هذا ما حصل بعد الرؤية الشرعية
 

انا فتاة عمري 25 معلمه تقدم لخطبتي صديق اخي خلوق ومحترم وطيب عمره 30 وغير جامعي لكنه مدخن وانا اكره التدخين وما اتصورت بيوم اني راح اتزوج مدخن بعد تردد كبير وافقت على اساس اني اساعده بتركه وحصلت النظره الشرعيه قبل يومين لكن سبحان الله من بعدها ماحسيت باي راحه واحس بضيقه خلق ودي ابكي بس ماقدرت يمكن ارتاح وانا يتيمه اب من عمري 10 سنوات مرت علي لحظات تمنيت ان ابوي بس اكثر من هالموقف ماحسيت.

قبل الرؤيه احساسي عادي لكن بعد ماشفته نحيف جدا وقصير يمكن طولي 160 لكنه نحييف واحس من التدخين ماثر عليه مره وفمه اسووود منه. وهو رد بالموافقه من بكره

وين المشكله؟؟؟

قلت يوم شفته ما ارتحت يمكن علشان جسمه لاتفكرون اني اتمنى اتزوج وسيم لاوالله لكن واحد عدي بس عالاقل لما اوقف جنبه احس برجولته هذا لكن انا البنت الوحيده لاهلي ومع ذلك اواجه ضغط من اخوتي بكره راح تعنسين وبكره يجيك امامطلق او ابو عيال ولاتتشرطين ولو رفضتيه راح تتندمين مع انه الحمدلله انخطب وكل اللي بعمرك تزوجوا وجابوا عيال ايش تنتظرين وراح ترفضين علشان دخان يمكن تاخذين احد يشرب خمر وما عنه من السؤال هل تضمنين راح يتقدم لك واحد احسن منه؟كلام يخلي الواحد ينهار نفسيا ويحسسني ان هذا اخر رجل بالعالم مع اني اخذت راي وحده ثقه قالت كثير يتمنونك ومايستاهلك واصبري تاخذين واحد احسن منه ان شاء الله وقالت لو الله كاتبه لك كان ماتشوفين الجسم حجه.

هل انا عانس؟؟؟ هل عدم راحتي هذا شي طبيعي لدرجه انه اثر على نفسيتي ونومي واكلي واستخرت بعد الرؤيه وماحسيت براحه مع اني قبل الرؤيه كنت عادي ومتقبله الموضوع

اتمنى من يقرا كلامي يرد علي بصراحه وبدون مجامله لاني ما اتصور اني راح انجرح اكثر من كذا

ولاتنسوني من دعائكم جزاكم الله خيرا

بصراحه أرى أن تصرفي النظر عنه فمن الواضح أن نتيجة الاستخارة قد ظهرت وهي عدم راحتك مطلقاً لها ومن يقول لكي أنكي قد كبرت وأصبحتي عانس ويجب أن تتزوجي اضربي بكلامه عرض الحائط فأنتي لا زلتي في فترة الشباب وأنا معكي أنكي في سن الزواج ولكن هذا لا يعني أن تتزوجي بأي خاطب يتقدم ومن يقول لكي ذلك قولي له أبقى عانس معززه في بيت أهلي ولا أذل فيما بعد في حياتي الزوجية وينتهي الأمر بكوني مطلقه

أسأل الله أن يكتب لكي الخير ويرزقك بالزوج الصالح في القريب

خير انشاء الله
 

السلام عليكم ورحمه الله وبركاته

عزيزتي كنده بما انك استخرت ولا ارتحت اذا اصرفي نظر عن الموضوع

ويمكن انها خيره لك من رب العالمين وان شاء الله ربي يبي يعوضك على صبرك

وبالنسبه لعمرك 25 ماتعتبرين عانس بالعكس احس هذا السن المناسب للزواج


الله يوفقك يارب ويسهل أمرك

والله اختي....انا واحد من الناس اكره التدخين بشكل مو طبيعي وخصوصا ريحته مااطيقها,,

لكن اخوي الكبير هو الوحيد في العائله اللي يدخن...وبالسر طبعا
واحتراما للوالد هو مايدخن بالمجلس ابد او في الصاله...او حتى في غرفة النوم مع زوجته لما كان ساكن معنا على مااذكر....
لكن اختي والله اخوي كان كثير يهتم في نفسه على الاقل 3 مرات يفرشي اسنانه..ودايما لبان نعناع ولاسنكز في فمه
ولما يبغى يدخن يوقف على البلكونه او يطلع برا...وهو محامي ,,,,لما ننصحه حنا اخوانه الشباب ,,اترك التدخين ياخي
يقول ..طبيعة شغلي تتطلب كذا هههههه(عذر اقبح من ذنب),,,,
اختي اخوي جدا انسان محافظ على صلواته وكثير مثقف وانيق وحبوب ودمه خفيف,,,وزوجته تحبه كثير

شاهدي اختي من كل هالكلام...انه مش يعني اذا الانسان دخن هو انسان فاشل..,,,او ليس عنده هدف,,او مريض

هي عاده...مثل النميمه,,مثل كثير عادات سيئه,,ومين مننا الكامل اليوم,,,ماكلنا مليانين اخطاء,,,,,,,
اقصد موضوع التدخين مقدور عليه,,,,وممكن انتي تثقفينه صحيا ويترك هالعاده السيئه,,,,,

اما فيما يخص جسمه,,,فعمر الشكل ماكان عبره المهم الجوهر,,,,,,,دينه وخلقه,,,والايام راح تثبتلك,,
اختي انتي مش صغيره,,25 يعني ينخاف عليكي ,,يعني انا شاب وعمري 26 واخر العنقود وللحين ماتزوجت
ومتضايق واقول المفروض اني متزوج من 3 سنين فكيف وانتي بنت,,,,,,,
توكلي على الله واستخيري,,واذا اخوانك يعرفونه زين واموره الماديه طيبه(بحيث مايعتمد على راتبك)
توكلي على الله,,,,,,,,,,,
اتمنالك التوفيق

خذي وقتك في التفكير ولا تخضعين للضغوط لانه انتي وحدك صاحبة الشأن

وانتي وحدك من ستتحمل كل مل يترتب على الزواج .

انا مع راي الاخت دلع

وفقك الله اخيتي

غاليتي ...اذا الرجال ما فيه شي ينعاب ..لا بدينه ولا بخلقه ولا بوضعه المادي والإجتماعـــي ..شو سبب الرفض ..

بالنسبة للراحـه عقب الإستخارة مب مقياس لتحديد موقفك من الخاطب ..الأهم انه الكل مبارك الموضوع وما ذموا في العريس او ذكروا لك عيوب تنفره منك ..

وبالنسبة لشكله ..الرجل مب بشكـله ....الرجل بأخلاقه وطريقة تعاملة واحترامه للزوجـه وادارته لشؤون الحياة الزوجية ..الجمال يفنى ولكن الجوهر والروح الطيبة تبقى !

عالعموم ..لا تجعلي للشيطان مداخل وبما انك استخرتي الله وتيسر الموضوع ولا توجد اية عقبات توكلي على الله وتزوجي ..هذا رأيي والقرار الأخــــير لك طبعاّ ..


تحــــياتي لك

والله ما ادري وش اقولك حيره بسسسسسسسسسسس.

ما املك لك الا الدعاء في ظهر الغيب

وفقك الله ويسر امورك
اختك بالله جينز