منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)
-   المطلقات والأرامل والمتأخرات (http://www.66n.com/forums/forumdisplay.php?f=36)
-   -   الرغبه الجنسيه والفراغ العاطفي ... والشيطان شاطر (http://www.66n.com/forums/showthread.php?t=195783)

جوري العتيبي 02-11-2009 04:57 AM

الرغبه الجنسيه والفراغ العاطفي ... والشيطان شاطر
 
السلام عليكم اخواتي الكريمات ...


المطلقات والعوانس ...


جعل ربي يفرجها علينا ويلهمنا الصبروالسلوااااااااان


موضوعي شوي حساس ومافيه بنت ماعانت منه سواء مطلقه ولا عانس


وهاذي هي سبب ازمتنا الا وهي .....


.....الرغبه الجنسيه والفراغ العاطفي ......

في زمنا هذا مانحتاج الرجل بشي موضفات ونسوق ونصرف على نفوسنا ونلبس احلى لبس

لكن فاقدين طعم ونكهة الدنيا وعايشين بصراع نفسي كل ليله والله كل ليله ... نبي الحب والحنان والحضن .

من منا تنكر هالحاجه ؟؟... رغبه ملحه والشيطان شاطر ..

والسؤال كيف نقتل هالمشاعر اذا ربي مارزقنا ؟؟؟؟؟؟؟

بالزواج وكيف نتغلب عن على الشيطان كل يوم ونبتعد عن الحرام قد مانقدر .. انا مطلقه واعاني وكل يوم

اقول اليوم .. من تغلبت على مشاعرها ورغبتها ؟؟؟؟؟؟ وش تسون ؟؟؟

وشلون تقهرون الهم والحزن وتتفائلون ولا تهتمون امام المتزوجات ولا تبينون الغيره والحره اللي بقلوبكم ؟؟

نبي نتكلم عن مشاعرنا بكل شفافيه وادب واحترام .... عن موضوع حساس في منتهى الحساسيه


محبتكم الجوري

asali 02-11-2009 04:59 AM

الصلاة تنهى عن الفحشاء والمنكر

جوري العتيبي 02-11-2009 05:12 AM

ولا حد يقول انا مانصلي ولا مانقرأ القرآن لا لا لا نصلي ونقرأ والحمد لله لكن هاذي رغبه ملحه عند البشر

وتتفاوت عند النساء فيه اللي ماتهتم وفيه اللي ميته على رحية الرجل ...

ورجاء كل الرجاء مابي ولا متزوجه تعلق على موضعي ...

حديث الوقت 02-11-2009 05:25 AM

وعليكم السلام ورحمة الله وبركاته

أختي

هل طلاقك من زوجك كان فيه صرعات وأختلافات ومشاكل وهل زوجك كان سيئ في عشرته معك ؟

البعد عن الله يحصرك في هذا التفكير .قوي علاقتك بربك تهون حالتك .


asali 02-11-2009 05:28 AM

اقتباس:

المشاركة الأصلية كتبت بواسطة جوري العتيبي (المشاركة 2270303)
ولا حد يقول انا مانصلي ولا مانقرء القران لا لا لا نصلي ونقراء والحمد لله لكن هاذي رغبه ملحه عند البشر

وتتفاوت عند النساء فيه اللي ماتهتم وفيه اللي ميته على رحية الرجل ...

ورجاء كل الرجاء مابي ولا متزوجه تعلق على موضعي ...


عزيزتي أنا مريت بمرحلة الطلاق .......... وهذا زواجي الثاني ؟؟؟ عقبالللللللللللللللللللللللك يارب :14:

يعني يمديني أعلق ؟؟؟
.
.
عزيزتي إذا وقتك بالكاااااامل مشغول فماراح يكون هذا التفكير مسيطر عليك ....
.
.
عندك حياتك العملية والاجتماعية ... أشغلي وقتك بالرياضة و حضور دورات ..... عززي صلتك بالله وربي تنشغلي عن هالأمور هذه ... أيضا ممارسة هواياتك أو الأمور محببه لك ..
.
.
لا تزعلي من ردي ..... الله يوفقك ويسعدك ويرزقك الغني الصالح ^_^

جوري العتيبي 02-11-2009 05:56 AM

بالعكس ماني زعلانه واخت وعزيزه ... و أسأل الله العظيم ان يديم عليك السعاده ويوفقك ولا يعكر صفوك ...

وعقبال كل البنات يارب .. لكن اللي ايده بالماي مو مثل اللي ايده بالنار .. والله يبعدنا عن النار وعذابها

asali 02-11-2009 05:59 AM

اقتباس:

المشاركة الأصلية كتبت بواسطة جوري العتيبي (المشاركة 2270330)
بالعكس ماني زعلانه واخت وعزيزه ... واسال الله العظيم ان يديم عليك السعاه ويوفقك ولا يعكر صفوك ...

وعقبال كل البنات يارب .. لكن اللي ايده بالماي مو مثل اللي ايده بالنار .. والله يبعدنا عن النار وعذابها


................................ ربي يفرح قلبك ولا يكسر لك خاااااااااااااااااطر أنتي ودانتيل وبنت مكة وكل البنات .....
.
.
أحبكم في الله

حديث الوقت 02-11-2009 06:06 AM

أختي الفاضلة

جوري


الرغبة الجنسية:هي عبارة عن طاقة تنشط عند الأنسان إما بالتفكير والتخيلات أو بأي مثيرحوله يحفزه
للأستسلام لهذه الرغبة الملحة .

لكن إذا أشغلتي وقتك بأشياء أخرى وأبتعدتي عن التفكير في هذه الغريزة ، وقمتي بأي نشاط محبب لك

ولا أدري أعتقد أن صدمة الطلاق ومعاملة الزوج السابق التي كانت بلا شك سيئة معك تكفي لقتل هذه الرغبه عند تفكيرك بها ، فكري كيف أنه كان سيئ يخرجك هذا التفكير من الحالة بسرعة وقد يعطيك شعور بالندم
وأعود لأقول أن هناك أمور كثيره في الحياة أذا أهتميتي بها كثيراً لن تصبح هذه مشكلة عنك ولن تشعرين بهذه الرغبه لأنه لن يكون لديك الوقت الكافي لتفكير بها .
وقبل كل شي تقري من الله وأطلبيه أن يغنيك الحلال عن الحرام ويبعد عنك الشياطين التي توسوس لك من خلال هذه الرغبة .

اسأل الله بمنه وكرمة أن يرزقك الزوج الصالح الذي يعفك ويسعدك أنتِ وجميع بنات المسلمين في كل مكان عاجلاً غير آجلاً

آآآآآآآمين

.

dant!L ~} 02-11-2009 06:21 AM

اقتباس:

المشاركة الأصلية كتبت بواسطة asali (المشاركة 2270332)

...................................... ربي يفرح قلبك ولا يكسر لك خاااااااااااااااااطر أنتي ودانتيل وبنت مكة وكل البنات .....
.
.
أحبكم في الله



اللهــــــــــــــــــــــــــــــــــــــم آمين ..


والله فـرحت يوم شفت دعـوتك .. الله يسعدك يالـغلا ..


::



ينت عمــي { جـوري العتيبي ~


ياهـلا وياغلا ..

بقـووولك وش اكثر شي اتمنـاه بجد ...

اتمنى اذا قمت من النـوم الاقي جنبي شخص احبـه ويحبني .. انسـان يملى علي حيـاتي ..

بالعـربي ابي احس بأنوثتي معاااااااااااااااه ..

ابي اتـزوج زيي زي اي بنت .. ويكون عنـدي بيتي .. ومهتمه فيه وفي نظافته لأني عارفه انه راح يجي
انسـان غالي علي .. واشتااااقله ..


لو بكتب ماراح اخلص ..

كيف ابعـد هالشي من تفكيري .. وابعد احلام اليقظه من راسـي ..

!!

املي متعلق .. والله ياجوري متعلق فوووووووووووووووووق بربي .. عندي حسن ظن بالله عجيب

احب هالشي فيني ..

اقول لنفسي تزوجت وتحقق حلمي او ماتزوجت !! هذي ارادة ربي !

طيب ليش اقعد اغـرق نفسي بالأفكـار .. والهم .. خلاص انا اسـوي االي علي ادعي الله قد ماقـدر ..

ان الله { يغنيني بحلاله عن حرامه ~

وغير كذا اشتغل بمشاريعي او ادور لي وظيفه او عالنت .. او اطلع اشوف بنات خالتي ..

يعني احاوووول اضيع وقتي بس بشي مفيـد يونسني ..

والله احس بالرضا صح احيـان اقوول ياليتني متزوجـه .. نفسي اطلع مع زوجـي نتعشى وننبسط
ونسافر ونربي اولادنـا !

بس اقول ربي مخبي لي شي حلوووو .. وكل تأخيره فيها خيره ..


غلاتـي ..

لو بنقعد نغرق انفسنا بهالشـووق للزوج .. وحبنا للحضن .. صدقيني بنتعب تعب مو طبيعي !!

ماراح نحل المشكله بالعكس نعقدها .. اكثر ...


::

ان شاءالله اكـون افدتـك بكلامـي .. لو شووي ..

ورود وفل ويـاسمين ... من هنــا لبيتكم ...


::

جوري العتيبي 02-11-2009 06:45 AM

لبا عينك يابنت عمي ... ردك حلو وماتتصورين شلون انا اللي انبسطت بكلامك

بصراحه انا كل اللي حولي متزوجات وشي حلو اني القا اللي له الرغبه بنفس مشاعري

انا كل ماقول لو عندي زوج كلن ينقد على ويمسخرني ..

احمدي ربك ... انتي مرتاحه ... انتي تروحين وتجين ... انتي ماحد يذيك بالطلبات ...

وامور كثيره وادري انهم كذابات ويبون يهونون علي يمكن عشان ماحسدهم وهن كل يومين رايحات وجايات ومسافرات

وانا الله يرحم حالي ... ساعات انقد على نفسي ... واقول اي صح شبي بالعرس لكن من ادخل غرفتي

احس بالوحده القاتله .. والليل طويييييييييييييييييييييل .. والفكر شغال ... اتعب حيل واحيانا ابكي والهوايات

اللي تقولون عنها نمارسها بالنهار بس الليل وشلون نقضيه ... وحده خوف من الجاي مصير معلق بيد الله

محد يدري وش الله كاتبله لكن عساها خيره يالغلا ...ويمكن ربي خاش لنا الزين ...وكل تاخيره وفيها خيره ..


الساعة الآن 09:55 AM.

Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©