عشان ما يفسرش صمتك بتفسيرات سلبية و ربنا يوفقك |
ماشاء الله تبارك الله
الله يحفظكم ويجمع بينكم على خير ويألف بين قلوبكم اختي الكريمه خليك على طبيعتك هذا طبع النساء قبل الزواج هي ساكته والزوج يتكلم وبعد الزواج هي تتكلم وهو ساكت وبعد عشر سنوات هم الاثنين يتكلموا والجيران يسمعوا:d استغفر الله العظيم دائم اتذكر هذي النكته واضحك عليها:d شوفي اختي الكلام بيجيب بعضه يعني سلامات وطيبون وكيف الحال وكيف الاهل وكيف الوالده اشتقت لها وكيف عملك اليوم ان اشاء الله تمام وخليه يكلمك عن العمل سواء عسكري او ميداني او مكتبي او او واجلسي استفسري عن امور حتى لو انك تعرفيها بس اعطيه فرصه هو يحكي ويشرح وبعدين لما تقدمي له الحلا مع القهوه اسأليه ماهي انواع الحلويات اللي يفضلها وانت احكي عن نفسك من ناحية اللي تحبيه واللي ماتحبيه وشوي شوي تكلموا عن الخطط المستقبليه والكلام يجيب بعضوا يعني بتجلسوا ساعات ماتدرون عن نفسكم والله يوفقكم ويألف بين قلوبكم وان شا ءالله تكون سهره سعيده بالتوفيق |
روح الغالي ما قصرت
وانصحك اختي بقراءة الأذكار باستمرار لانها سبحان الله كما قرات تخفف التوتر |
مالومج انا من احين مجهزه كلام وكاتبته في ( اوراق ) .. عشان يوم بملج جريب اقوله له ..مالومج هذا توتر ت=طبيعي والسوالف بتجيب بعضها ومع انج صامته صدقيني بتتفاعلين دامنه ريلج يحاول يرمس يعني مب ساكت
|
- إذا كنت تريدين أن تعيشي بالرومانسية من أول يوم ... فسأليه .. (( لماذا أخترتني من بين كل البنات ..؟!؟ )) :17::17: - وإن أردت معرفة مستوى تفكيره و بعده نظرته ... فسأليه .. (( ما الذي تسعى إليه من خلال الزواج ...؟!؟ )) :30::30: - وإن أردت معرفة دمه ... وهل هو خفيف :d:d أو ثقيل :29::29: ... فسأليه .. (( ما هو أطرف موقف مر عليك في حياتك ...؟!؟! )) :23::23: إن جلس يفكر فدمه ثقيل ... وإن أجابك قبل أن تكملي السؤال فدمه عسل ... - وأعتقد ان أعمق سؤال قد يكون في مثل هذه الجلسة هو ... (( كيف ترى واقع المسلمين اليوم ... ؟!؟ وما هو المأمول منهم ...؟!؟ )) دمت بحفظ الرحمن .... |
أختي العفوية حلوة أنا أشوف مثل هالمواقف تجي كثير بشكل عفوي
المهم لا تكونين متكلفه أو مقلقه نفسك على الفاضي ،،،،، أسأل الله لك التوفيق |
اسمعي نصيحتي ،، لاتندلقين عليه بعدين يثقل عليك ،، لاتدلعينه واجد بعدين يشوف نفسه عليك ،،، حاولي ماتخلين شي بجيبه اصرفي كل الي عنده علشان مايتزوج عليك ،،، لاتبينين له انك تحبينه ترا والله يتغلى عليك ....
في ذمتك مامر عليك هالكلام من اقاربك او صديقاتك او حتى اهلك ؟؟؟ انتبهي ترا والله العظيم غلط في غلط واكبر المصايب لو طاوعتيهم <<<<< هذي نصيحه مني . الله يبارك لكم ويرزقكم الذريه الصالحه ويوفقك وياه في حياتكم الزوجيه . |
| الساعة الآن 04:49 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©