|
داوو .... قلبي الحاير المكسور
السلام عليكم ورحمة الله وبركاته دائما... تأتي ظروفي عكس ما أريد غالبا ... ما أبحث عنه يختفي نادرا... ما أريده أحصل عليه ولكن مع ذلك أحمد ربي كثيرا فقد أخذ مني وأعطاني الكثير ولكنها أفكار في النفس ووساوس تدور على حالي الغريب تسير بي أفكاري يمينا وشمالا أحتار كثيرا على حالي ووضعي هل هو طبيعي ؟ أم هناك أمور لا أعلمها تعيق وتعرقل حياتي لا أعلم ولكن سأذكر لكم مايحدث لي واحكموا أنتم قبل فتره كنت معلمه في مدرسه أهليه وكان يتقدم لي خطاب لكن مجرد إنهم يعرفون إني بأهلية ينسحبون ويقولون .. لا حنا نبي موظفه حكومي !!! مرت الأيام وحصل لي والحمد لله تعاقد حكومي .. قلت خلاص الخطاب مالهم حجه الحين صرنا حكومي :17: ولكن كان هناك شيء غريب يحدث وهو يتصل بأمي ناس يخطبون ولكن الأمر ما يتعدى مكالمة وينتهي الأمر يعدوننا أنهم سوف يأتون لرؤيتي ولكن ... فجأه ينسحبون .. تكرر هذا الأمر كثيرا ومرت الأيام وللأسف لم يتم التعاقد معي هذه السنة .. من غير سبب مع انه أدائي الوظيفي كان امتياز... وسبحان الله بعد بداية السنة الدراسية بأيام اتصلت إمرأه على أمي تريد أن تخطبني لأخيها وهم كانوا سامعين عني ومعجبين فيني ... ولكن عندما علموا أني لم يجدد عقدي انسحبوا. وقالوا حنا نبي موظفه !! وينكم يوم إني أكر وأفر بالمدارس .. أهلي وحكومي ....:16: أحيانا أفكر في حالي وأضحك فعلا شر البلية مايضحك الحين أنا ذكرت لكم لمحه من الأمور إلي تصير معي احكموا انتم هل هي طبيعية أم فيه شيء ثاني وأقصد بشيء ثاني .... لا قدر الله .... سحر محتاجه آرائكم عذرا ... يمكن تقولون كلامك ماينطبق على اسمك همة عالية لكن أحب أقولكم .... أنا إن شاء الله دائما أحرص أن تكون همتي عاليه ولكنها هموم غلبتني ..... |
عالية الهمة ..
أشبهك كثييراً وإن كنت لم تصادفني بعد مسألة أهمية العمل وأسأل الله ألا تكون ! أما الوساوس .. فكم ألحت علي ، ومن المؤكد أن الشيطان يغذيها ليحزن الذين آمنوا كما قال المولى .. أشياء غريبة تحدث معي .. أصبحت أقهقه لها والله وشر البلية .... كما قلتِ أسألأ الله العظيم الودود في هذه اللحظات المباركة أن ييسر لي ولكِ ولكل المسلمات من تقر به أعيننا ،، آآآمين ،، |
تأكدي يااختي ان النصيب مايعرف موظفة بأهليه او متعاقده او حكوميه000
نصيبك ان شاء الله راح يجيك حتى لو كنتي ماتطلعين البيت شبر واحد00 انا خطبت زوجتي يوم كانت تدرس بمدرسه اهليه000 وملكت عليها بعد مافصلت وكانت جالسه ببيت اهلها وبعد الزواج الحمدلله تعينت موظفه رسميه000 يعني مو شرط تكونين موظفه لان اللي بيتزوجك عشانك موظفه ماراح ترتاحين معه الا ماشاء الله يكفي انك متعلمه 000 وان شاء الله مع الايام راح يجيك نصيبك 000 وبالتوفيق |
أختى همة عالية
وهل أنت ممكن تقنعي برجل يعيش على جهد زوجته ؟؟ تأكدى أن أي رجل يبحث عن زوجة موظفة ويمتنع عن خطبتها فقط لأنها غير موظفه ليس برجل ولا يستحق الأسف عليه لأنه أنسان انتهازي ناقص الرجولة فالرجال قوامون على النساء والأزواج ملزمين في الصرف على زوجاتهم وبيوتهم 0 فلا تندمي وانتظرى وتأملى خير وغدا سيأتيك من يريدك أنت وليس راتبـك 0 أسأل الله ان يرزقك ويسخر لك الزوج الصالح ويوفقك لكل خير |
الله يفرج همك ويوفقك في امرك
ويجي لك خطيب احسن من اللي جو قبله وتحياااااااااااتي |
سحر؟!
اعوذ بالله تفائلي خير يا اختي الكريمة اللي بيتزوج فتاة لأجل وظيفتها هذا بصراحة طماع و بيعتمد على راتبها اصبري يا اختي والله بيعوضك ان شاء الله في القريب العاجل اسأل الله ان يوفقك و يرزقك بالزوج الصالح اللي يحفظك و يصونك يا رب اللهم آآآآآآمين ودمتي بخير |
اقتباس:
كلامك صحيح 100% |
اختي همة عالية
والله لو اني بمكانك بيضيق صدري لأنهم ماخذني عشان الوظيفة! هذا مافكر بوظيفة حكومية الا لأنه اكيد مايقدر يعيشك وش تبيغين بواحد زي هذا!! . انا من تخرجت وانابأهلية وماقد صادفتني مواقفك ابد تصدقين اغلب خطابي عن طريق المدرسة ويجون يشوفوني في المدرسة بعد وكل اللي قد تقدمو ماركزو على الوظيفة ابدااااااا الا اتذكر واحد قال اهم شي ماتترك وظيفتها مع انه عارف اني بأهلية وضاااااق صدري قلت اكيد وحدة من االثنتين ياأنه فقير ياأنه بخيل وصار في النهاية مايجي من دوامه الا المغرب ومايبغى يتزوج وحدة عاطلة عشان ماتمل في البيت لحالها. صح ماننكر فيه كثير يبغى حكومية عشان تريحه بس والله اللي مثل هالأشكال وهالتفكير بصراحة ماينبغى ودك بواحد ياخذك لشخصك ماهو لوظيفتك وسعي صدرك واتمنى انك تقتنعين بكلامي انا نموذج من من النماذج المعاكسة لك مباشرة تصدقين انا ماقد قدمت على تعاقد أبد تدرين له ؟ لأني عارفة اني بصير بمدرسة كلها حريم كبار ومتزوجات و احس اني ناقصة بينهم ويغثوني بالأسئلة وهي ماتسوى كلها سنة! لوها وظيفة رسمية نقول طول العمر ونتحمل وكل من شافني يقولي قدمي قدمي ولافكرت اقدم اخاف انكد على نفسي ماقدمت الا على الديوان بس حسبي الله عليهم من وزااااارة ياختي بيضيعونا لازواج حصلنا ولاوظيفة نضمن مستقبلنا فيها |
|
اقتباس:
السلام عليكم أختي الغاليه ما عاش من يكسر قلبك .... و لا يستاهل أصلا أنك تفكري فيه أنا أزيد على رد أخي الكبير |
| الساعة الآن 04:21 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©
