|
افضل ماكينة حلاقه؟
السلام عليكم ورحمة الله وبركاته
اخواني ابي اخذ رايكم في احسن ماكينة حلاقه انا عجبتني براون سيريز 7 لانها جديده والكل يمدحها و لما تنحط عالشحن اتنظف لوحدها بس طلعت تحلق زيرووو و زوجي يبي ماكينه زينه لنص حلاقه يعني مو زيرووو أرجو انكم فهمتوا قصدي و ارجو ان تضعوا صور للماكينه اذا امكن اكتبوا لي اسم الشركه و اسم الماكينه مثلا براون - سيريز 7 |
بالنسبة لي انا احلق لحيتي في البيت ولسنوات وعندي خبره كافية المكاين
وبصراحة استخدم 4 مكاين حلاقة 1مكينه تحديد الحية 2مكينة تخفيف اللحية 3 مكينة على شكل قلم لتحديد الشارب واللحية ايضا 4مكينة التنعيم عندي البراون سيريز 7 .. نبدأ في البراون سيريز 7 .. مكينة التنعيم استخدم هذه المكينة لتنعيم منطقة الرقبة ومنطقة الخد بحكم ان بشرتي حساسة فا أفضل هذه المكينه http://www.pghongkong.com/en-US/Cont...o_cc_MN(1).jpg بصراحة رووووعة لكنها غالية جدا سعرها اكثر من 1000 درهم اماراتي .. ومعاها غسالة .. وهي جيدة للبشره الحساسة .. ولازم كل شهرين تشترين علبه فيها سائل دواء لها .. افضل انك تاخذي للتنعيم سيريز 5 لانها ارخص بكثير وهذي صورتها : http://ecx.images-amazon.com/images/...500_AA280_.jpg نأتي للمكينة القلم .. ماركة ويلا : هذا النوع من المكائن كأنه موس وهي خاصة للاماكن الصعبه وحقها 175 درهم جميلة جدا للتحدي اسمها WELLA HAIR LINER .. جملية لكنها ليست ضرورية جدا واما مكينة التخفيف . فأفضل نوع على الاطلاق هي CHROMSTYLE MOSER وفيها درجات ومع رؤوس ايضا صناعة ألمانية .. سعرها لا يتعدى ال500 ريال لكن سعرها فيها .. يستخدمونها الحلاقين لأكثر من 5 سنوات من دون ما تخترب .. وحسبي كم لحية يحلق في اليوم وهذي صورتها : http://www.ccpdogs.ie/images/210-909.jpg واما لمكينة التحديد ايضا نفس الماركة ويستخدمونها اغلب الحلاقين .. وهي ممتازة جدا جدا بصراحة هذه افضل ماركة رأيتها في حياتي http://www.moser-professional.com/pr...hp?mid=19&id=9 لازم اتعرفين الشركة الي يتعامل معاها الحلاقيين اللبنانيين او السوريين عشان تروحين لهم وتشترين من عندهم المكانية لو ماحصلتيها عندكم اتمنى قدرت افيدك تحياتي |
جزاك الله خير اخوي
واااايد افدتني انا لقيت سيريز 7 ب 700 ريال قطري بس سيريز 5 مواصفاتها قريبه من 7؟ وكم ممكن يكون سعرها؟ حوالي كم؟ و هل معاها الغساله؟ و ماكينة chromstyle Moser وين ممكن ألقاها؟ حتى لو في الامارات لاني اول مره اشوف هالماركه و احسها بتعجب زوجي لقيت فيليبس و براون و باناسونك و هالشركات المعروفه |
اختي بصراحة ما اعرف في قطر اذا عندكم محل الي يبيع ال Moser او لا بس اتوقع متوفرة في اماكن معينة فقط
الحلاقيين السوريين او اللبنايين يتعاملون مع شركات توفر لهم هذا النوع من المكاين .. يمكن لو زوجك سأل اي محل راح يدليه لان المحلات الموردة لأدوات الحلاقة محدودة .. او جربي تتصلي على البدالة وتسألين عن محل يبيع ادوات حلاقة .. اذا ما لقيتي .. تحصلينها في ابوظبي عند شركة اسمها شركة غازي .. بالنسبة لل 5 سيريس .. نتيجة الحلاقة نفس نتيجة ال 7 .. لكن ال 7 حق البشرة الحساسة افضل ال 5 ماتكون معاها غسالة وارخص و يقدر يغسلها بالماي العادي .. شوفي كم عندكم فرق السعر مابين ال 5 و ال7 اذا فرق السعر شاسع فانصحك بال 5 اما اذا فرق السعر بسيط خذي ال 7 ولو مثلا بيسافر مكان راح يضطر ياخذ ال 7 وغسالتها .. ولازم كل شهرين يشتري لها دواء خاص لها من محل براون اذا عندك اي سؤال ان شاء الله اقدر افيدك تحياتي |
الصدمه :29:
زوجي في نفس اليوم اللي كتبت فيه الموضوع اشترى ماكينه جديده باناسونيك و امس في الليل تذكرها و طلعها من السياره انا انبطت جبدي شوي لاني كنت ابي ايبله هديه المهم الحين افكر اخذ له للتنعيم سيريز 5 لانه بشرته عاديه و الماكينه عمليه للسفر السؤال: هل سيحتاج شي آخر؟ غير هالماكينتين؟ تخفيف و تنعيم؟ يبيله تحديد؟ و لا مب ضروري؟ (على فكره صورة ماكينة التحديد ما طلعت و لا صورة ويللا هير لاينر) و مشكور اخوي عالرد |
عالبركة .. يمكن يرتاح لها
نعم ضروووري التحديد ..عشان يحدد المنطقة الي تحت الرقبة واذا تبغين تاخذين وحدة زينة ترى سعرها غالي يمكن يتعدى ال 300 ريال لازم تشوفين محل خاص لأدوات الحلاقة وغيره عندكم .. لان هذول المحلات يبيعون افضل انواع المكاين واهم شي ان الصناعة تكون ايطالية او المانية .. افضل من الصيني الي مايعمر كثير .. في مكينة تحديد من بانا سونيك بعد حلوة ما اتذكر اسمها وسعرها على ال 300 ريال ان شالله تلقينها تحياتي |
ما قصرت اخوي و جزاك الله خير
|
شكرا لك الفهدي
معلومات مهمه صراحه من زماااان بخاطري املك الشجاعه و احلق بالبيت :( |
اقتباس:
والله على حسب اللحية بعض الشباب لازم يحدد القفل والشنب فى لازم يسوي هالحركات عند حلاق انا احدد واسوي كل شيء في المكينة السبب اني اريد اخفف لحيتي على مستوى معين وعشان تكون لحيتي نفس هالمستوى لازم اروح الحلاق كل 3 ايام او 4 ايام اشتريت نفس مكاين الحلاق وبديت احلق في البيت واتفنن بعد والحين انا كملت 5 سنوات وانا احلق في البيت تحياتي |
| الساعة الآن 01:31 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©