قولولي ايش اسوي مع ام زوجي؟؟؟
 

كلكم عاتبتوني عندما طرحت موضوع ياانا ياامك وقلتوا اكيد حنختار الام لانها ماتتعوض
وانا معاكم في كده صحيح الام ماتتعوض
بس من جد ام عن ام تفرق
وابغا احكيلكم حكاية ام زوجي هيا حكايه طويله شويا بس بحاول اختصرها
بااحتصار ام زوجي وابوه انفصلوا وهما ماكملوا سنه سبحان الله بس مقدر يجي زوجي في الدنيا
طبعا والدته من يوم ما ولدت رمته عند اهل ابوه وقالت ماابغاه وراحت اتزوجت تلاته رجال بعد ابو زوجي وواحد كانت متزوجته قبله يعني الحصيله خمسه ماشاء الله عليها
المهم عاش زوجي مع جدته وجده الى ان اتوفي جده وبعدين اتوفت جدته وكان عمره سته او سبع سنين تقريبا والى هذا السن امه ولا سالت عنه ولا حتى شافها
بعد مااتوفه جده وجدته راح عاش هوا وابوه عند عمه وابوه مسكين مريض يعاني من تخلف عقلي بسيط
عاشوا في السطوح اللي في فيلا عمه وطبعا ذاق الامرين من عمه وزوجة عمه طبعا بدا يسال عن امه وشافها بس هيا ماكانت تبغاه كانت لاهيه في زوجاتها
وكترة المشاكل في بيت عمه بسبب الزوجه طبعا وراح انتقل هوا وابوه في ملحق وكان وقتها في الجامعه وصار يصرف على نفسه وعلى ابوه من مكافئة الجامعه وامه ولاهي ساله فيه
الى ان اتخرج وكون نفسه وخطبني واهلي سالو عنه لاقوه انسان ممتاز لايدخن ومحافظ على صلواته واهلي يشتروا راجل واتزوجنا وفتحلي شقه على قدنا فرشناها شويا شويا وصرت انا الكل في الكل بالنسبه لزوجي انا وطنه انا حياته انا امه واخته وكل شي
وبعد كده بدات الوالده المصونه تسال عن ولدها دحين بعد ماصار ماكبر وصار عنده بيت وصار عنده راتب فينك زمان لما كان في عز الحاجه لكي
وزوجي مو مقصر معاها في شي
امه حاليا ساكنه مع زوجها في غير البلد اللي نحن فيه
ومن يوم مااتزوجت زوجي عمرها مااتصلت تسال الا وتبغا فلوس
تتصل مره كل اسبوع او اسبوعين تقوله حوللي الف ولا الفين محتاجتهم واحيانا ولا تقوله كيف حالك
تقوله وبدا الاسلوب اقولك انا محتاجه فلوس حوللي بسرعه وطبعا غير بطاقات الشحن اللي امتحنته فيها ولا حتى يسمع دعوه حلوه منها مع انها ماهي محتاجه زوجها ماشالله عنده بس هيا تحب المظاهر والماركات وزوجها مايطاوعها
واذا قلها والله ياامي ماعندي تبهدل الدنيا وتقوله انت تفضل مرتك عليا مع انه والله نحاول ندبرلها الفلوس باي طريقه عشان لاتزعل
بذمتكم هادي ام
زوجي مسكين يشتغل 15ساعه في اليوم في الصباح دوام حكومي وفي المساء قطاع خاص يعني دوامين
ولمن تجي مدينتنا والله ماترحمه تخليه يستاذن من شغله ويسير سواق لها تلفلف في الاسواق
والان في مشكله كبيره حصلت بينه وبين امه وياليت تساعدوني فيها
بعد ماولدت وطبعا جات امهمن السفر يومين عندنا ويومين عند امها
والله مارحمتني وانا ولاده لسه ماخلصت الاربعين كل يوم تجبلي ضيوفهاويجوا يجلسوا عندي للساعه وحده او اتنين ووالله انا االي اقوم اباشر الضيوف ولا تساعدني ولا حتى تقول لوحده من بناتها تساعدني والبيبي تبكي في يدي ولا حتى تشيلها
وانا ماعندي شغاله وهيا عندها بس ماتجيبها لمن تجيني تخليها في بيت امها
اللي يقهرني تقعد تقول لبذورة اخوه كسروا ووسخوا زي ماتبغوا هادا بيت عمكم وواللهي انا اسكت مانطقت بكلمه وانا في داخلي مولعه نار

انتوا طبعا اكيد حتقولوا ليش ماجلستي الاربعين عند اهلك انا مااقدر اترك زوجي جلست بس تلاته ايام عند اهلي ورجعت بيتي عشان خاطر اكون مع زوجي لانه اهلي يتضايقوا من وجود زوجي فتره طويله عندهم بسبب اخواتي
المهم في مره من المرات كانت عندامها واتصلت عليا قالتلي انا جيتك اليوم وحجيب فلانه وعلانه بس هما مايعرفوا البيت قلتلهم خلاص زوجك يرووح يجيبهم بعدين يمر عليا ويجيبنا عندكم سامعه ولالا
كده حتى ولاقالتلي ايش عندك خارجه ولالا تعبانه ولالا ولاكانه بيتي
المهم انا كلمت زوجي قلتله بصراحه انا تعبانه وماعندي استعداد استقبل ضيوف اليوم
كلمها وبكل احترام وادب قلها ياامي ياليت تعتذري للضيوف والله انا تعبان ومرتي تعبانه خليهم يوم تاني
لو تحبي انتي تجي البيت بيتك تجي في اي وقت بس خللي الضيوف يوم تاني
هوا قلها كده جلست تدعي عليه وقفلت السماعه في وجهه والى هادا اليوم ماكلمته
وكل مااقوله كلمها معليش هادي امك يعصب عليا ويقوللي لاتجيبيلي السيره هادي انا اذا جا رمضان حكلمها
بالللهي قولولي ايش رايكم
واسسسسسسسسسسسسسسسسسسسسسسسسسفه على الاطاله

حبيبتي الله يكسبك الاجر ان شاء الله وصدقيني اي شي بتعمليه رح يجلسلك في بزورتك وربي ان شاء الله بيرفعك درجات عنده
شوفي ياقمر استمري على ما انتي اتحملي واصبري والله هادي فرصه وربي سخرلك هيا عشان بكره حريم عيالك يشيلوكي لو ايش ما صدر منك وربي ما رح يتركك طالما بتعيني زوجك انه يطيع امه
بالعكس ياعيوني لا تطاوعيه واجري وراه الين يصالح امه ترى حتى لو كانت الادميه تصرفاتها مي طيبه تبقى امه وواجب طاعتها
وانتي ربي يجعل ذريتك باره فيكي وخليكي ورى زوجك والله يكسبكم ويفرج همهم ويبدل حالكم باحسن حال

والله مو عارفه شو بدي احكي لكن الله يفرج همك يا رب وزوجك المسكين شوفي هو لازم يحزم شوي مع امه حتى تخف شوي يعني ما بصير كل يومين وهيه طالبه فلوس ومبالغ عاليه المفروض تفهم انه عندو عيله يعني لو محتاجه بسيطه لكن مو بحاجه وكمان انه تفهم انه هاد بيتك انتي مو بيتها يعني منيح الي صار مشكله حتى تاني مره تحسبها قبل ما تعزم وبدون ما تسالكم بس اهم شي ديري بالك على زوجك لانه عانى بحياتو الله يصبرك ويسرلك امرك ويحنن قلب امه عليه وعليكي ان شاءالله

اختي لاتنسي الدعاء ترى مايرد القدر الا الدعاء ودائما خلي دعائك ان الله يسخر هذي الام لك ولزوجك ويحنن قلبها عليكم الله يفرج همكم وكربتكم

البر ليس بالمقابله
يعني ليس معنى البر أن تبر بوالديك إذا بروا منك
والسلام

شكرا على كلماتكمالحلوه حبايبي والله ترى كلامكم مره ريحني والله يعطيكم العافيه

اختي انا مثلك اعاني الأمرّين من ام زوجي بس بصراحه ماعندي طولة بال عليها انتي ماشاء الله عليك ربي معطيك الصبر
الله يكون في عونك انتي وزوجك ويهدي لك حماتك يارب

قلبي معاهم اول شي ارحب فيكي عضوه جديده في اسرتنا اسرة عالم الحياه الزوجيه
ونصيحه مني اختي الغاليه احسن شي ترى تسويه مع ام زوجك التطنيش والله ترى مافي احسن منه دخللي من اذن وطلعي من التانيه صدقيني راح ترتاحي وحاولي تكوني رسمي معاها
والله يكتبلك اللي فيه الخير يارب