حالتي احسها غريبه ومع زوجي فقط؟؟؟
 

بسم الله الرحمن الرحيم

السلام عليكم ورحمة الله وبركاته

لدي مشكله وهي في نفسي ومني وفيني

انا متزوجه من 3 سنوات تقريباً ولدي ولد ومشكلتي مع زوجي وتعاملي معه بدأت مشكلتي من فتره بس احسها بدأت تزداد يوما بعد يوم هل هو مللل ام ماذا؟؟؟؟؟؟

فزوجي ولله الحمد والمنه إنسان خلوق محترم وطيب ومتدين ولم يقصر معي منذ زواجي الى يومي هذا ولله الحمد وتبارك الله عليه ولا بشئ ولكني انا المقصره في حقه

انا مشكلتي يعني مدري هو شئ نفسي او فيني مرض او مدري انا محتااااره في نفسي وفي مشكلتي

من يوم ادخل بيتي يعني احس اني اتعب احس بتعب واحس ان جسمي تعبان مره وقبل رمضان اقول لا يمكن اتخيل وماأثبت لي هذا الشئ الا يوم جاء رمضان اكون الظهر اروح لاهل زوجي ونتساعد على الافطار ونفطر عندهم وانا عندهم مبسوطه واسولف ولا احس بتعب

بس من يوم اجي لبيتي احسني تعبانه ومرهقه واذا جاء زوجي يلقاني تعبانه يعني طول اليوم مايشوفني هو يروح للدوام الصبح ويرجع وانا عند اهله ويجي بعد الفطور ويلقاني تعبانه ومرهقه ونايمه ولا اعطيه وجه وبالليل هو ينام لان عنده دوااام

وهو يعلم الله ولا اسال عنها باذن الله مايقصر معاي من يوم يشوفني كذا يرحمني ولا يضايقني واحسه احيانا يبغى شئ بس انا احس كان فيه احد ماسكني مااقدر اقوم ولا البي مايريد

مالعمل مع حالتي هذه ؟؟؟؟؟؟؟؟

ارشدوني ودلوني على شئ يخليني اعطي زوجي حقوقه وحركات لان زوجي يحب الحركات والرومانسيات وانا مقصره معاه بهالاشياء وتبارك الله عليه الحين الكل يتمناه انسان طيب وخلوق وصاحب مرتبه تبارك الله عليه احس يعني مايبحل لو يبغى يتزوج علي الكل يتمناه مالعمل وكثير دايما رجال يعرضون بنات عليه بس هو يقول لا الحمد لله متزوج بس احس لو يطول تعاملي معاه كذا راح يطقني بثانيه يالله.........

انا مقصره مرررررررررره معاه ومدري وش فيني ؟؟؟؟؟؟؟؟؟؟


احس ان زوجي بدا يتضايق من طريقتي معاه دايما مطنشته مااحس اني اعطيه حقه

اسال الله ان يجزي من يفيدني ولو بكلمه الفردوس الاعلى ويعتقه ووالديه من النار وييسر امره ويفرج كربته ياكريم

حبيبتــي

الجئي لله عـز وجـل .. فما ذكرتـه فعلاً لا يبدو طبيعياً

الجئي للرقية الشرعية .. فلربما كان منزلكم معيوناً .. وهو ما يسبب نشاطك خارجه .. وفتورك داخله

فإن أمكنكم الانتقال لمنزل آخر فبها ونعمت .. وإلا .. فعليكِ بالرقية .. ومداومة التلاوة لسورة البقرة

ففيها من الخيـر ما قـد عم ..

***

يمكن تكونين حامل

عليك بالصدقة بنية الله يشفيك

والله العظيم شي مهول وسبحان الله الشافي

تشوفين اثرها بيومك نعم نفس اليوم

المهم تكون الصدقة كبيرة وبنية الشفاء من هذا المرض نعم نعم بنية الشفاء من هذا المرض

تقولي اللهم هذي الصدقة لعلاجي من مرض نومي ببيتي
او من مرض كسلي ببيتي

وكرريها كل ماستطعتي

ولا تنسيني من دعائك

انا مع اختي بنت الإسلام
الله يعينك
تقبلي خالص شكري
اختك:الحائــــرة..

السلام
مثل ماتفضلن الاخوات عليك برقيه الشرعيه والحفاض على الاذكار والمعوذات
اقري سورة البقره وال عمران في بيتكم
ارقي نفسك وزوجك وعليك بدعاء والله يوفقكم يارب امين

طبعا وفو وكفو

بس عندي اضافة بسيطة

وهي

ان تشغلي سورة البقرة في البيت

وابشري بالخير

وفقك الله

انا بعد اقولك عليك بسورة البقرة والمداومة على قراءة القران
والاستغفار والتسبيح

أسأل الله سبحانه العظيم رب العرش الكريم أن لايريكم مكروه ولا تروا الا مايرضيكم

واساله سبحانه بمنه وكرمه كما تكرمتوا بعباراتكم الرائعه وأساليبكم الجميله ونصائحكم العطره أن يكرمكم ويرفع منازلكم في هذا الشهر المبارك وان ييسر اموركم ويعينكم في دنياكم ويرحمكم في اخراكم

وجزاكم ربي الفردوس الاعلى

بصراحه اثلجتوا صدري بإهتمامكم وبإجاباتكم لي والله نعم الأخوه الصادقه الصدقوه بإذن الله

ولكم من دعوات صادقه بإذن البارئ

والحمد لله انا اشغل سورة البقره في بيتي بس الأذكار احيانا مااقولهم كامله

مدري احس خفت وبديت اتذكر كلام وكأني توني صاحيه من نوم عميق اتذكر كلام دايما يقال لي ويتكرر علي ولكني لا ارعيه اي اهتمام دايما اسمع من اللي حولي يقولوا انتي مرتاحه في بيتك واهل زوجك بجانب البيت واي شئ تحتاجيه يحقق لك مدري احس الشيطان بدا يوسوس لي

أعوذ بالله من الشيطان الرجيم

على العموم راح اطبق بإذن الله ماأفدتوني به وأبشغل البقره في بيتي لعل الله البارئ ينفع بها