|
ايها الرجال ماذا تفعلون في البيت لوحدكم
السلام عليكم ورحمة الله
ابارك لكم الشهر متأخرا جدا لا نشغالي منذ بداية الشهر بأمور عظام:d ودنا نعرف وش تسون ايها الرجال اذا سافرت المدام أو راحت عند أهلها وخلتكم لوحدكم ولا تقولون تراها فضايح وخلونا نستفيد من بعض والمجال مفتوح للجنس الاخر لكن بدون تريقة. الموقف الأول سيكون من عندي: في يوم من الأيام سافرت المدام وراحت عند أهلها و أول ماجات هلينا فيها ورحبنا وقلنا تفضلي أول ما دخلت البيت قالت مو معقول يكون بيتي هذا؟ وش هذا الترتيب؟ وش هذا الاتيكيت ؟كانه ترتيب حرمة (قولو ماشاءالله) اي والله وهي صادقة كان مافي لا وسخ بالأرض ولا شيء وبس وانا كابر ان راسي صار كبير احس بشي غير طبيعي أحس للمرة الأولى اني انتصرت على الحريم في شي خاص فيهم. ومن كثر منها ماخذة مقلب بنظافة البيت دخلت ونامت على طول :25: الصبح صحت قبلي ؛ ومادريت الا هلا المدفع اللي جايتني وقتها راحت السكرة وجاءت الفكرة لا الورطة تدرون اش مسوي بس بدون ضحك ياأعضاء: في غرفة زايدة عندي في البيت لماكلمتني المدام انها جاية بكرة وش اسوي وش اسوي؟؟؟ جات الفكرة الجهنمية براسي: أقوم واظف كل مافي البيت من اغراض وأوساخ وملابس قديمة واكياس وانقلها للغرفة ذي عشوائيا الين صار الغرفة مثل الجبل من القمامة ولم انتهي من تجميعها الا قبل وصولها بساعتين بس بعدها صارت ما تثق فيني بالنظافة أبدا.:) المجال لكم |
هههههههههههههههههههههههههه
عط الخبز خبازه ولو أكل نصفه |
ههههههههههههههههههههه
الله يعينها لو انك مخلي كل شيء بمحله كان سهلت عليها المهمه كذا خلطت الحابل بالنابل اقولك مره وحده من زميلاتي كانت والده في النفاس وعند اهلها تقول لماجيت البيت بعد الاربعين دخلت المطبخ لقيت الدواليب مفتووووووحه على الاخر واللي فيها من الاواني والكاسات على طاولات المطبخ كلها مستعمله |
لعلي أبحث هنا عن أحد الاخوة المتزوجون ليفيدنا بما يفعل حينما تسافر زوجته لأهلها لحقبة من الزمن .... أخي الحبيب إن سمحتَ لي بالمشاركة ... لي أستاذين غاليين علي .. والعلاقة التي تجمعنا علاقة صداقة حميمة جدا ..... لا أكادُ أراهما في طلعةِ عشاء إلى مرة كل شهرين أو شهرين ونصف ... سأذكر ما أعرف عن بعض تجربتهما إذا سافرت زوجاتهما ... <<<<<< طبعاً الهبقات تشتغل على كل الأحوال .... كل يومين وهم متصلين علي .... أبو عبد الرحمن يالله رايحين نتعشى في المكان الفلاني ... نبغى نلعب بولينج .. أو بلياردو ... اليوم طالعين نشوي على البحر ...... الخ لدرجة إني صرت أقول لهم ..... يا إخوان ترى وجود زوجاتكم أرحم لي ... شايفيني فاضي كل يوم والثاني طلعة طلعة ولا كأنكم محبوسين في سجن وماشفتوا النووووووووور .. ويوم شفتوه ما صدقتوا على الله ... تشتغل النظرات ...... ... أبو عبد الرحمن :( طيب طيب يا أبوية آسفين معليش حقكم علينا ..... الله يهني زوجاتكم فيكم ويهنيكم فيهم ..... >>>>>> نعود إلى الإفادة بعد هذه الاستراحة الجميلة ... أحدهم حينما سافرت زوجته إلى أهلها ( وهي من مدينة أخرى طبعاً ) جمع مجموعة من الشباب ... وقام مُكلفاً على نفسه بالأعمال التالية : - قام بدهان المنزل كاملاً .. وخص غرفة النوم باللون الأحمر المعتق الجميل .. وخص غرفة الأولاد بألوان منوعة على الجدران .. - اشترى سيراميك وغير نظام المنزل من ( سجاد - موكيت ) إلى سيراميك باستثناء غرفة النوم وغرفة الأطفال ... - عمل على تغييرات للإضائة في المنزل كاملة ... - اشترى ( كنب ) جديد لغرفة ضيوف النساء ... وحينما سألته لماذا يا أبا أنس كل هذه التغييرات .... !!! ( ظناً مني والله بأنه أراد التغيير من فترة ولكنه استغل عدم وجود أهله بالمنزل مما كان يعيقه أو يشغله ) ولكني فوجئت بالجواب ... قال : أعملها مفاجأة لزوجتي .... !!!! قلت له : اذهب زادك الله من فضله ... ويا كذا الرجال يا بلاش :22: أعتذر قد أكون فصلتُ كثيراً وأطلت .. ولكن أتمنى أن تكون شيء من الفائدة قد تحققت ... فيما ذا يفعل الرجال إذا غاب زوجاتهم ... وهذا مظهر أو فعل .. ولا ترى الباقي صياعة وأنا أخوووووووووك ... معاشر متزوجين اسألني أنا :17: شكراً على هذا الموضوع الجميل ... |
اي والله
انصحكم يالرجال تنظفون البيت اذا غابت زوجاتكم وتزيلوا لدمار اللي سويتوه لكن كل شي يرجع مكانه مو تجمعونها كلها في مكان وتسكروا عليها الباب |
ما شاء الله
طريقة وحل 100% ممتاز زوجتي راجعة للبيت من عند أهلها بعد أسبوع والبيت مقلوب قلب والله برتب البيت على أستطاعتي والباقي بالمخزن وأشكرك هههههههه :22: حنا متعودين إذا جلس الواحد عزابي فترة أي سافرت زوجتة كل يوم معزوم عند أصحابة ،والحل الثاني المطاعم، والله يشعر الواحد بقيمة الزوجة والأطفال عندما يغيبوا عنه خلا ص تعب، بالرغم من أننا أيام الجامعة درسنا بالخارج ومتعودين على العزوبية والطبخ والغسيل والكوي ولكن بعد الزواج خلاص ننسى كل شئ :26: . |
كسبت ليلة حلوة مبروك لكما
|
موضــوع شيـــق ومفـــيد
عن تجربتي ....لمــا كنــت والده بتوأم انجبرت اني انام في المستشفى لمدة 10 ايام ...وفي هذه الفترة زوجي كان يزورني اول 3 ايام ويجلس عندي من الصبح الى الليل ...وبالليل يروح البيت وينام...بس في اليوم الرابع لاحظت انه يجيني المغرب لمدة ساعة ويروح...وانا عادي قلت يمكن انه مل من جو المستشفى...وتم على هالحال الى ان طلعت من المستشفى...ولما وصلت البيت كان مسوي لي مفاجأة رااااائعه.....مغير الاثاث كله ...ومزين غرفة النوم ومغير اثاث المطبخ....ومزين غرفة المولودين ومسوي لي حفلة صغيرة والاحلى انه هو اللي طابخ العشاء مع اخواني الاولاد....وبصراحه كانت مفاجأة حلوه...والحين احيانا يوم اتأخر في الدوام اشوفه منظف البيت واحيانا طابخ الغدا والسموووحه على الاطاله... اختكم..........لمنـــي بشـــوق |
بصراحه ان اذا سافرت زوجتي و ا خذت العيل و راحت عند اهلها تزورهم تسود الدنيا ف عيوني
و اطفش من البيت ادور اصدقائي العزاب و اطلع معهم و احاول ما ارجع البيت الا للنوم بس طبعا ما يكون لي خلق اسوي اي شيء في البيت لا ترتيب ولا تنظيف ولا بطيخ:d |
هههههههههه
يعني جيت تكحلها وعميتها جان خليت البيت على حاله أبرك بس يالله على الاقل طلع منكم خير يا لارياييل :) |
| الساعة الآن 02:16 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©