دلعها ... دلعها ... دلعها ... طيب كيف أدلعها ؟؟
 

بسم الله الرحمن الرحيم ,


السلام عليكم ورحمة الله وبركاته :



أبي أدلع خطيبتي ( المعقود عليها ) بس كيف أدلعها ؟؟؟


تراني أبي أجيب راسها ... أنا أحبها وااايد بس أخاف أنها تحس إني ما أحبها لأني ما أعرف كيف أدلعها ؟؟


وكيف أسمعها كلام رومنسي ؟؟ :29:





كيف أدلعها ؟؟؟ أبي أفكار صريحة للدلع ..


كيف أسمعها كلام رومنسي ؟؟ <<<< على فكرة ما في معهد يعلم الرومنسية ودي أسجل فيه :d

بين اهمتامك فيها من جميع النواحي مثلا:

* اذ مرضت او حتى حست بالم خفيف اسئل عنها واطمن عليها وحسسها بخوفك عليها.
* لا تنسى اي شئ يخصها خصوصا التواريخ المهمة في حياتكم منها ذكرى خطوبتكم وعيد ميلادها.
* مثلا اذا رحت مكان وشفت شئ وعجبك اشتره لها وبين لها انه عجبك عشانها.
* دايما امدح الشئ اللى يعجبك فيها ( بس شرط يكون هالشئ اللى تمدحة فعلا عاجبك، تدري ليش؟؟ عشان مثلا لو انت مدحت طريقة مكياج خطيبتك حاطته وهو موب عاجبك بتم هى على طول تحط المكياج بنفس الطريقة ظنا منها انه عاجبك) مثلا امدح جمالها او ابتسامتها ، فطنتها ، اهتمامها بنفسها ، لباسها.
* حسسها انها شئ مهم في حياتك وما تقدر تستغني عنها لانة اذا حسستها بهالشئ هى بتتمسك فيك وبتحبك اكثر .

*** وفيه نقطة مهمة وضحها اخي الكريم ( lovepeaceangel ) الا وهي (((أجمل ما في الحب ... التلقائية والعفوية في التعبير عنه ))) لانة نحسه طالع من القلب .......

واللّه يهنيك ويريح بالنا اجمعين يااااارب..........

عليك بمدحها
لانه رايك فيها هو اهم شي عندها
دايما حسسها انها الاجمل والاحلى والاغلى

انت ادري بها منا ويجب ان تعرف شنو تحب وتكره

مااوصيك اول ماتشوفها في كل زياره

غمض عيونك وقول لالالالالالالالا مااقدر اطالع فيك لانك زي القمر

وسلم على راسها وايدها لانها تحسسنا بالفخر.....................

رحب فيها ترحيب حااااار إذا اتصلت لها.. يعني مثلاُ.. هلا حبيبتي حياتي.. وحشتيني.. وحشني صوتج الحلوووو.. الخ.,.

احلى كلمه احبها لما يقولي

(انا بدونك ولاشي)


وزود عليها ترى الكلام ببلاش وفيه اجر كمان

احكي معها بهذا الموضوع
اسألها كيف كانت تحلم يكون زوجها المستقبلي
تعرف على الأمور الي هي كانت تحبها و تحلم فيها
و بعدين نفذ
لا يحتاج الأمر كل هذا العناء
كلمات حلوة و اخترع لها اسم دلع
ناديها باسم حبيبتي و من هالأمور
و لا تتصنع
بالتوفيق أخي