|
خـطـيـبــتــي لا أعلم معنى تصرفاتها
السلام عليكم
:27: كل عام وانتم بخير ورمضان كريم والله يتقبل منا ومنكم صالح العمل اخواني واخواتي الاعزاء انا لا اطيل عليكم ولكن عندي بعض الملاحظات على خطيبتي في الايام هذي بالبدايه انا خطبت قريبه لي ودائما انا اجلس مع اخووها الكبير حتى قبل مااخطبها بعدها بسنه من الخطبه ترسل مع اخووها كتب لها عشان احل لها الواجب واقووم انا بحل الواجبات المدرسيه والحمدلله كل الحل يكوون صحيح ووضعت لها جدول رائع للدراسه بعدها قمت بشراء اقلام رائعه وكراسات وكتب مساعده لها بمبلغ ولكن يقوول اخوها انها تشكرك لكن احس من كلامها ان الي انا اسويه لها انه يضايقها طيب ليه ماتقوول سلملي عليه ليه ماتقول لي قله الله يعطيك العافيه يعني احس اني كل مابي اتقرب منها بالهداياا والمساعدات لااجد منها انجذاب لي بصراحه انا بديت الحين :11: خلاص كانني ناوي افسخ الخطبه وش فيها ماترد ماتقوول كلام يوصله اخووها لي وش فيها هي مع العلم اهلها مايدروون وش ارسل وش اجيب لها من اغراض وانا مستعد اعطيها هدايا لكن بالبرود هذا الي القاه منها بصراحه يعني افكر اني مااتزوج لاني خلاص احس ان الخطيبات والزوجات مادري احس عندهم بروود ويبووون الزوج والخطيب يتعب وهو يسعى لها من اجل الحب طيب سعينا وارسلنا كل ماعندنا من كلامات وهدايا لكن لا مجيب ارجوو مساعدتي يااخواني ويااخواتي وسامحووناعلى الاطاله ولكم منا جزيل الشكر والعرفان اخوكم للوله مشوار:17: |
تمكن تستحي تقول حق اخوها!!
|
أخوي لا تستعجل صدقني يمكن تستحي
وإحنا بنات ونعرف بعضنا أكثر منكم ولو هي متضايقه منك ومن هداياك كان قالت لاخوها لا يجيب لي شئ خلاص وحاول انت بنفسك تعرف من اخوها اذا هذا الشئ يضايقها او لا الله يوفقكم يااااااارب |
البنت وقالولك تستحي وهي دامها ساكته اكييييييييد عاجبها الوضع
واسألني انا ......لو هي ماتبي او متضايقه كان قالتها صراحه لاخوها لايجيب شي... لاتصير متشائم من اول المشوار .... ترى الزواج يبيـــــله صبررر والله يوفقك |
هذا نوع من الثقل فهل تنتظر ان تنشر قصائ غزل فيك :) انت الرجل فحاول ان تتجاوز عن هذه المناوشات التي تسبق المواجهة الحقيقية فبعد ان تكون في بيتك تحت جناحيك فإذا لكل مقام مقال ;)
|
مثل ماقالوا الأعضاء
البنت مستحيه اصبر وماتشوف الا اللي يسرك |
هل ترى ان هذا سبب مقنع وكافي لفسخ الخطبة؟؟
ياخي جايز البنت تستحي تقول لاخوها اللي في خاطرها لك! وبعدين هو قالك انها تتشكرك وش تبي ترسلك وسام شرف؟؟ تمهل ياخي الحياة طويله امامك وان قابلت اول عقبه بهالشكل وش تقول للاعضاء اللي انصدمو بزوجات مريضات وباردات جنسيا ومعقدات نفسيا وصبرو عليهم وعالجوهم وعاشو معهم حياةطويله عريضه.. ياخوي حاول ان تتعلم كيف تحل المشكله اللتي امامك .. وليس كيف تتخلص منها.. هالشي بيساعدك في امور كثير في حياتك غير الزواج.. وبالنسبه للبنت اصبر جايز بعدين اذا عرفتك اكثر ومانت عليك اكثر تقولك كلام حلو وتحطك على راسها.. اما الحين! وهي ماتعرفك زين وتستحي منك والمرسال بينكم اخوها.. بصراحه احسها صعبه ومالومها.. |
هل ملكت عليها ولا لسه ؟
|
اكيد البنت مستحيه
ومو عارفة شو ترد وبتشوف بعد الزواج كل شي بيتغير انا للحين لما زوجي يجيب لي هدية استحي وارتبك واتلخبط وماعرف شو ارد عليه فكيف هي بتكون وهي بعدها مخطوبة |
ينتقل لعالم المقبلين على الزواج
بوركتم |
| الساعة الآن 02:21 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©