|
[[آآآه من يطفأ حر قلبي.. اختي وجدوها مع رجل في وضع مخل..]]
.................... السلام عليكم ورحمة الله وبركاتة أبغاكم تساعدوني في مصيبتي بل مصيبت العائلة بأكملها والله ماني عارفة وش اقول وش أكتب من شهور ودي أعرضها عليكم بس مترددة وها أنا اليوم أكتب لكم أبغى منكم الحل والتوجيه ................ أختي وما أدراكم من أختي متزوجة من 15 سنة وعندها عيال والولد الكبيرعمر14 ........... مسكتها الهيئة وهي مع رجل في وضع مخل طبعا الهيئة اتصلت على أبوي وقالت له تعال بنتك كذا وكذ بالله تخيلواا الموقف المهم طبعا أبوي راح واخذها بعد التعهدات وووو بس مو راضين يوروه من هو اللي كان معاها أبوي وداها بيتها الخصام والسب ووو شيء طبيعي يوجهه لها رجع البيت وهو تعباااااااااااان ويبكي..تخيلوا رجال ويبكي له من القهر ما ألومه جلس والله يمكن شهر وهو تعبااااااااان مرررره المشكلة نحن من أسرة جدااااا محااافظة ومعروفة بس زوجها الله يهديه مخلي لها الحبل عالغارب تروح وتجي مع السواق لوحدها أي مكان المهم ما أحد يدري بهذه المشكلة إلا أبوي وأمي وأنـا فقط ياليتني ماعرفت ومت قبل ما اعرف الله يهديك يا أمي ليه قلتي لي والله إني من يوم قالت لي كرهتهاااااااا كرهتهااااا من قلبي ولا أقدر أكلمهااااااا ولا اتصلت عليهااا من 4 شهووور اخواني مو دارين ولا أخواتي والله لو أخواني دريوا يمكن يذبحوهااا ويهجوا من المدينة اللي احنا فيها أبوي دائما يروح عندهااا ويسبهااا هو يقول يبغاها تتطلق من زوجها بالله ايش نستفيد عيال يتشتتوا وفضيحة ووو لكن من القهر اللي في قلبه والله ما ألومه و ووو المشكلة إنه يدعي عليها من قلبه والله إني أكتب لكم وأنا أبكي خايفة عليها وخايفة على أبوي ما أبغاه يدعي عليها لو يدعي لها أحسن أنا دحين سألت أمي عنها تقولي قدها تعبااااااانة أكيد نفسيا وووو هذا شيء مو سهل أبداااااا أنا متزوجة موعارفة كيف أكلم أبوي أخليه يسمح ل ها تزورنا في البيت لأن نحن دائما نجتمع والناس يسألوا عنها نقولهم مسافره مع الصيف لكن دحين المدارس جات بالله وش نقول أنا ما أبغى الوضع يستمر كذا والله أخذه هم مايعلم به إلا الله ........... وأبوي خلاص صار يراقب أخواتي اللي ماتزوجوا هم لسه صغار بس خايف عليهم مرررررة لما يتكلموا في التلفون يجلس يروح ويجي ووو ومايبغانا نستعمل النت أبدااا لو يدري إني أتعامل مع النت يمكن يزعل مني كل هذا بسبب أختي والله كنا عايشين في نعمة ونحن أسرة مجتمعة ونحب بعض ودائما نزور بعض ياناس رمضان جاي والعيد وو ما أبغاه يكون مختلف عن السنوات الباقية وش أقول 0لأبوي كيف أقنعه إنه يعفو عنها يمكن ترجع أحسن من أول وهذا درس لها ماتنساه أنا بالطبع ما أقدر أكلم أبوي في هذا الموضوع شفهيا ممكن أكتب له رسالة وش رأيكم؟؟ ...................... أنا آسفة إذا أفكاري مو مرتبة بس وش أسوي المصيبة عظيمة والخطب جلل آآآآآآآآه آآآآآه ياقلبي من يطفأ النار المشتعلة آآآآآآه:11: |
لا حول ولا قوه الا بالله وربي يا غاليه ابوك ما يتلام وتدرين اصعب شي في هالدنيا العرض والشرف وابوك من قهره رباها وكبرها وزوجها وحصنها وعلمها وفي النهايه تجيب راسه الارض الله يهديها ويصلح حالها بس
والله يا اختي حاليا لا انصحك بمفاتحه والدك ابداا فيه موضوعها ويكفيه ما فيه من هم والحديده على قولتهم حاميه فلا تزيدينها لانه لسه ما نسي والالم في قلبه اصبري لين الايام تمر ويحاول الموضوع يبرد في قلب ابوك وحزتها تجمعي انتي وامك وحاولوا فيه لكن عليكي باختك الحين حاولي تنصحيها وتقربيها من الله بس انا مستغربه من شي واحد وشلون ما دري زوجها او طلبته الهيئه ؟ اختي الموقف جدا صعب وربي انذهلت يوم قرات قصه اختك الله يهديها يارب ويستر علينا وعليكم وعلى بنات المسلمين ادعي لاختك في ظهر الغيب انه ربنا يهديها وكرري هذا الدعاء في سجودك دوما اللهم يا جامع الناس ليوم لا ريب فيه اجمع بين اختي وابي من جديد وان شاء الله الله بيسلها والله يستر عليكم |
كــــــــــــــــان الله في عونك وعون والديــــــــــــــــك .......الموضوع والحمدالله انتهى وربي ستر على اختك وعليكم
بصراحه في البدايه احب اقول شي ..انه عجبني جدا موقف الهيئة عندكم انهم ما خبروا زوجها او سجنوها او او الخ .....لو كانت في مكان ثاني كانت الفضيحه بجلاجل ......واجراءات قانونيه لا اول لها ولا آآآآخر نصيحه اخرى .....خلي اختك تكلم الوالد وتحب على راسه وتعتذر له عن الخطأ ....وتقول انه لحظة ضعف والشيطان سهل لها الطريق وتؤكد له توبتها للعودة الى هذا الدرب اللي ما له نهاية .............الله يستر علينا دنيا وآخره |
قولي لابوكي وامك .,,,
ان يتذكروا رحمة الله بعباده ,,, الله يغفر لعباده اللي اكثر من اللي سوته اختك ,,, يغفر للمشرك والكافر ,, يغفر كلللللللللللل الذنوب ويرحم عباده لييييييييييييييييش احنا البشر مانسامح ؟؟ ربنا اكبر مننا وكريم وعطووف وجواد ورحيم بعباده واحنا في ايش احسن من ربنا ؟ ولااااااااااااااااااااااااشئ لايدعي عليها ,, المفروض يدعليها الغلط من زوجها وليس منها الطلاق مو حل ربي يغفر واحنا البشر مانفغر لاقل شئ لاحول ولاقوة الابالله الدنيا مافيها خير لاصاحب ولاحبيب ولاقريب |
اختي توته .....
تحيه لك طيبه ... حدث ماحدث ووقع الفأس بالرأس ونسأل الله ان يتمم عليكم بالستر ... ابووووك لاألومه فالغيره على العرض شئ صعب وقوي وممكن يتسبب في امراض لاقدر الله .. والله اشدغيرة منا على عباده ان يأتو ا محرماته.. ولكن اذا لم احد يعلم بالموضوع ... قولي لأباك (( والكاظمين الغيض والعافين عن الناس )) فكتم الغيض لدرء الفضيحه على رؤس الإشهاد .. صدقيني غير ربي يجبر المصيبه ويهون البلاء.. والقي اللوم كله على زوجها الذي ترك الحبل ولا يشعر بما يحدث من وراءه .. وممكن هي ضحية انسان اغراها بكلام معسول ووجدها سهلة الإقتراب .. وفي لحظة سلمت نفسها للشيطان وشهواته ففقدت عقلها من اجل شهوة ..كانت مكتوبه لها بالحلال .. الله يجبر مصيبتكم....اللهم استر عوارتنا وآمن روعاتنا.. |
اختي استغلي الليلة وبكره بالدعاء
اللهم استر على اختي فوق الأرض وتحت الأرض لا تيأسي وعاملي اختكي برقه واغفري لها ، فالله سبحانه يغفر لنا شياطين الأنس منتشرين الآن بصورة كبيره، سامحيها |
الموقف صعب خاصة على ابوكي
اعتقد يبغالها شجاعه ويبغالها بلاغه في الكلام علشان يكون مؤثر بالاضافه الى الوقت الملايم ...وفي بالي مو وقته لاان ابوكي الى اليوم يروح ويسبها ويدعي عليها ...اللي سوته اختك مو قليل ابدا ...الله يصبركم يارب . لاحول ولاقوة الا بلله الله يعينكم |
لاحول ولاقوة إلا بالله العلي العظيم فعلا موقفك صعب جدااااا ووالدكِ كذلك لا يلام لكن نصيحتي ترسلي لوالدكِ وتفهميه أن كل ابن آدم خطاء وان خير الخطاؤون التوابون وان هي تابت ومن هذا الكلام وبعدين تروحين لها في البيت ولازم تبينين لها خطورة الي سوته وإنها لازم تتوب توبه نصوحة ولازم تروح عند أبوك وتستسمح منه وتبين ندمها وخطأها وإن شاء الله الأمور ترجع مثل قبل وأحسن أسأل الله لكم الستر والعافية |
اقتباس:
علاوة على كلام الاخت كبريائي انتي عليكي دور كبير وهو ان تذهبي لاختك بدون علم والديكي وتحاولي تعرفي مشاكلها وكيف تعالجين الامور لان الصدمه على والدكي كبيره وربك مايضيع التائب الصادق تحياتي |
يا أختي الكريمه
( في وضع مخل ) قد لاتصل للزنا الموجب للرجم وإن كانت وصلت للزنا. . . الزاني المحصن يرجم فلا تلومي أباك ارفقي به ولا تفاتحيه حتى تكون هي من يأتي ويطلب السماح والزمن كفيل بالتخفيف من الجراح لكنها لا تبرأ زوريها إسأليها وكأنك لا تعرفين شيئا خوفيها بالله انصحيها قربيها من الله كان الله في عونكم وستر أعراضكم في الدنيا والآخرة والسلام |
| الساعة الآن 09:47 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©