مشكلة الامساك
 

مبارك عليكم الشهر جميعا

المشكلة باختصار ولدي عمره شهرين و يعاني من امساك ، مع العلم ان حليبي نشف و اضطريت ان الجأ للحليب الصناعي ، الدكتور بدل الحليب 3 مرات و للحين حبيبي يعاني من الامساك ، لا تقولولي ينسون و سكر نبات و تدليك بطن جربت كل هالأشياء و أكره استعمله التحميلة ، أتمنى من أهل الخبرة يساعدووووووووني :(:15:

اختي حائزة الأمل

مشكور ماقصرتي وانشالله ربي يفرج همج ويسريح قلبج ويستر عليج دنيا وآخره

شوفي جبيبتي انا ولدي كانت عنده نفس المشكله
رحت عند دكتور شاطر قلي حطي بعض من نقط البرتقال على الحليب وسويتها ومن يومها ما عد جاء الوالدي امساك والله الحمد

اضافة للبرتقال انا كنت اعطي بنتي نقاط صغيره زيت زيتون قبل تبرزها وانتي بكرامه بفتره وكان يجيب نتيجه,,
الله يعينك بنتي جلس معها الامساك الى سنتين وكنت اذا ماعطيتها عصير برتقال يرجع لها
الله يشفي ولدك

:::: العسل اخذي ملعقه عسل صباحا ومساءا لو كنتي ترضعينه وشوووفي نتيجته على طفلك :::::

حبايبي :

مي مي : مشكورة عالنصيحة بس ولدي عمره شهرين و البرتقال قوي على معدته ماقدر أعطيه

كل الغلا: شكرا عالنصيحة ما قصرتي

عيون الظبي : مشكورة حبوبة بس حليبي نشف :(

احسن حل


أنك تعطينه تمره تذوبينها في ماي حار وبعدين تهرسينها وتحطين المويه حقتها في الرضاعه


وهذا اللي نفع مع بنتي