|
كيف اكلم ربي؟؟؟؟
السلام عليكم
اخوتي في الله اليوم حصل لي موقف مع ابن اختي كنت عندهم اليوم وطول الوقت جالس جنبي وضام ذراعي على صدره انا عادي متعوده معاه طبعا كنت جالسه بين اخواتي وكل ماأقوم واروح مكان يمشي ورايه الين جلست مكان بعيد عن اخواتي جلس جنبي وقال خاله أنا ابغا أكلم ربي!!!!!!!!! طبعا انا غرغرت عيني وضميته على صدري وجلسته جنبي وقلت له تبغا تكلم ربي ؟ قال ايوه قلت له ربي موجود في كل مكان وفي كل وقت وجالس يسمعنا ويشوفك دحين بس اذا تبغا تكلمه في سر لما تصلي وانت ساجد اتكلم بكل حاجه تبغا تقولها وبعدين انت لما تصلي وتقول الله أكبر ربي ينزل ويوقف قدامك ربي يحبك ويحبك لما تروح تصلي وتقرأ قرآن ماأدري الا الولد غمض عيونه واتنهد وجلست احكي معاه وبعدين سألته انت ايش تبغا من ربي؟ قال بس ابغا اكلمه انا ليش ماأقدر اشوفه. وبعدين حط راسه ونااااااااااااااااااااااااااام جنبي اخوتي بصراحه انا ماأعرف هل اللي انا سويته صح؟ ايش يبغالي اعمل معاه؟ ملاحظه : ولد اختي عمره 8 سنوات وهو بسم الله عليه الله يهديه يحب البنات من صغره يعني من عمره شهور يعني اللي في المنتدى من زمان يعرف مشكلة ولد اختي وحركاته واتذكر كان في موضوع لحائزة الأمل المهم انا ملاحظه ان الولد مره متغير من بداية الدراسه انا مرررررررررره قريبه له كثير ايش رايكم كيف ارد على الولد وكيف اخليه يتقرب اكثر لحب الله اذا في كتب اشرطه خاصه له ساعدوني وربي يسعدكم جميعا ويهديلكم ذريتكم اختكم في الله |
والله اختي شي جميل انك تجاوبيه بهاي االاجابات وان شاء الله الاخوان يفيدوكي ووفقك لله لما يحب ويرضاه
|
مشكوره على المرور
وربي يسعدك ويفرج همك وينولك مرادك وان شاء الله اخواني واخواتي يساعدوني على فكره احس ولد اختي مره متغير من بعد ماواضب على الصلاة في المسجد حتى اختي تقولي مررره متغير هل معقول هو هذا السبب ؟ وايش ممكن اقدر اساعده؟ |
الله يجزاكي بالخير كلميه اكثر عن الله وعن الدعاء وان الله يسمع له فى كلامه وسكووووووووووووته
|
السلام عليكم ورحمة الله وبركاته
أختي الكريمة ، إن شاء الله أن هذا دليل تعلق من ابنكم في الله وحبه له. أود التنبيه على أشياء : يجب أن يفهم أن الله بذاته مستو فوق عرشه بائن من خلقه ، استواء يليق بجلاله وعظيم سلطانه ، ومعنا في كل مكان بعلمه وإحاطته فقط ليس بذاته ، وهذه هي عقيدة أهل السنة والجماعة. يوم أن قلت له " هو يأتي إليك عندما تصلي " هذا خطأ إن كنت تقصدين أنه يأتي بذاته و لا نراه ، وهذا يجره إلى تساؤل .. اذا كان ينزل أين هو لم لا أراه ؟ ، ويدخل في متاهات لا يفهمها ولا يستطيع تصورها. قولي له انه سيرى الله في الجنة يوم القيامة إن كان من المؤمنين. بل الله مستو فوق عرشه بائن من خلقه كما أسلفت ومعنا بعلمه وإحاطته سبحانه " وهو معكم أينما كنتم ". أنصحك بقراءة كتب التوحيد في توحيد الأسماء والصفات ، وأفضلها كما يقول العلماء " العقيدة الواسطية " بارك الله فيكم. |
اخي سنون ومنون مشكور اخي على توجيهك
بس معليش كيف افهمه فعلا انا لما قلت له ان ربي ينزل واحنا نصلي قالي انا ماشوفته هو مثل الدخان والهواء بصراحه حسيت اني في دوامه ماعرفت ايش اقوله بس قلت له انت لما تصلي ادعي ربي يدخلك الجنه عشان تقدر تشوفه لأن بس المؤمنين الي يصلون ويقرأون القرآن هم اللي يشوفوا ربي ارجوك اخوي وجهني ونوري الله ينور بصيرتك ويسعدك ويسخرلك اختك في الله |
مشكور اخي ولد مكه على مرورك
انا ودي اكلمه اكثر بس اخاف اقول كلام اغلط فيه واخليه يتصور اشياء مثل ماقال اخي السنون والمنون لكن ان شاء الله بأحاول والله طول وقتنا ندعيله بالهدايه وانا فراحنا وربي يسعدك ويفرج همك وينولك مرادك اختك في الله |
طيب يا أختي الفاضلة
ببساطة إذا سألك عن أشياء مثل : كيف شكله ؟ يديه مثل يدينا ؟ علما أن لله يدان وكلتا يديه يمين كما قال صلى الله عليه وسلم " إن لله يدان ، وكلتا يديه يمين " والمؤمن عليه تمرير نصوص الغيب عن الله وأسماءه وصفاته كما جاءت ولن يستطيع أبدا تمييزها والوصول إلى حقيقتها ، وقد قال بعض السلف عن مثل هذه الأسئلة عن اسماء الله وصفاته " أمروها كما جاءت " وقال بعضهم " والسؤال عنها بدعة " هذا الشيء نقتنع به نحن الراشدون . أما الصغار فببساطة نجيبهم إذا سالوا مثلا :- كيف شكل الله وذات الله ؟ الجواب : أنا يا بني لم أر الله .. فكيف أصفه لك ؟ إن شاء الله إذا دخلنا الجنة نراه ونعرفه ، والله موجود في السماء. بارك الله فيكم |
| الساعة الآن 07:56 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©