|
مصير الهم يترحل وأعيش بدنيتي مسرور [صوتيات سمير البشيري]
- أطلق المنشد سمير البشيري البوم أجامل العام الماضي تم تدشين الالبوم في قاعة المقصورة في احتفال عام و حضره مجموعة من الجمهور والشخصيات العامة ومنهم : لاعب نادي الهلال احمد الفريدي و لاعب نادي الشباب عبده عطيف وانشد في الحفل ثلاثة من اناشيد الالبوم : أجامل ، قدها وقدود ، ياصلاتي في هذا الموضوع اخترت 4 من اناشيد الشريط اشارككم فيها - |
[ أجــامــل ] شعر : بدر القبيان أجامل وابتسم وأضحك وأنا في داخلي مقهور أحاول أكتم أحزاني ورى صدري وأخبيها أحاول أكتم همومي وأخبيها وأنا مجبور و أحاول قد ما أقـدر أبعد عـن حراويها لو إني كنت بانطقها مع إنها واقفة بالزور و لكـن لازم أكتمها ولا أبيّـن معـانيها ولو بعض البشر تدري وتكشف خافي المستور أببلش في شمـاتتها وابتعب من حكاويها طبيعة ماتفارقهم طبيعة من قديم عصور ورا حكي القفى تطرد وتنبش في خوافيها وإذا طاح الرجل مرة وصار من الزمن مكسور تجيله طعنة بظهـره تفاجـأ ما درى فيها تفاجئ ما درى باللي بيصير ومن وراه يدور وخابت هقوتـه فيهم بعد ما كـان هاقيها لجل هذا كتمت الهم في صدري وأنا معذور همـومي في وسط قلبي أخبيها و أخليها وإذا زاد الحزن فيني كأني بعالم مهجور كأني بدنيتي وحدي و كل الناس جافيها مصير الهم يترحل وأعيش بدنيتي مسرور مصير الهم ينساني ونفسي مـا يعنيها مصير القلب لو يظلم يجي يوم ويشوف النور مصير الناس تتبـدل و تتغير مـماشيها و لكن باكتم همومي وأخبيها وأنا مجبور وطبع الهم ما يهنا بغيـر ضلوع راعيها http://img84.imageshack.us/img84/4622/uploading.png [ يا صـلاتي ] شعر: خالد العتيبي انتِ أغلى من عرفتـه في حيـاتي و انتِ أسمى من حضني واحتويته وانـتِ يلي كـل ما يَبْسَت لَهـاتي في زمـاني وابتـلاني و ابتليتـه و انقفل باب الرجـا و المقبـلاتي ما بقى إلا انتِ على الدنيا وجيـته يا صـلاتي ريحيـني يـا صلاتي هـني اللي في ضلوعي ما قويته و أغسلي مع دمعة العينُ و سُكات و ما عرفت و ما تركت وما كنيته آدمي و الخطـايـا بعـض ذاتي ذنب أدري به و ذنبٍ ما دريتـه وإن ذكرت الي حداني عن مِباتي عَز ملكـه و العظيم اللي خشيته كنّ تحتي جمـر وتكِظ عبـرَاتي من حيا و اليا دريت إني عصيته لين أكبر و استغيثه عـن ثِباتي بين باسم الله وراسي لا حنيتـه يا صلاتي كـل حـي لَلمِــات والكِفَـن ما يستره و القبر بيته ليتك آخر مـن عرفته في وفاتي لا ارتخـت سبـابتي مما لقيته والحياة أمست رسـوم الذاريات وانهدم فَي الفانية صـرح بنيته يا صلاتي و اذكريني يا صلاتي لا نساني بالبِكـى من لا نسيته http://img84.imageshack.us/img84/4622/uploading.png - |
[ قدها وقـدود ] شعر: حامد زيد أنـا ربتني الدنيـا على جـزل العطـا و الجود ونفسي للوفـا و الطيـب وفعل الخـير جزامه وأعارض منهج الهابط و أوافق للصعود صعود و أسيّر نفسي بـعقلي مـدام النفـس هـدامه أعايش مركب الدنيا على متـن الأمل مـولود أبعـرف هو صحيح إنّ الأمـل بالناس دوّامه ؟ و من ويـن الزمن مقبل وإلى وين الليالِ تقود ومن في هـالزمن يقـدر يوجّه خطـوة أقدامه ومن لـه بالزمن غاية ومن عنده هدف منشود و من منّـا قدر يعـرف خفايا مقـبل أيـامه ؟ لقيـنا بالعرب حاسد, وشفنا بالعـرب محسود وبه ناسٍ لنـا ضامت ، وبـه بالناس منظامه و ينقص بعضنا خوّه وـينقصنا وفـاء عهود مـدام إن الحسد بـاقي وبعض الناس نمـامه و أقابل خطوة بخطوة و جازي بالصدود صدود تناسى غلطة الصـاحب عليك بلحظة اخصامه نبي نصبر على الدنيا قلـوبٍ بالحياة زهـود مدام إنّ البخـت عيّت تـوّفق رمية سهامـه وأنـا ما قلتهـا راجي ولا أطلب بعدها مردود و لكـن الفتى ودّه يحـقق جملـة أحــلامه صحيـح إني صغيـر السن و لكن قدها وقدود وأنا عندي مـع الدنيا مـواقف ترفع الهامـه http://img84.imageshack.us/img84/4622/uploading.png [ رضاهم جنة ] شعر: محمد القثامي يا راجي رحمة المنان يا طــالب جنـة الغفران رضاهم جنة واسمعني رضاهم من رضى الرحمن أبوك إيديه بك ترقى يكــد و يتعـب يشـقى على شانك ومن شانك ولأجـلك شيد البنيــان وأمك غيمها ماطر و ورد كفـوفها عــاطر ومع هذا العطا كله كستـك العطف و التحنان تذكر بيض أياديهم ولا تنـسى تـفـانيـهم ودمع عيونهم لا غبت و أمسى جفنهم سهـران تغانم دعوة منهم ولا تبخــل أبـد عنهمم وعاملهم بلطف ولين وجازيهم صبر وإحسـان وش الدنيا بلياهم عسى الرحمـن يرعاهم سعيد الحظ هم حوله وفـاقدهم شكا الحرمان وما دام إن برهم واجب ولا عن حقهم حـاجب نبي نرفع شعار البر ونبقـى للوفـا عنوان عسى الرحمن يرحمنا و أبنانـا تبـر بــنا جزا ولا الجزا الأكبر نعيم الخلـد والرضوان http://img84.imageshack.us/img84/4622/uploading.png - |
قصائد رائعة والإنشاد أروع
بارك الله فيكِ Reemona |
جزاكم الله خير والانشودة الاولى اعجبتني كثيراااا
بارك الله فيك واتمنى ان يتم تغيير لون الخط لانة باللون الابيض ويحتاج الى تظليل |
منادي
درة الخليج شاكرة لمروركم بخصوص اللون ، بالاساس توجد خلفية غامقة في كل مشاركة انتظري ظهورها حتى تظهر الكلمات بشكل تلقائي |
مررت من هنا لأسجل لك وقفة اعجااااب وانبهار بجمال مواضيعك وروعة طرحك
واتقانك اللامتناهي بسم الله تبارك الرحمن في طرحك للمواضيع مبدعـــــــــــــة وصدقاً انتِ يا ريمونا تتعبي من بعدك .. فلا مجال للإبداع بمستوى ابداعك حفظك الله أينما كنت .. وأسعدك بما تتمني .. وأدامك بصحة وعافية ورضا من ربي |
جزاك الله خيرا
فعلا ألبوم أجامل قمة في الروعه من حيث الكلمات والمعاني والأداء الله يسعدك حبيبتي |
cute_baby كلام كبير وانا ماسويت شي وصدقيني فيه افضل مني بكثير بس لو يتشجعون و يشاركون بتشوفينهم ندى_1406 ويسعدك يالغالية |
الله يجزاك خير ..جاء الموضوع بوقته ..الاسبوع الماضي سمعت مقطع من انشودة يا صلاتي في توقيع فلاش واعجبتني كلماتها ..
واليوم لقيتها هنا كاملة .. أما انشودة اجامل رااائعة وتصف حالي دائماً :( وإذا طاح الرجل مرة وصار من الزمن مكسور تجيله طعنة بظهـره تفاجـأ ما درى فيها تفاجئ ما درى باللي بيصير ومن وراه يدور وخابت هقوتـه فيهم بعد ما كـان هاقيها |
| الساعة الآن 11:52 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©