|
اريد محادثه خطيبي وابي لا يريد؟!
السلام عليكم ورحمة الله وبركاته
انا شاء الله بخير انا الحين مملكه لي اسبووعين ومن دخلت منتداكم والي تقوول خطيبي كلمني ولا يجي يزوورني بصرااحه غررت بس المشكله ابوي متشدد حتى لو يكلمني هو قال لأبوي بس ابوي مدري كيف مايبي وهو قال وده يكلمني لزوج اختي بس ابوي تقريبا رافض او مايبي وخاصه انا في قريه وهو من محافظه ومن دخلت المنتدى وشفت فرحتكم وكلامك وحمااسكم ودي يكلمني بس لما اشووف رقم غريب افرح قول يارب هو والمشكله على باالي اني مو مهتمه اقول لأختي عادي انتم وش راايكم احسن يكلمني واقلها بس عبر الجوال ما في امل يجي البيت ولا كذا احسن لاكلمه ولا يكلمني ابي نصاايحكم ودمتم موفقين _تم تعديل العنوان_ |
الف مبروك
والله يوفقك لكن بالنسبه للاتصال .. انصحك لاتتعجلي .. لحين قرب موعد الزواج ... يعني قبل الزواج بشهر تقريبا .. وان تكون المكالمه مختصرهـ ... تحياتي لك وبالتوفيق |
وأنا أثني على كلام أخوي مشاعر مهمله
بس لازم امك وخواتك يدرون انك تكلمينه لأنه لا سمح الله طاح عليك أبوك يمكن يفكر تفكير غلط والله يسعدك يارب |
أنا رأيي أن تطيعي اباك 000 لأن زوجك يعرف رأي أبيك بالموضوع
واذا كلمتيه من وراء ابيك 000 ربما يتسلل الشك في نفسه من ناحيتك وفي أهون الاحوال سيقل احترامه لك |
والله انا ما كلمت زوجتي الا لما دخلت عليها
وكانت اسعد ايامي حتي الكلام للحين اذكره |
اظن ان مملكه دي يعني تزوجت رسميا ولم تتم الدخلة
اتمنى ان يكون المعنى صحيحا ان كان صحيحا فهل كل هذه المشكلة على مكالمة تليفون؟ المفروض اصلا انه يزورك ويخرجك ويفسحك لانك زوجته عارفة ان العادات والتقاليد بتختلف من بلد للتانية بس اللي واثقه منه ان الدين مش بيختلف وبما انه مش حرام رايي لو ميعرفش هو جوالك خللي اختك تجيبلك التليفون من زوجها وكلميه انتي ولو كان والدك متشدد لدرجة انه يزعل لو عرف اتفقي مع زوجك ميعرفوش بصراحة الفترة دي من اجمل فترات الارتباط وافضل من الزواج والخطوبة خسارة انك متحاوليش تقنعي والدك انه يسيبك بحريتك مع زوجك تخرجوا وتتفسحوا |
اختي الغالية..هو زوجك الان ..يحل لك الحديث معه ويحق لك ذلك..اتركي جانبا التقاليد التي تغضبني حقيقة..
ومدام انه يريد الحديث معك فحاديثه حتى ولو كان الامر بينكم فقط حتى لايغضب والدك ..ولكن تصوري نفسك لم تحادثيه ولم تتعرفي على افكاره لربما كان به شيئا سيئا ولم تستطيعي اكتشافه الا يوم الزفاف!! لاسمح الله عندها لامجال للتراجع ..فكري جيدا وتوكلي على الله أختك حائزة الأمل |
والله كان خاطري اعيش المرحله هاي بس الله ما كتب بس انصحج ما تسوين اى شى بدون رضا اهلج
ربي يوفقج |
الثقل صنعة
المكالمات تحرك الساكن وتثير الكوامن ثم بعد ذلك أين يطفيء الخاطبان شهوتما وهما بعيدان عن بعض والسلام |
اختي اولا مبروك والله يتتم لك على خير
ثانيا هو الان زوجك شرعاً يعني يقدر ياخذك بدون حفلة الزواج التقليديه المتعارف عليها وبصراحه ابوك صحيح متشدد بس ماله حق انه يمنعك حتى من مكالمته انا مو قصدي اقولك روحي اتهاوشي مع ابوك عشان اتكلميبنه لا خلي احد يقدر يقنع ابوك وقد اقنعه من قبل ان يبين له اهمية الموضوع لان فترة الملكه فرصه ثمينه من جد عشان تتعرفين على زوجك وهو يتعرف عليك واتعرفين بعض الصفات وبعض الاشياء اللي يحبها ويكرها صدق انك ماراح تتعرفين عليه بشكل كامل وبتتفاجأين باشياء كثيره بعد الزواج بس هي مثل الاستعداد النفسي للزواج من جد لازم تتحركين على الاقل مكالمات عبر الجوال كلمي احد ياخذ ابوك بكلمته ارجو اني اكون قد افدتك والله يوفك ويتتم عليك بخير ويرزقك الموده والرحمه بينك وبين زوجك يارب ويسهل امرك |
| الساعة الآن 01:24 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©