حال أهون من حال.. الحمد الله رب العالمين
 

اليوم كان عندي موعد مع الشيخ..

وأنا جالسة بغرفة الإنتظار بجنبي وحدة ومعها بنتها يمكن عمرها 3 سنوات.. أشوف يدينها ذبلانة جسمها نحيف مرة

كل شوي تمسك يد بنتها وتبوسها!

قالت لي.. وش فيك ليه جاية للشيخ؟ << توهقت انا :30:

قلت: تعبانة شوي

قالت.. أنا مريضة بالسرطان

(أكثر شي يخوفني بهالدنيا هالمرض خصوصا سرطان الثدي صرت كذا:24: )

سبحان الله ابن آدم عجول لما كان عمري 25 كنت ابي اتزوج ومنقهرة من نظرات الناس ومتعقدة من الحياة

وياليتني ماتزوجت كان جاني السرطان و مرضت ولاخفت ولاوراي هالبنت اللي كل ماشفتها أتحسر

وتمسك يد بنتها مرة ثانية وتبوسها! << والله ضاق صدري عليها كثير الله يشفيها


كانت حياتي كلها تفكير بالزواج وربي رزقني بواحد تتمناه كل بنت والحين جاني المرض واستئصلو الثدي وجاني مرة ثانية

(ابي أي كلمة اهون عليها ماقدرت خانقتني العبرة واحس مهما قلت ماراح تأثر عليها!)

الحين تصدقين استحي اجلس قدام زوجي جسمي تغير وبشرتي غمقت ومعد أهتم بنفسي.. حرمته من حياته توه شاب عمره 32 وانا 29
من حقه يعيش ويتزوج

احمدي ربك على حالك أكيد انا أشد منك واقتربي له بالأعمال الصالحة ترى الدنيا زايلة من يصدق وين أفكاري قبل اربع سنوات وين الحين

انا الآن أموت ببطء تدرين ماعندي شعر :30: ولاشعر حواجب

اجلس عند زوجي بطرحة ولاحتى انام معه انا رافضة مع انه بحياته ماقال شي بس كرامتي ماتسمح لي

هورجال بيتزوج بينساني بس هالبنت قطعة من احشائي وش ذنبها؟ بكرة عندي جلسة كيماوي وبتعب مررة شايلة همها

نادو علي واستأذنت منها ودعيت لها ومشيت وقلبي معها..

الله يكفينا شر الدنيا الله يشفيها ويعافيها يارب

جلست افكر بحالي اللهم لك الحمد بصحة وعافية وبين اهلي ومع ذلك تجيني ساعات احس الدنيا صاكة بوجهي وأحس اني انا الوحيدة بهالدنيا محرومة

اقول بنفسي انا الآن بنعمة اني اقترب من ربي وأعمل لآخرتي

اكيد هذي تجيها فترات تبي تصلي وهي واقفة على رجولها ولاتقدر مسكينة

وش مخبئ لنا القدر؟

والله احنا بنعمة الله يتممها علينا

قصه موجعه اختي....لم أشعر بنفسي الا ودموعي تسبقني....الله يصبرها ويرحمها...وينزل السكينه في قلبها....
وفعلا... لا يدرك الانسان كم النعم التي رزقها الله سبحانه وتعالى له...الا عند رؤية مصائب غيره
اللهم أدم علينا نعمه الدين والصحة ...يا أرحم الرحمين
جزاك الله خيرا

ياربي لك الحمد على نعمة العافية ...

انا كمان صارلي موقف ..دايما اكنت افكر بأستاذتي لمن اشوفها ..اقول ماشالله جمال واخلاق ..وزوج واطفال زي القماري...واقول دايما بنفسي ماشالله زوجها ساعدها وخلاها تكمل الماجستير وتفتح معرض بأمريكا...

طلعت مسكينه حالي افضل من حالها باربي لك الحمدلله ..مشاكل مع زوجها وانا اللي كنت افكر واقف معاها ومساندها...وبأخر الفصل الدراسي اكتشفنا انه عندها سرطان بالثدي ...مسكينه والله الله يشفيها


الحمدلله والشكر على نعمة الصحة

أختي الكريمة شوبارد
الحمد لله رب العالمين حمدا يليق بجلال وجه وعظيم سلطانه
ومن شاف مصائب الناس هانت عليه مصيبته
وقد قال الرسول صلى الله عليه وسلم (( من أمن له في سربه وضمن له قوت يومه وعوفي له في بدنه فكانما حيزت له الدنيا )) .
فنعمة العافية والامن وضمان قوت اليوم من أكبر نعم الله على عبده وأي شئ يأتي معها يكون زيادة .
----------------------------------------
اما مرض سرطان الثدي فتستطيع كثير من السيدات اكتشافه مبكرا عن طريق الفحص بعد أنتهاء الدورة الشهري بتحسس أسفل الثدي للبحث عن كتل صغيره )) حسب ما قرأت وذلك حتى تستطيع الكثير من السيدات أكتشافه مبكرا حيث يسهل علاجه .
وللمعلومية أعرف طبيبه سعودية أصيبت بالسرطان في الثدي واكتشفته مبكرا وقد عرضت في التلفزيون وشفيت منه تماما ما شاء الله تبارك الله .
واسأل الله العلي العظيم أن يشفي هذه السيدة ويعظم ثوابها عند الله ولا يحرم طفلتها منها .
--------------------------------------------------------
أختي الكريمة شوبارد أسأل الله العلي العظيم أن يرزقك الزوج الصالح والذرية الطيبة وأن تزوجين كل عيالك وبناتك
تحياتي

الحمد لله على نعمة الصحة..
فعلا..
حال أهون من حال..
يارب لك الحمد والمنة..

أختى شوبارد

مؤلم الموقف ولكن الحمد لله على كل حال 0

اختى أريد أن اضرب لك مثال أرجو ان تتأمليه قليلاً

لو أنك وجدتى صائم يضور من الجوع والعطش وأنت تعلمين أنه بعد

ساعات قليلة سيهنأ بالأجر من الله وألذ اصناف الطعام والشراب 0

سوف تجدي أنك لاتبكي لحاله كثيرا لما سيلاقيه بعد صبره الجميل من نعمه0

وتلك هي حال المرأة بإذن الله غدا ستجد من النعيم مالاعين رأت ولا أذن

سمعت ولا خطر على قلب بشر إن هي صبرت على ماهي فيه ، بإذن الله

وقد يمن الله عليها بالشفاء فتكون قد حصلت على كلتا الحسنيين 0

قصدت بذلك أن لايترك هذا الموقف أثراً محزنا عليك ولا على الأخوات وأن

أذكركن أن الجنة سلعة الله وسلعة الله غالية إلا على من يسرها الله له 0

أسعدك الله وجميع الأخوات برضوانه ويسر لكن الخير بالدنيا والآخرة 0

موضوع ....يعور القلب بس في نفس الوقت فيه الكثير من الخير لك اختي وغاليتي شوبارد ولنا جميعا ..فمن رحمة الله بنا ان يجعلنـــــا في لحظات ضيقنا وحزننا ونفاذ صبرنا انه يعرضنا لمواقف شبيهه بالمواقـــــف اللي مرت بـــــــك اختــــي شوبارد ..عشان نعرف النعمه اللي احنا فيها وغافلين عنها وسبحان الله بعد ما نمر بمثل هالمواضيع نتضايق ونحزن بس في نفس الوقت نفرح لحالنا والنعم اللي ربي عطانا اياه ...وعجبني كلام اخي الكبير جدا .....الله يجزاه الخير خفف عني شوي بسبب حزنـــــي عالقصــــه......


بس بعد يـــــــا شوبارد نبــــــــا نتزوج ونخلف صبيان وبنــــــــات :14: ...ما راح ننسى هالموضوع وبيظل هم على قلوبنا لين ربي يفرجها هذه سنـة الحياة .:) :) .الله يفرج همنا وهم جميع المسلمين........