|
معقوله الكلام الحلو ما يأثر في الزوج ولا يهتم فيه؟
السلام عليكم ورحمة الله وبركاته
اخواني وخواتي عندي استفسارات يا حبايبي ارجوا منكم المشاركه اخواني الرجال ردودكم جدا مفيده لا تقصرون معاي ارجوكم هل يمل الزوج من الكلام الحلو اللي يكون طالع من قلب الزوجه بدون تصنع وتكليف ويصير سماع الكلمات الحلوه والغراميه من زوجته شي عادي و روتيني؟ الرجال اللي متعود من زوجته انه يسمع منها كل يوم كلام حلو وفجأة تصير ما تقوله لانها ما تسمع منه نفس الكلام هل يتأثر ويشتاق حق كلمات الغرام منها ولا يكون عادي عنده و مايهتم ؟ وشلون يتأثر الرجل اذا كان متعود من زوجته الحب والاهتمام وفجأة صارت ما تهتم وما تقوله اي كلام حلو مو لانها ما تحبه لا بس لانها تبي يحس فيها وهل تنجح الزوجه اذا اتبعت هالطريقه انها تخلي زوجها ينطق بكلمات الحب والغرام او لا ؟ من غيركم والله ما اعرف ايش باسوي احس انكم صرتوا احلى صحبه لي عساني ما انحرم منكم |
انا مو متزوجة ولاشئ .. لكن باحاول اجاوبك ..
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,, 1- هل يمل الزوج من الكلام الحلو اللي يكون طالع من قلب الزوجه بدون تصنع وتكليف ويصير سماع الكلمات الحلوه والغراميه من زوجته شي عادي و روتيني؟ لا ما اعتقد .. اذا كان الحب متبادل وفيه مودة ورحمة .. 2- الرجال اللي متعود من زوجته انه يسمع منها كل يوم كلام حلو وفجأة تصير ما تقوله لانها ما تسمع منه نفس الكلام هل يتأثر ويشتاق حق كلمات الغرام منها ولا يكون عادي عنده و مايهتم ؟ في البداية اظن بيصير عادي بعدين بيفتقد الكلام الحلوو 3-وشلون يتأثر الرجل اذا كان متعود من زوجته الحب والاهتمام وفجأة صارت ما تهتم وما تقوله اي كلام حلو مو لانها ما تحبه لا بس لانها تبي يحس فيها وهل تنجح الزوجه اذا اتبعت هالطريقه انها تخلي زوجها ينطق بكلمات الحب والغرام او لا ؟ الطريقة هذي اعتقد حلوووة تخلي الزوج يشتاق لزوجته ولكلامها الحلوو فيعمل المستحيل عشان يرجع يسمع نفس الكلام واكثر ... ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,, في النهاية احب اقلك انه لكل قاعدة شواذ .. وبعض الرجال مايؤثر فيهم شئ مهما صار :29: |
ينقل الموضوع لقسم المتزوجين
|
اكيييييييد يأثر فيه بس يتثيقل او مرات مايكون له خلق
كل انسان يحب يسمع الكلان الحلو تحياتي اختج كنوووف |
هل يمل الزوج من الكلام الحلو اللي يكون طالع من قلب الزوجه بدون تصنع وتكليف ويصير سماع الكلمات الحلوه والغراميه من زوجته شي عادي و روتيني؟
:rolleyes: ما اعتقد ان يمل بس ما يهمه يعني باعطيج مثال :يعني انه زوجي اقوله وحشتني يقولي انزين اقوله احبك يقول يعطيج العافيه يعني كللللش ما يهتم لو اقول حق طوفه احبج بتبتسم بس هو عنده الوضع عادي |
...................جربى اللمس اكثر من الهمس
عكس المرأة تمامآ. اختي مراعاه اختيار الكلمات المناسبه،،،،، بارك ا لله بيك،،،، ام اثير |
وين اخواني المتزوجين ردهم على هالموضوع جدا مهم
شكرا خواتي ليلة مسائية عيون فتانه kaanoof كبريائي
وينكم اخواني المتزوجين لا تبخلون علي بالرد لاني من خبراتكم باعرف شلون زوجي يفكر ويحس ارجوكم تواصلوا معاي شكرا مبارك عليكم الشهر الفضيل وكل عام وانتم بخير |
اللي اعرفه وااللي اشوفه من بعض الرجال انهم مايحبو كثرة الكلام الرومانسي يقولو خلاص احنا كبرنا ..:(
بعض الرجال((الله يرزقنا مثلهم )) عندهم الكلام الرومانسي والحلو مثل الاكل لازم منه عشان يعيشو:22: في بعضهم الاعتدال عندهم حلو ...:25: |
انا اظن عند الرجل مبدا كل شيء في وقته حلو .مثال عندما يكون مشغول او مهموم او متضايق وتاتي الزوجه بكلمات رومنسيه و دلع ، طبعا الرجل يتضايق و ينفر و يمكن يقول هذا مو وقته فالزوجه يجب ان تعرف متى تعطي و متى تظهر مشاعرها لزوجها وهكذا يكون كل شيء في وقته حلو ولكي تجعلي زوجك يبادرك بالكلام الحلو عليكي ان تعلميه و تصاريحيه لانه بعض الرجال لا يعرفون هذه الامور مهمه للزوجه و عليكي بالصبر واعطي زوجك كلام حلو من غير مقابل وطبعا لا تنسي في وقته المناسب و بالاضافه للامسات والابتسامات والله يجعل بينكم موده ورحمه.وبعض الرجال لايعبر عن حبه بالكلمات بل باللافعال كمساعدتك في البيت و الاولاد . اختك في الله.
|
اختي ما يملون
بس اتوقع لو تغيرين من الصوره النمطيه في طرح مشاعرك اعتمدي الاسلوب الغير مباشر ايضا ممكن تعبري عن مشاعرك بالاهتمام به طلباته راحته بيتك اولادك و اهم شي الدعوات عند الخروج و لدخول للمنزل ،،،عند شراء اغراض للبيت عندما تريه مرهق من العمل يعني مثل هذه الامور تقرب بين الزوجين و تزرع الموده في قلوبهم خاصه مع مرور السنين و رمضان كريم |
| الساعة الآن 07:28 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©