|
ما تفسيركم لهذا الموضوع؟
السلام عليكم ورحمة الله وبركاته...
طبعا هذا الاسم غريب عليكم وجديد..ولكن انتم لستوا باغراب بالنسبة لي لقد اعتدت على قراءة المواضيع في هذا المنتدى الرائع والمفيد الصراحه ماعرفت وين احط موضوعي ...فشفت قسم الثقافه مناسب..اما اذا كان المكان غير مناسب فغيروا مثل ما تحبون... المهم...انا احببت ابن خال ابي من 6 سنوات تقريبا.. والآن سوف تدخل السنه السابعه ونا مازلت احبه علما بأن الحب من طرف واحد... لا تقولون مراهقه..انا قلت يمكن مراهقه وبتعدي..بس كل ما اكبر كل ما الحب يزيد ويزيد سبحان الله !! وما قلت هالكلام حق حد من اهلي..لأني ما تجرأ اقول..واحب احتفظ هالشي بنفسي..وطبعا الانسان يحب يفضفض ويشكي همه لشخص آخر..فوجدت هالمنتدى اللي اقدر افضي قلبي فيه اخواني واخواتي...ولد خال ابوي..دوم مع ابوي..ومع ان ماشالله بينهم فارق السن ماشالله يعني تقريبا 20 سنه او اكثر ماشالله تبارك...ادري ان مب مهم فارق السن..بس لا حظت ان دوم مهتم فينا... ومره ما انسى هالموقف..تقريبا من 6 سنوات ..كان واحد من اهلنا بودينا المطار يوصلنا انا وابوي واخوي...فهو قال حق الشخص اللي بوصلنا المطار انا بجي معاكم..وركب السياره ويانا..واخوي كان في الوسط قاعد بينا..قلت يمكن يا ويانا عشان ابوي...(علما هو من بلده ثانيه ونحن من بلده ثانيه) وصار موقف ثاني : كنا عندهم..فأبوي مر علينا عشان يوصلنا مكان اللي نبي...فشفته مع ابوي قاعد جدام...ومره كنا مسافرين مكه...اتصل علينا وقال انتو اي فندق قاعدين..قلنا فندق (.... )قال خلاص انا يمكن احجز لي نفس الفندق وياكم يعني. علما ان اخوه الكبير كان ويانا..بس ما اتصل عليه..اتصل علينا على ابوي والله من يتصل على ابوي..ماعرف شو يصير فيني..احس بشعور غريب..يعني قلبي يدق..واحس بالفرح والله وآخر موقف: ان ابوي مره يا ياخذني من الدوام...والله اني اتفاجئت يوم ولد خالي كان معاه في السياره..من شفته في السياره..خلااااااااااااص حسيت بحراره..وارتجف..من الفرحه :24: :o وفي مواقف وايده صارت..بس مابي اطول عليكم.... اعرف بتقولون مب شرط يبيج يمكن يسوي هالشي عشان ابوج...بس الكل مستغرب.. حتى ولد خالتي مستغرب..وقالي ان هو من زماااااااان كل ما يشوفني يقول..شخبار بنت خالتك وخالتك...يعني انا وامي والله ودي اعرف شو السالفه...ودي اعرف شو تفسير هذا كله؟؟ ياريت تفسير خير علي ...وجزاكم الله خير |
شكله لزقه ولد خال ابوك :) لا تزعلين يالغاليه بس والله مدري عن حالته كيف :(
|
ما اشوف شي غريب في الموضوع.. و لو انتي عاجبته او هو حابك كلم الوالد من زمان دامهم قريبين من بعض و علاقتهم كويسه.. اللي اشوفه حب من طرف واحد او بالاصح اوهام واحلام يقظه من ناحيتك.. لا تزعلي مني بس انتي قدامه و مافي شي يمنعه يكلم ابوك لو هو يبيك.. و إذا هالمواقف هو يسويها قصده يتقرب منك اسمحي لي اقول تفكيره صغير.. لأن الرجال يعرف كيف يتصرف صح إذا عجبته بنت.. خصوصاً إذا كانت قريبته كذا اسهل عليه يجس نبض ويتقدم.. و باين من كلامك ان الوالد يحبه و ما اتوقع يرده لو طلب بنته.. |
بما انه دايما مع ابوج
لو بغيج جان اطلبج على طول منه |
ينتقل لعالم المشاكل الاجتماعية
بوركتم |
شي طبيعي تتعلقين فيه ...لانه الرجل الوحيد الي قدرتي تشوفيه عن قرب يعني اضروف و الاحداث الي سارت لها دور في انك تتعلقين فيه
عموما حاولي ما تبنين حياتك العاطفيه على افتراضات او مواقف ...عطي نفسك الفرصه في الاختيار الصحيح |
من الواضح أنه معجب بشخصية الوالد وهو منذ زمن مرافق له وعلى معرفة بك فلو كان هناك إعجاب منه اتجاهك لتقدم لخطبتك أما بالنسبة لمواقفه أرى أنها مواقف عادية ولكن يبدو أن حبك له هو ما جعلك تتحايلين في تفسير المواقف لصالحك :)
|
حبيبتي اميرة الذوق
سبب تعلقج به واضح لانه دوم لازق في ابوج ودوم اتشوفينه لا تعيشين في احلام خلج واقعيه وفكري بعقلج لو يباج بيكلم اهلج خليها للزمن ومول لا تتعلقين به |
تصرفات والد خالك عادي
ماتدل على تعلق بك ولا شيء يمكن يرتاح مع ابوك وعادي كثير من الشباب يكونون مع خوالهم دايم لو كان يبيك كان اقل شيء بين لك شيء يدل على الشيء هذا اقول ياقلبي فكري بعقلك ولا تجلسين تتنتظرين اذا جاءك رجل كفووووو وافقي عليه والله شكل والد خالك ماجاب خبرك |
اسف جدا بس احس انك مكبره الموضوع
من جد مكبره الموضوع |
| الساعة الآن 08:00 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©