|
والدتي الغالية ومبالغتها الزائدة
زارتنا وحدة أصغر مني.. في البداية الوضع طبيعي جدا وسوالف ووناسة
شوي جابو بنتها صغيرة عمرها سنة اول ماشافتها أمي : ماشاءالله لاحول ولاقوة الا بالله اللهم صل على محمد!! أناظر أمي وش فيها؟ شايفة كائن جديد غريب؟ قولي ماشاءالله وبس!! شوي أشيل البنت وأقربها لأمي تسلم عليها وتعيد الكلام لاإاله إلا الله الله يحفظها وتطالعني بنظرة تحسر بصراحة ماتحملت تعببببببت ماقدر حتى أجلس ارتبكت وضقت على أمي مرة أجلس غصب علي اروح أجي أحاول أشغل نفسي بأي شي وجهي قام يتقلب.. وكل ماتحركت البنت قالت امي ماشاءالله بسم الله عليها!! سألتني قالت انت تدرسين في الجامعة؟ تصدقون بقول انا موظفة وأحس لساني تعقد استحيت اقولها موظفة أحسها بترحمني! رديت.. لا متخرجة << وسكت :30: راحو.. أسأل أمي انت بحياتك ماشفت أطفال؟ اخواني ياكثر عيالهم وبناتهم اذا اجتمعو صار بيتنا ملاهي اول مرة تشوفين بنت ؟ قالت ميتة حسرة أصغر منك وعندها بنت وانت ياحسرة قدام عيوني غصب علي لقيت نفسي اذكر الله يايماااااااه أسلوبك يحسسها انه فيه شي يمكن بكرة لو تكح بنتها قالت ام شوبارد جت منها عين! امي الله يطول بعمرها تزرع فيني أشياء ماأحس فيها صدقوني ياجماعة اني أجلس مع موظفات بعمري واصغر واكبر وعندهم عيال أحس بالإحراج صح وأحزن على حالي لكن ماأوصل لتفكير أمي أبد.. أمي كلامها بصراحة يثير عندي الغيرة .. تحسسني اني محرومة من كل شي واني حارمتها! 70% من معاناتي سببها امي الله يفرح قلبها فيني عاجلا غير آجل |
الله يرزقك ياشوبارد عاجلا بالزوج الصالح وبالبنات والبنين..
بكرة يزعجون الوالدة لحد ماتطردكم من البيت.. روحي إنتي وعيالج سندرتوني.. حبيبتي.. طولي بالك عليها.. وترى مثل ما 70 % من معاناتك سببها أمك.. يمكن ايضا 70 % من معاناة والدتك سببها تأخرك عن الزواج.. أدري هذا الشي مو بيدك ولا بيدها ولا بيد أحد.. كلها بيد الله سبحانه وتعالى.. بس لا تلومينها.. حسرة بقلبها .. وماتقدر تكتمها.. |
سبحان الله
كانك تتكلمين عن امي مع اختي اللي ماتزوجت ياعمري امهاتنا من كثر الحرص وشايلين همنا وانا ملاحظه اللي زي امي من خالاتي وعماتي ماعندهم اسرار يعني تجلس لوحده تسولف ببنتها مع زوجها وولدها وش سوت فيه زوجته ودائما احذر امي انها تتكلم باختي قدام الناس تقول كلهم حريم كبار ومايطلعون الكلام ومن بكرا <<<<<<<<<<<<<< بالجزيره اخبارنا الله يعينك ياوخييتي ومن الصعب انك تغيري الوالده والله ماعندي نصيحه لك لاني انا ابغاها مثلك |
اختي الحبيبه ، الله يكون بالعون
سبحان الله ، امي كانت عاديه بس من فتره صارت الزواج وتحسرها شغلها الشاغل يا ناس ابي اعرف يعني حنا شنهو بيدنا نروح الشارع وندور لنا ع زوج ساعات اوصل لمرحله اتصل بخطابه حاطه اعلان بالجريده لكن اتراجع، اقول بصراحه اللي خطوبهم من بيوتهم مو احسن مني بشي شوبارد ، صدقيني المشكله مو فينا ، في الرياييل الا جالسين يتزوجون بنات ما يستاهلون اصلا الرجال قلة، في مجتمعي ، الرجل يفضل الغنيه ، ومن تعمل يعني احس زواج مصلحه وفي رجال الغيره عندهم شبه معدومه، بدل لا يأثر على زوجته يتأثر بها، يمكن طلعت برع الموضوع ، بس اللي ابي اقوله لا تزعلين ولا شي الزواج مو لعبه، واحسن لنا تم مكرمات عزيزات من تتزوج بس علشان ننجب وبعدين طول العمر نتعذب الله يرزقنا ازواج صالحين محبين ،آمين ، ومبارك عليج الشهر حبيبتي مقدما وما وصيج بدعوات لي |
اختى شوبارد
اسال الله ان يفرح قلبك عاجلا غير اجل انتى ووالدتك الغاليه امك اكثر واحده فى الدنيا تحبك وتحبلك الخير فلا تتضايقين منها ابدددددددددددا ارجوكى وطمنينا عليكى يا حبيبه |
اول ماشفت العنوان قلت اكيد الاخت شوبارد
اختي الكريمة 000 تخيلي نفسك بعد عمر طويل 000 وعندك بنت تأخرت بالزواج << مع اني اشوف انك لسه ماتعتبرين متأخرة لكن تخيلي نفسك بالوضع اكيد بتتصرفين مثلها او اكثر 000 لا تقولين أنا صاحبة الشأن ماخفت مثل خوفها 000 لا اختي الاهل يخافون على ابنائهم اكثر من خوفهم على انفسهم ولهذا اعذريها 000 |
الله يرزقج بابن الحلال ان شاء الله
|
اختي شوبارد ...
صدقوني ياجماعة اني أجلس مع موظفات بعمري واصغر واكبر وعندهم عيال أحس بالإحراج صح وأحزن على حالي لكن ماأوصل لتفكير أمي أبد.. أمي كلامها بصراحة يثير عندي الغيرة .. تحسسني اني محرومة من كل شي واني حارمتها! 70% من معاناتي سببها امي الله يفرح قلبها فيني عاجلا غير آجل...... هناك ماده مقرره على جميع الناس اللي تحس وتشعر وهي مادة الغيره فقط تتغير المناهج والظروف وسنوات الدراسه .. لكن تظل مادة الغيره ثابته ويتم الامتحان فيها كل يوم وليس كل سنه كما هو الحال في المواد الاخرى.. واحساسك اختي شوبارد (( باالغيره المحموده )) كما صنفت لإستشعار الإحساس فالإمهات بطبيعتها تكر هذا تتوقع انه انت تعارضين فكرة الزواج وهي تبغي تحثك عليه ؟؟ياااااااااااااااااااااااااااااااااااااااارب يرزق بازوج الصالح والمثالي :14: :14: :14: :14: :14: :14: :14: :14: :14: :14: :14: :14: :14: :14: :14: :14: :14: :14: :14: :14: :14: :14: :14: :14: آآآآآآآآآآآآآآآآآآآآآآآآآآآآآآعاجلاآآآآآآآآآآآآآآآ آآآآآآآآآآآآغيرآآآآآآآآآآآآآآآآآآآجلاآآآآآآآآآآآآآ آآآآآآآآآآآآآآآآآآآمين |
إيييييه يا شوبارد
هو انباع وما اشترينا ؟:21: فكرتيني بأمي الله يحفظها.. صرت ما أطالع فيها لمن نتجمع مع الأصدقاء تشوف الحامل وتطالع فيه ونظراتها حزن.. وتشوف المخطوبة طايره من فرحها وتطالع فيه.. هي ووحده ثانيه تطالع فيه لسان حالها متى راح تتزوج يعني مش بلؤوم لكن أحسها تبغى تفرح فيه قبل أمي.. أحزن عليهم لحزنهم علي.. طيب أنا راضية بقعدتي وصابرة وأنتظر ومتعايشة مع حالتي ليه النكد ؟!! بس تعرفي يا شوبارد لو أمك ما كان يهمها متى تتزوجي وما بينت لكان زعلتي وقلتي أمي مو فارقة معاها أتزوج ولا لأ..أنا كنت أتخيل أمي ما تهمتم.. بس الظاهر على قولها تشوفني صغيرة لأني آخر وحده فلمن شافت اللي أصغر مني تزوجوا وحبلوا واللي تخطبوا فبدأت تنتبه :11: الحل: شوفي قبل ما نقابل أي أحد أنبه أمي على أشياء هي متعودة تسويها تحرجني بدون قصد.. يعني ماما لو سمحت لا تقولي كذا أو لا تنفعلي لو شفتي فلانه تقلي طيب لأن الأمهات الله يهديهم أحيانا يقولوا ويسوا أشياء يحسبواها عادي.. أتكلم عن الأمهات اللي مثل أمي وأمك طيبات وعلى نياتهم واللي فقلبهم على لسانهم.. طبعا أمي من كثر ما كانت تفرصعلي بعيونها وأنا صغيرة :11: صرت أسوي نفس الشي نظرة وحده مني تفهم أو أرفعلها حاجب يعني :30: تقوم تغير الموضوع :17: خلي بينك وبين أمك كودز حركات تنفهم يعني لو طليتي فيها نظرة معينه تفهم :30: إن كلامها محرج لكِ.. والله أنا تعبت لين ما تفاهمنا أنا وأمي.. بس ما سويتلها حصار وأعاتبها كل كلمة وما أنسالها هي لأ أقلها ماما الله يخليكي لا عاد تسوي كذا ولا تقولي كذا وتنسى ونرجع لنفس الموال لين هاه أحسن من أول بمراحل. وذاك اليوم بابا كمان جابلي القلق يصحى من النوم يجبلنا الهجاج.. ويصحيني على فجعة عصبت قلت له لا توترني اليوم كله أعصابي ترجف من الطريقة اللي صحاني فيها.. وصرت كل يوم أقله لا توترني :24: والله جد ما أتحمل وهو اللي يقول Miss Hawaii قلبها زي العصفورة لا أحد يفجعها وأنت تسوي كذا.. :29: الناس ما تنتبه على أخطائها إلا إذا نبهتيها... وأمهاتنا لازم نزن عليهم :23: عشان يتطبعوا بالطبع الجديد.. الله يعينك من جد أنا عانيييييييت فأصبري وصابري ورابطي :d وحاولي مرارا وتكرارا ولا تيأسي.. شوبارد مو عيب أنك تقولي لأمك عن حقيقة أحاسيسك.. أنا كنت أكابر إلى وقت قريب.. بس صرت أقلها بالتلفون :27: من غرفتي وهي بغرفتها.. وأبكي تقلي إلا أنت ما أتحمل دموعك أي شي تبغيه مستعده أسويه. الله يعينك يا شوبارد أنت كمان إفرديها حبتين ولا تمسكيلها على كل كلمة وحركة.. والله أنا ياما تفشلت من أمي.. زمان كنت أجننها وأعاتبها بس الآن كبرت شوي صرت أحزن عليها وأمشي كتيييير الدنيا ما تستاهل :) أسأل الله تعالى أن يرزقك وجميع بنات المنتدى الزوج الصالح والذرية الطيبة المعافاة عاجلاً يارب. |
يا حليلك يا شوبارد أنتي وأمك ... أحياناً أقعد أضحك على مواقفكم الله يوفقك يا شيخة وأنا معك :)
طبعا وجميع فتيات المنتدى ... تصدقين أمي من النوع اللي يسكت لأنها يأست من زواجي ... <<<< أقولها بصدر رحب ولله الحمد المهم هذا موقف اقوله لك على الطاير : مرة من المرات زميلتي جابت ولد .. هي بنفس دفعتي والتعيين جانا مع بعض هي تزوجت بعد التعيين بترم ..والله فيها مواصفات ممكن يعني بعض الناس ما يقبلونها وكل سنه تقول لي : ان شاء الله يا بنان انتي السنة الجاية وش تنتظرين ؟؟ وكل سنة تقول لي السنة الجايه ...هههههه والدنيا خلصت وحلمها بي لم يتحقق المهم نرجع لأمي جيت لها يوم من الايام قلت : تذكرين يمه فلانه ؟ قالت : ايه قلت لها : مسكينة جابت ولد الحمدلله بس عملية موطبيعي وهذا طبعا ثالث طفل يجيها وكلهم عمليات ... تخيلي صحة البنت صارت دمار المهم انا متعاطفة مع زميلتي وأقول : مسكيييينه الله يشفيها تفاجأت بأمي تقول لي : والله المسكينة أنتي ...!!!! . . . تخيلي مالقيت اجابة ... سكت . . . . الله يرزقنا الصبر . . . . . . بنان |
| الساعة الآن 07:12 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©