|
الحمل
بسم الله الرحمن الرحيم أتمنى منكم مساعدتي ... ماأقول عندي مشكله لكن هاجس مقلقني بصراحه ..... !! أنا متزوجه من سنه و3 اشهر بدايه الزواج كنت اتجنب الحمل إما بالعزل او بالواقي الذكري ,, يعني كانت طرقنا طبيعيه 100% من 4 اشهر تقريبا تركت كل الموانع ورغبت في الحمل .. وماحصل ... رحت الدكتوره وقالت عندك التهابات فطريه شديده .. وعطتني أدويه وتحاميل وقالت بعد عندك اجهاض مبكر او متكرر وعطتني هرمون تثبيت على شكل اقراص 3 شهور .. بس ماتأخرت الدوره ولا يووووم وماكأني أكل شي .... !!!! سؤالي / ماسبب الاجهاض المبكر او المتكرر ...؟؟ وهل الالتهابات الفطريه لها دور رئيسي في عدم الحمل ..؟ للعلم زوجي كشف وسليم الحمد لله ... !! بس انا ماكشفت على الهرمونات ساعدوني تكفون ابي احمل :( |
اختي الغاليه ..انا مثلك كانت فيني التهابات وفطريات وصديد وماحملت الا بعد ماتعالجت وعلاجه ماياخذ اكثر
من اسبوعين وتروح الالتهابات ..طبعا الدكتوره شاطره كثير عندنا بالشرقيه ..عطتني دش مهبلي ..ومضاد حيوي كل 12 ساعه ولازم بانتظام وبالأضافه لتحاميل مهبليه وبعد مااحطها لازم اتجنب الجماع..بعد ماتعافيت ماحملت على طول تميت شهرين والحمدلله اني حملت بعد تجربة حمل اولى من 8شهور سقطت والحمدلله ..لازم تتعالجين من الالتهابات علشان تحملين لأنها تقتل الحيوانات المنويه وحمدي ربك اللي فيك شي بسيط والله ان غير ك فيه بلاوي ما يعلم فيها الا الله .وكشفي على المبايض تأكدي من سلامتهم من الاكياس الدهنيه لأني انا بعد كان فيني كيس دهني على المبيض وسويت عمليه وطبعا هو يمنع الحمل ...الله يوفقك ويرزقك الذريه الصالحه |
والله ما عندي فكرة بهذه المواضيع أسأل الله العلي القدير أن يرزقك بالذرية الصالحة في القريب العاجل ولكن يا أختي اطمئني بإذن الله موضوع الفطريات بسيط وعلى فكرة الهرمونات تؤثر بشكل كبير على موضوع الحمل لذلك أنصحك بعمل فحص للهرمونات
|
الله يرزقك يا رب
وبعدين يا اختي لاتخافين حتى الكتب العلميه تقول مفروض ما تتسالين و تعالجين الا بعد سنتين من الزواج هدي نفسك ولا تخلينه شغلك الشاغل واطلبي ربك ثاني شي اذا صار عندك هرمون الحليب زايد يمنع الحمل سبحان الله طبيعي روحي سوي تحليل ولاتحسسين زوجك ان ها الشي غلط حسسيه انه طبيعي عشان الهرمونات بعد الزواج تتغير وتحتاج لوقت وكل بنت عن الثانيه تختلف ثالث شي تحري اوقات التبيض ترا هذي مهمه(((( انا بدايه زواجي كنت مثلك خايفه تميت سنه ما حملت ولا رحت طبيبه كنت خايفه وش اقول لزوجي مع انه هو ميت على الاطفال قريت في كتاب ان بعض الاحيان افرازات المهبل تمنع الحمل تكون كثيره فلازم قبل كل جماع تغسلين بمويه تخففين من تركيز الافراز )) وتحري اوقات التبيض اللي فيها تحسين جسمك حار وتحسين بالم يسبط في المبيض وداومي على علاجاتك والدعاء وحسني نفسيتك لانها سبحان الله لها دور في الحمل وان شالله تستفيدي |
ينقل الى عيادة المنتدى مع تعديل العنوان راجعي هذا الرابط الشامل http://www.66n.com/forums/showthread.php?t=24008 تحياتي |
ألف شكر لكنّ جميعا
كشفت على الهرمونات وطلع عندي نقص في هرمون البروجسترون المثبت وعطتني الدكتوره منشطات الله ينفع بها مشكورين |
| الساعة الآن 02:21 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©