|
ولد صديقتي وأبوووووووووووووووه .... مصيبة
السلام عليكم
أخواني قبل شوي دقت علي صديقتي وجارتي القديمة تقول لي أن زوجها قبل الفطور كل يووووووووووم يضرب ولده ضرب مميت على شيء ما يستاهل يفقد أعصابه أمس أخذ راس الولد وقعد يدق فيه بالجداااااااااااار:29: :29: وين الرحمة واليوم لطمه كفوووووووووف وهو على السفرة والولد ما أكل عمره 6 سنين وأتوقع انه دخل السابعة وصار الولد يهرب ويروح يفطر عند الجيران علشان قسوة أبوه :29: ومرة ركلوا برجله ورمااااااه بعيد.... و مصايب أكثر المهم امه اليوم كانت مرة تعبانه ارتفع عليها الضغط كلمتي وهي تبكي وتقول ولدي رح تخرب نفسيته وش اسوي ودعت على زوجها اللي هو ابوه يا ناس وش اسوي أنا تكفووووووون قبل العائلة ما تتفك ويروح فيها الولد وأمه صارت تكره ابوه وتفكر بالطلاق على فكرة الأب مدخن .. ساعدونا والله في عون العبد ما دام العبد في عون اخيه |
هذا كله عشاان صائم ؟... لاحول ولاقوة الابالله ...
ترى حتى ابويا كذه يعصب رغم انه لايدخن ولاشئ لكن ما ادري ايش يصير فيه ؟... يضرب اخواني لكن بشكل خفيف لانهم يسوون ازعاج .. بصراحة كنت اتمنى اساعدهم ... الله يعينهم ربي ويصبر الام .. |
من جد حطمتي قلبي عليه
تعرفين السبب ان الانسان المدخن زي المدمن اللي يبي يدخن بس الالصيام يمنع حسبي الله على من دخل هالآفه لبلدنا |
والله كسر قلبي هالولد حراااااااام
خليها تحاول تكلمه وتفهمه او تبعد الولد عن طريقه الين قبل الفطور |
أشكركم جميعا
ولكن هو يدور عليه ويسال عليه حتى لو كان عند الجيران يقوله ينزل وإذا سأله عن شيء والله أحيانا اشياء تااااااااااااااااااااااااااااااااااااااااااااااااا اافهة جدا جدا .. يضربه ضرب مبرح عليها مرة دق الباب قبل الأذان وراح الولد يفتح الباب وقال مين قال أبوه (أنا بصوت مختلف) فالولد خاف وراح لآمه يجري الأب دق مرة ثانية وفتحت له الشغالة .. والله لا يوريكم ... راح للولد وضربه ضرب عنيف مخيف ويقوله مرة ثانية إذا دق الجرس افتح على طوووووول والولد يبكي .. ودافعت عنه الأم وقالت (كيف تقوله يفتح وأنت اصلا قلت له لا يفتح إلا بعد ما يعرف مين يدق بالضبط والله الام منهارة والمشكلة أنها حامل و تعبانة نفسيا وجسديا |
لا حول ولا قـوة إلا بالله
طيب خليها تبعد الولد عن أبوه .. تخليه معاها في المطبخ يساعدها مثلاً ولا ترسله حلقة تحفيظ قرآن في العصر الله يكون في عونها *** |
أشكرك اختي عبير الأحلام
بصراحة اعجبتي حلقة تحفيظ القرأن العصرية رح أقول لآمه لا تحرمونا من افكاركم الرائعة |
قلت لكم ان أبوه الله يهديه يختلق اي عذر علشان يضربه هالضرب
يعني حتى لوكان بعيد لازم يجيبه و أي شيء بسييييييط يضربه عليه |
أقسم بالله وأنا أقراء كلامك
قلت هذا مدخن الله لايبلانا نفس الشيء أبوي أحنى قبل الاذان نسولف ونضحك ولا نقعد ندعي وهو معبس وجهه وإذا أرتفع صوتنا في السوالف والضحك قام يصايح علينا أسكتوا أزعجتونا خلونا نسمع الأذان وأحنا هههههههههههههههههههههه عادنا أنا ولده الكبير أنواع المزح معه عاد كم مره بغت تجي اللقيمات على راسي عادي <<<<<<<<قام الولد يسولف صدقيني هذا الاب مستحيل يترك تصرفاته هذي الا اذا جاء يوم و وصل موضوع طقه لولده أنه (لاسمح الله) يدخله المستشفى بعدها راح يتوب الله يعين هالولد ويعين أمه المسكينه |
في البداية اسأل الله عزوجل أن يهدي هذا الأب
ويوفقه لكل خير واختي صاحبة المشكلة لي بعض التوجيهات المتواضعه اتمنى تطبيقها إن أمكن : 1. تذكيره بأسلوب هادئ وحسن بنعمة الأولاد وفضل الله سبحانه على العبد أن اعطاه ومده من هالنعمة وحرمها ناس ثانين وان هالنعمة محتاجه للشكر والحفظ والصون والرعاية ( المال والبنون زينة الحياة الدنيا ) 2. تذكير هذا الأب وفقه الله لحديث النبي-صلى الله عليه وسلم- ( لا تغضـب ) .. وأن الغضب عواقبه وخيمة .. وأن يتبع وصفة النبي صلى الله عليه وسلم .. بأن يخفف من غضبه بـ الاستعاذة من الشيطان الرجيم والجلوس إن كان واقف .. والاستلقاء إن كان جالس .. والوضوء لأنه يطفئ الغضب وجمرته في في الانسان . 3. اقول للأب المذكور .. بأن يتذكر حديث النبي صلى الله عليه وسلم ( إذا قاتل أحدكم أخاه فليجتنب الوجه ) وأن ضرب الطفل على وجهه أمر محرم وما يجوز .. ثم كيف يا اخي تستطلع ان يكون ابنك شخص كبير وقيادي ومبارك في المستقبل وأنت تضربه في أشرف موضع في جسمه وهو الرأس والوجه !! أنت بهالامور والله كفيل في تحطيم شخصيته وروحه في نفسه فيخرج لك غداً شاب تافه عاله عليك لا عقل ولا شخصية والسبب أولاً واخيراً لك انت 4. بعدين تذكر يا اخي بأنك بضربك لإبنك من دون سبب يستحق الضرب والتأديب تكون ظالم .. والظالم ممقوت من الرحمن سبحانه ( الظلم ظلمات يوم القيامه ) واي ظلم اعظم من ظلم الابن فلذة الكبد 5. تذكر يا أخي قدوتك محمد عليه الصلاة والسلام كان أرأف الناس بالصغار والاطفال تمسكه الجارية ناقصة العقل فتمشي به في السوق ويسمع لها حاجتها لين تفرغ وهي عقلها ناقص ... ويركب الحسن والحسين على ظهره الشريف في الصلاة فيتأنى رحمة فيهم حتى ينزلون .. ويخطب بالناس والصحابه في يوم فيشوف الحسن يتعثر بثوبه فينزل من المنبر حتى يشيله ويحفظه ويقبل أبناءه ويقول ( إنها رحمه ولا تنزع الرحمه إلا من شقي ) يرظيك تكون شقي يا أخي ؟ ماتبي تكون فيك رحمه .. والراحمون يرحمهم الرحمن سبحانه ؟ 6. فكر بارك الله فيك في ملايين من الرجال من هم محرومون من الابن والذرية ودهم بس يكون عندهم ولد واحد يكون اهو عالمهم ودنيتهم وحياتهم الحلوه وانت عندك النعمة وماتقدرها حق قدرها ؟؟ أحب أذكرك قصة حقيقية حتى تاخذ منها العبره ويقولون السعيد من وُعظ بغيره ... فلا تتمادى حتى بكره تصير أنت العبره بغيرك اسمع للقصة بارك الله فيك حكى لنا الشيخ فهد الكندري دكتور في كلية الشريعه هذه القصه المؤلمة .. يقول الشيخ دراسة الماجسترير والدكتوراة وتحضير الرساله شيء صعب جداً ويحتاج من الواحد جهد جهيد ووقت وهدوء لترتيب الأفكار .. فكان هناك(( أب )) يحضر رسالة لماجستير فكان كل يوم ينهمك بالكتابه فذات يوم خرج من البيت فجاء ابنه الأربع سنوات من عمره ومزق كل تلك الأوراق حين رجع الوالد إلى البيت قال له الطفل (( يبا شقيت اوراقك )) جن الأب وذهب مسرعاً لأوراقه فرآها ممزقه فأخذ ابنه وادخله الغرفه وقفل الباب فأخذ يضربه ضرباً مبرحاً وكانت الأم من وراء الباب تصرخ فتح الأب الباب ولم ينتهي بل ذهب وأتى بحبل وربط الإبن بقوة وقفل الباب وذهب للنوم وحين صحى من النوم استوعب ما فعل وذهب ليفتح لإبنه الباب رأى الابن وجميع جسده مزرق أسرعوا به للمستشفى فقالوا لن يعيش إلا بحاله واحد وهي ..! قطع اليدان والرجلان لأن الدم تالف ..! فخضع الاب للطلب ووافق وعملوا العمليه وقطعوا اليدان والرجلان حين صحى الطفل من البنج قال : (( يبا رجع اديني وريولي مراح اشق اوراقك )) |
| الساعة الآن 11:40 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©