|
ليه الغالبية تضع اللوم على الفتيات اذا تأخر زواجهم؟
اذا دخلت عالم المتزوجين او المقبلين على الزواج
وقرأت بعض مشاركات الأعضاء أجد.. الفتاة تتشرط وتصل لمرحلة العنوسة ثم تتنازل.. الفتاة تشترط مهر غالي وحفلة في أفخم الفنادق وشهر عسل في أغلى البلدان ثم تتنازل اذا وصلت لمرحلة العنوسة الفتاة تغتر بجمالها وترفض حتى تصل للعنوسة الفتاة تغتر بتعليمها وتضع شروط معينة وترفض الزواج وتصل للعنوسة ثم تتنازل العانس اذا شافت واحد مع زوجته في السوق ( اللي ماعندها وازع ديني ) لذلك تحس بالغيرة وتبدأ تنظر للزوج بجرأة! مومعقول ياجماعة هالكلام طيب واللي اعمارهم بين 18 الى 21 ومايستحون ويناظرون !! ايش نسميهم؟ يعني احنا اللي جايبينه لأنفسنا؟ هل جميع الفتيات بهذا التفكير؟ هل كل متأخرة عن الزواج هي التي جنت على نفسها وفاتها القطار؟ والشباب مطهرين يعني؟ ماطلبو ولاشي غير الستر؟ وماتشرطو؟ وهل عندهم ثقة بأنفسهم واحساس بالمسؤولية لما يتقدم ويخطب رسمي ورؤية شرعية وغيره؟!! في قسمنا نماذج من البنات وكلنا عارفين أسباب تأخرهم اغلبهم ان ماكانو كلهم الأسباب ماهي منهم اولا الزواج نصيب ومقدر عند الله سبحانه .. ولابد من الأخذ بالأسباب والبنت غالبا ماتقدر تتسبب مالها الا تنتظر النصيب يجيها..والرجل هو اللي يتحرك وهو اللي يقدم على الخطوة انا ماأنكر ان فيه بنات يتشرطون لكن المفروض مانعمم الكلام أبدااااااا.. يكفي الإحساس بالنقص اللي نحسه والحرمان اللي نعيشه واحاسيسنا المتعطشة وتفكيرنا الدائم بالإستقرار وشوقنا للأمومة وبالإستقلالية في بيت لوحدنا...في النهاية يوضع اللوم علينا؟ |
آه على موضوعك جا على الجرح .... اكبر دليييييييييل انا .. وكنت باكتب موضوع يشبه موضوعك ولكن سبقتيني
اهلي شرووطهم تعجيزية وحجتهم العادات والتقاليد ماتسمح .. طيب وانا ؟ ايش اسوي في عمري ؟.. ما ابغى مهر كبير ولافرح كبير ولاشئ .. ابغى واحد ابن حلال طيب .. نعيش حياتنا بما يرضي الله ... ويحبني حب صاادق ... لدرجة احس مايجيني خطاب بسبب اهلي ... لاحول ولاقوة الابالله ... الله يسهل على الجميييع |
اخت شوبارد 00
من يحصرون السبب في الفتاة هم قاصروا نظر 00 وقليلي خبرة في الحياة أما الشخص المنطقي فيعلم يقيناً أن الاختلاف هو سنة الله في خلقه 00 فكما أن هناك فتاة تتشرط 00 هناك شاب يتشرط 00 وهناك فتاة قنوعة 00 وشاب قنوع 00 ولا نهمل الدور الكبير لولي الامر 00 الذي يكون بعضهم حكيم عاقل 00 وبعضهم متسلط سفيه 00 وقبل هذا كله 000 مسالة القضاء والقدر فالارزاق مقسومة منذ الازل 00 رفعت الاقلام وجفت الصحف 00 فلا تحزني ولا تبتئسي 00 هناك أيضاً من ينظر للامور بواقعية وعدل |
كبريائي انت أقنعهيم بأسلوبك واطرحي لهم أمثلة من المجتمع ان فيه زواجات ناجحة وماشية بدون المظاهر المتكلفة
لكن والله كثيييييييييييير اللي مايطلبون شي والمشكلة الطلبات الأساسية يعتبرها الشاب انها تعجيزية له فيه اشياء تعتبر أساسية جدااااااااا مومعقول بعد الواحد يجي وياخذ البنت من اهلها وبس. لكن المشكلة اغلب الرجال ماخذين فكرة عن البنات مثل اللي ذكرته ببداية الموضوع.. وفكرتهم هذي غلط موالكل كذا أبد |
شوبارد ... الرجال يبغووون واحدة بلاش :25: .. مافهمتيهم :21:
|
ياااااااااااااااه من زمان ماسمعت بنت تتشرط وعلى قولتك مانبي الا الاشياء الاساسيه
المصيبه ان الشباب هالايام طايحيين يتشرطون ويبيها تفصيل ولاسألوه قال البنات يتشرطووون ياكثر اللي اعرفهم يبووون الستر وبس وطبعا رجال بمعنى الكلمه مو يجي واحد لااخلاق ولادين ولاوظيفه ولارفضته قالو تشترط مواصفات معينه يعني بذمتكم توافق وتتوهق على حساب نفسها؟؟؟؟؟؟؟؟؟؟؟ معك حق بكل كلمه ياشوبارد بس وشرايك لاصارو الاهل هم اللي يشترطووون (التشديد على النسب) وانا ياقلبي لاتحزن ومع كذا كل ماقابلت وحده تقول لي "للحين ماتزوجتي؟؟؟؟؟؟؟؟؟؟؟؟؟؟ غررررررررررررررررريبه " ماغريب الا الشيطان تراااااااااااه نصيب كانكم ماتدرووون واللي تقول" اكيد تبين شروط معينه يابنت الحلال لاتدققين واجد اهم شئ الدين "واللي تقول من باب النصيحه المبطنه بالتخويف " ترا كل ماتأخرتي بالعمر تنازلتي عن شروطك" واللي تنظر بعين شفقه وكأن انا السبب وتلوومني اي شروط اللي يحكون عنها مدرررررررررررري واللوم اللي ماله داعي اخر شئ صرت ادعي ان اي وحده تلومني وهي ماتدري ان شالله ربي يحطها بنفس موقفي من القهررررررررر والله ليتكم تدرووووووووون بس |
يعني الشباب إللي شروطهم غير تعجيزية ..؟؟
لا يعجبهم العجب ولا الصيام في رجب.. ومابغون يدفعون مهر 30 ألف يقولوا كثير .. ويبغون شعرها طويل .. ولازم بشرتها بيضاء .. وضروري رشيقة .. وإذا تشتغل قال أبيها تجلس بالبيت .. وإذا ماتشتغل قال أبغي اللي تساعدني .. وإذا متعلمة قال المتعلمة قوية .. وإذا أمية قال هذي جاهلة .. حيرونا الشباب .. |
اقتباس:
اتفق معك في رأي ......... الشروط والمهر......... واختلف معك من ناحية النقص اتي تشعر بها ...... اخواتي المتأنيات........ اما من ناحية الشباب صدقيني هم كثر ........ قصري النظر ولهم شرووط تعجيزيه ....... مثل ابغى طويله لالالاقصيره لالا بيضاء لالا نحيله ....... الخ .......... وذلك بسب انهزامهم امام تحمل المسؤليه ويرضون بعيشة العزوبيه ..... ولو فكروا بمثل مافكرتي به من الإمومه والإستقلاليه لمشي الحال......... المفروض يفكروا بالإبوه والمسؤليه..... والزوجه الصالحه التي ترعى شؤنه وشؤنه اسرته..................اختي كم اآلمتني العباره ((يكفي الإحساس بالنقص اللي نحسه )) اتمنى ان تسحب من قواميسك ............ مع احترامي وتقديري لك.. |
لاتضيقين صدرك ياشوبارد
المشكله مو بعانس او غيره!! المشكلة بمجتمعنا ينظر للمرأه نظرة اتهام سواء مطلقة أو أرملة أو عانس وكأنها صنعت قدرها بنفسها وتلاحقها نظرات الاتهام أو الشك ممن حولها بدلا من الوقوف بجانبها في محنتها أو همها الله يعين ويفرج همك وهمي وكل مسلمة |
يقولون اللي يقولونه
ربي اعلم بالنيات والله يعطينا على قد نيتنا تحياتي |
| الساعة الآن 02:42 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©