|
الخادمة وقمل الرأس
السلام عليكم
جائتني خادمة قبل مدة 6 شهور تقريبا .. الخادمة هذي ما تمسك عيالي ابدأ .. جايبتها فقط للغسيل والتنظيف بحكم اني امرأة عاملة + حامل المهم .. احيانا بنتي تروح تلعب معاها .. بنتي صغيره عمرها 3 سنوات .. وهي تروح الروضة في مرة من المرات وانا امشط شعر بنتي صعقت لوجود القمل في رأسها ..خصوصا ان بنتي تتحمم يوميا .. وبديت اهوجس انها نقلت لي انا بعد المهم جبت الشامبو الخاص بالقمل .. استخدمته لمدة اسبوع كامل .. طاح جزء كبير من شعرها مسكينة من قوة الشامبو .. استخدمت الخل الاسود كمان و زيت الزيتون لي لاني ما اقدر استخدم الشامبو طبعا انا كان لازم اعرف مصدر القمل .. شكيت انها جابته من المدرسة .. او من الشغالة .. لانه عمرنا ما قد جانا قمل قبل كذا كلمت الشغالة .. ومراعاة لمشاعرها قلت انه احنا اشترينا شامبو للكل لازم نستخدمه لانه اكتشفنا في شعر بنتي القمل .. ما حبيت اوجه لها اتهام خصوصا انني مو متأكدة المهم هي اعترفت بعدين انه في شعرها قمل .. طبعا هنا بغيت اصفقها بس تمالكت اعصابي .. عطيتها الشامبو .. والزمتها بغطاء الراس .. هي كانت اول رافضة تلبس لانها تشوف شغالات اهلي ما يلبسون وتبي تسوي مثلهم بدينا العلاج في بنتي .. اختفى القمل من شعرها الحمدلله في غضون اسبوع .. الشغالة ما فتشتها برضه احتراما لها بس عطيتها الشامبو ووريتها وشلون تستخدمه مع انه اللي شفته في بنتي كان بس قملة واحدة لكن اخذ شعرها اسبوع لين تنظف .. واشوى اني اكشتفته بدري الاخت الشغالة جاية من ثاني يوم من استخدام الشامبو تقولي خلاص راح من شعري .. قلت لها مستحيل كملي اسبوع على العلاج .. بس الظاهر انها كانت خايفة على شعرها وما كملت . الحين بنتي مأجزة من المدرسة وانا على وشك ولادة .. وادعوا لي بالفرج .. رحت لبيت اهلي .. طبعا الشغالة رجعت شالت غطا الراس حقها .. وكل ما اقولها غطي شعرك تسوي نفسها ما تسمع انا من هذاك اليوم وانا افتش شعر بنتي بشكل دوري .. المهم الان اكتشفت اني في شعرها صيبان على الرغم من انه تنظف في العلاج السابق 100 % معناته مصدر العدوى مازال موجود .. وهنا ما يحتاج التخمين .. الشغالة يعلم الله بحالتي والله اني في الام نفسية وجسدية بسبب الولادة .. وقاعدة انظف شعر بنتي من جديد الحين بعد السالفة الطويله اللي فوق 1. وشلون اتعامل مع الشغالة .. كيف اتأكد انه شعرها نظيف ؟؟ انا كان ممكن من البداية اني فتشت شعرها من نفسي لكن دايم اقول احتراما لكرامتها لا يمكن اسوي كذا هل مثلا ارسلها طبيب الجلدية يتأكد ..هل ممكن يقبل حالات زي كذا ؟؟ 2. وش اسوي في بنتي .. والله اني تعبانة الطلق يروح ويجي وما عدت اقدر انظفها .. هل في علاجات معينة ممكن استخدمها .. انا ما شفت في شعرها هالمرة قمل بس صيبان .. هل معناته انه في قمل بشعرها ؟؟ والله انها تنرحم صاير جزء كبير من شعرها مصلع بسبب الشامبو ادري طولت بس ما استغنى عن ارائكم شكرا |
أختي
ارحمي شعر بنتك ، لا تحطي لها الشامبو إذا كان يضرها نفسي أفيدك ، بس لو إني مكانك ممكن أقول للشغالة يا تلبسي الطرحة يا تقصي شعرك و السبب إنك خايفة على بنتك ، لإنه ممكن ينتقل لك و تخيلي شكلك قدام زوجك و في شعرك قمل ؟؟؟؟ |
والله انك صادقة ياروح الطير
خصوصا اني ما اقدر استخدم اي علاح لاني حاليا حامل وبحول الله ساكون مرضع في غضون ايام تخيلي في الاسبوع اللي انصابت في اخذت اجازة من العمل ..ماقدرت اروح خفت لايكون في شعري شي ,, بس هل تعرفي اذا طبيب الجلدية ممكن يستقبل حالات زي كذا ويأكدلي اصابتها ؟؟ شكرا لتجاوبك :) |
أختي
أفتكر مرة و نحن صغار ، أختي هي الوحيدة جاها قمل من المدرسة ، من زميلتها اللي جنبها في الكرسي أمي تفاجئت من جددددددد و خاصة إنه أمي مرة تهتم في النظافة و كذا أمي جربت كل شئ و ما نفع اخر شئ - لا تضحكي - جابت بفبف و رشته في شعر اختي - و المشط اللي مرررررة أسنانه رفيعة قامت تمشط شعر اختي و تتروش على طول و راح من بعدها و الحمد لله و لا عاد شفناهم ؟؟؟؟؟ هذا اللي أعرفه ؟ : ( |
الله يعطيك العافية ما قصرتي .. جزاك الله خير
|
السلام عليكم ورحمة الله
حبيبتي ربي يقومك بالسلامة ويحفظك لبنتك ولأهلك يارب سمعت مرة مختص بالطب البديل تكلم عن علاج للقضاء على القمل وبيوضه في خلال 3 ايام باستخدام اليانسون وذكر ان مديرة مدرسة ابتدائي اتصلت به ليعطيها علاج لانه انتشر في المدرسة بين الطلاب ووصفلها الطريقة وتم القضاء عليه . وذكر ان إمرأة كان في شعرها لدرجة ان الدم يخرج من كثر الحك والفروة التهبت واعطاها نفس الطريقة واستمرت عليها حتى التئمت الجروح في الفروة وتخلصت من كل القمل والصيبان بشعرها . جربيها وان شاء الله تتخلصي منه نهائياً واعطيه للخادمة ايضاً تستخدمه وقولي لها هذا علاج لكِ استمري عليه على الاقل 3 ايام متتالية وانصحيها ان هذا لسلامة شعرها وان شاء الله ربي يسهل وتنجح الطريقة كما ذكر المختص . |
اقتباس:
جزاك الله الف خير اختي نور الايمان وبارك فيك رح اشتري زيت اليانسون اليوم من الصيدلية واجربه |
ايضاً نسيت اذكر الطريقة وهي اما بغلي اليانسون والانتظار حتى يفتر وغسل الشعر به او بنقع اليانسون على الاقل 12 ساعة ثم غسل الشعر به وبعد ذلك دهن الفروة بزيت اليانسون . اي انه لابد من غسله بمغلي اليانسون او منقوع اليانسون ومن بعدها دهن الفروة بالزيت لمدة 3 ايام خاصة وانه في بنتك ما زال بالبداية فالقضاء عليه بإذن الله سهل . وربي يحفظكم من كل شر يارب
|
انا مريت بنفس وضعك حامل وبنتي جاها القمل من الشغاله ولما تاكدت انو منها واجهتها وانكرت وقلت لها افتحي غطا
شعرك وطلعت لها قمل من شعرها وقلت لها هذا اييييش من القهر وسووت نفسها مستغربه وتقوول ياالله نرفزتني وجبت لها شامبو سنان معاه مشط خاص تحط الشامبو وتمشط فيه بالحمام مع الشامبو وطبعا لازم تخليه وقت على شعرها .. ونفس الشئ لبنتي بس هالشامبو ما سبب تساقط وكان آآمن علي انا في حملي بس احاول اتجنب اشم ريحته وبعد اسبوع رجعت فتشت شعرها وتقول هيه خلاص مافي وقلت ارجعي استخدمي لانه مليان صيبان الين خلصت الشامبو كله والله فكنا منه وبلا كرامه والا غيره هذا وبااء اذا انتشرر مايروح بسهوله اخاف بكره ينتقل للطفل الجديد وتصير لك سالفه انتبهي والله ييسر وولادتك على خير وتقومي بالسلامه انتي والبيبي في حفظ الله ورعايته |
اخر شئ - لا تضحكي - جابت بفبف و رشته في شعر اختي - و المشط اللي مرررررة أسنانه رفيعة
قامت تمشط شعر اختي و تتروش على طول و راح من بعدها و الحمد لله و لا عاد شفناهم ؟؟؟؟؟ هذا اللي أعرفه ؟ من الخطير جدا يا اختي استخدام المبيدات الحشرية علي الجسم لانها تمتص عن طريق الجلد و قد تسبب التسمم لا قدر الله امي رحمها الله ايضا استخدمت طريقة مشابهة و لكن لم تكررها عندما علمت بمخاطرها استعملي الشامبو او لا اعرف ان كانت توجد لديكم لوسيونات من خلاصة البايريثرام تدهن بها الشعر بطوله و فروة الراس ثم تشطف بعد 45 دقيقة و يمشط بعدها الشعر بمشط ضيق بعد 5 ايام يمشط الشعر و هو مبلل بمشط ضيق و مرة اخري بعد 8 ايام من المعالجة و يمكن تكرار المعالجة بعد 15 يوم ملحوظة اخيرة الاصابة بالقمل لا يمنعها الغسيل او النظافة اي انها ليست مرضا ناتجا عن القذارة و انما هي عدوي طفيلية يلزم للقضاء عليها العلاج المتزامن لكل المخالطين و غسيل المفروشات و الالعاب كالدببة و غيرها بماء ساخن اكثر من 45 درجة |
| الساعة الآن 02:05 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©